الكلااااااب عند الجيران

**dr.hazem** · 08-10-2010 06:30 AM

السلام عليكم ورحمة الله وبركاته
مبدئيا كده انا مش داخل اتكلم عن حكم تربية الكلاب في البيت ولا انهم نجسين ولاانهم بيمنعوا دخول الملائكه للبيت والكلام اللي اعتقد الاغلبيه عارفينه ولو مش عارفينه ممكن يقروا عنه

انما لما تكون المشكله ان عمارة جنبنا (جيراني يعني) مربيين كلاب وحاطينهم في البلاكونات
وصوت الكلاب (المقزز) عالي جدا ويشق سكون الليل
مش عايز اعرف هما بيناموا ازاي!!! ولا ايه المتعه في صوت المخلوق القذر النجس ده ولا يهمني الحقيقه....
لكن انا نومي خفيف جدا والموضوع اصبح زائد عن حدود احتمالي
وانا مش بحب المشاكل ولا وجع الراس
والحقيقه اتكسف اروح اقولهم سكتوا الكلب ده ياجماعه (مهو الانسان لازم يكون حسيس وعنده دم برضه...)

والله كنت زمان بقول على كلاب الشوارع وانهم لما بيشتغلوا بيبقوا مزعجين
لكن والله دول مغطيين على كلاب الشوارع
خصوصا اني ساكن في منطقة هادئه بالليل فالحقيقه صوتهم بيبقى مجلجل
والعجيب انهم مبيشتغلوش غير بالليل او يمكن مبنحسش بيهم في النهار...
والله مستعد اسمعكم ريكورد لصوت الكلاب علما باني بيني وبين العماره اللي فيها الكلاب دي اكتر من 60 متر ومع ذلك الصوت فظيع لدرجة ان ريكوردر الموبايل يجيب صوت الكلاب من البعد ده....
ماعلينا
حد بيعاني من الموضوع ده زيي؟؟؟
طب لو انتا مكاني في حاجه ممكن تتعمل؟؟
وسؤال كمان للي بيربي كلب عنده ياترى عارف احكام تربية الكلاب ولا انتا مربيهم كهوايه؟ ولو جارك اتضايق من كلابك هتتفهم شكوته ولا هتقوله انا في بيتي واعمل اللي عايزه؟؟؟

في بس مقوله بحب دايما اقولها للي بيضايق الناس بتصرفاته...
(حريتك تتوقف عندما تبدأ حرية الآخرين...)

تحياتي

**dr.hazem** · 08-10-2010 07:36 AM

المشاركة الأصلية كتبت بواسطة sherlock

حاول تعمل شكوي جماعيه فى اقرب قسم , مع واسطه طبعا و مش هتسمع صوت الكلاب دي تاني .
لكن انا مختلف معاك جدا فى وصفك للكلب , بس مقدر انزعاجك .

والله ياعزيزي مفتكرش اني هقعد ادور على واسطه ولا على حد يشتكي معايا على جاري
هعمل ايه بقا
جاري وهستحمله عشانه جاري
اما عن وصف الكلب فانا للاسف بكره الكلاب وفعلا مش بطيقهم وياريت محدش يزعل مني

تحياتي

**dr.hazem** · 08-10-2010 08:10 AM

المشاركة الأصلية كتبت بواسطة fadod

بينك وبينهم 60 متر ..علي كده دول مش جيران بيت ،أنا من كلامك افتكرت انهم سكنين لزق فيك وانك تعرفهم .في الحاله ديه ومع وجود معرفه سطحية أو مفيش معرفه توجهك لهم بالكلام مش هيكون ليه قيمه أوي .بس أنا مقدر طبعا احساسك وقد إيه إنت ممكن تكون متضايق

والله ياعزيزي فعلا معرفهمش مطلقا وكمان انا جديد في المنطقه مبقاليش 6 شهور
لكن انا معنديش استعداد اضايق حد
وخلاص مش انا اللي هاجي اغيرلهم نمط حياتهم لكن الفكره بس اني مستغرب ان الكل ساكتين وان هل معقوله محدش بيشتكي منهم؟؟!

الله اعلم

شكرا لمشاركتك

**dr.hazem** · 08-10-2010 10:07 AM

المشاركة الأصلية كتبت بواسطة musama

احكى لك موقف مر بى من كم سنه
جيران جدد (عريس وعروسه) ، سكنوا جنبنا
طبعا هو عريس جديد ومصهلل فيومياً من الساعه 2 باليل يشغلوا الكاسيت بصوت عالى جدا للفجر
تحس ان فى فرح فى الشارع
مش عارفين ننام وعندنا مدارس وشغل الصبح
والديتى اتصلت بيهم - قبل اظهار رقم الطالب - وقالت للعروسة جمله واحده وقفلت الخط من غير ما تعرف مين بيكلمها منعاً للاحراج
قالت لها: الو - لو سمحتوا واطوا صوت الكاسيت شويا - سلام عليكم
من بعدها بدقيقه واطوا صوت الكاسيت
وموضوع صوت الكاسيت على الاخر دا ماتكررش تانى
شوف الحل كان بسيط اذاى

------------------------------------------

نرجع لموضوعك:
طالما محرج تكلم جيرانك وش
ممكن تعمل حل ذى الى حكيتهولك بطريقه ذوق وفيها حسن نيه
حاول تجيب رقم تليفونهم وكلمهم فى التليفون بصفتك - وليس بشخصك - احد الجيران المتضررين من صوت الكلاب باليل
ولو سمحتوا شوفوا حل مناسب لصوت الكلاب العالى بالليل عشان مسببين لك ازعاج شديد

واذا لم تستطيع الحصول على رقم التليفون
ممكن تبعت المضمون دا فى البوسطه بخطاب شديد التهذيب لعنوانهم

ممكن يطلعوا ولاد ناس وذوق ويجيب نتيجه معاهم
لو ماجبش نتيجه ، يبقى وقتها فكر فى تصعيد الامور لمستوى اعلى شويا
أنك تكلم كم واحد من الجيران القدام وتحاولوا تكلموهم (عشان لما تشتكى بعد كدا ، يبقى قدام الجيران انك حاولت بالحسنه الاول)
ولما يلاقى مجموعه من الجيران متضايقين منهم ، ممكن دا يسبب لهم احراج ويشوفوا حل
لو ماجبش نتيجه ، صعد كمان شويا شويا لحد ما تجيب اخرك وتشتكى

انا لا احبذ انك تشتكى جيرانك وتعمل معاهم مشاكل من الاول
لان وشكوا فى وش بعض العمر كله
وهتطلع غلطان ومنبوذ فى المنطقه
وابسط كلمه هيقولولك: انت جيك كلمتنا واحنا صدناك

لكن لما تعمل كدا خطوه خطوه، يبقى عداك العيب فى اى حاجه تعملها

شكرا لردك الجميل ده
انا فعلا عمري ما افكر اني اشتكيهم ولا حتى اعمل معاهم حاجه
ممكن كبيري ابعتلهم فعلا جواب بس مع البواب من غير ميذكرلهم مين انا او كده وفعلا بحب السلم في الحاجات دي

كل ده مش مشكله
انا فعلا بس عايز أعرف من اخواننا اللي بيربو الكلاب دي انه هل فعلا هوا مش حاسس انه بكده بيئذي جيرانه؟؟
ولما انتا عايز تربي كلاب بتحطهم في البلكونه ليه؟
متخليهم جوه يهوهووووووو زي ميحبو
هههههههههههههه
والله العظيم الكلبين من قبل الساعه 4 وهما لحد هذه اللحظه شغالين هوهوة وبجد مش حاجه حلوة قوي يعني
طب ده حتى النهارده الجمعه والناس المفروض عايزه تنام...

انا كمان عندي مشكله
اني لو حاولت معاهم بالحسنى ومجبش نتيجه ببقى فعلا عدواني جدا لاني بحس اللي قدامي ده مش محترمني اطلاقا ولا عاملي قيمه واني احترمته في البدايه
وممكن والله اتهور لدرحة اني اضرب نار عالكلاب دي وولا يفرق معايا
بس العنف وحش
وخصوصا اني قاعد هنا في المنطقه فتره مؤقته سنه او بالكتير سنتين وربنا يطلعني من هنا على خير ان شاء الله

فالمهم دلوقتي وهدفي من الموضوع
انتا لو مربي كلب وجار بعيد او قريب اشتكالك
ياترى ممكن تزعل منه؟
ممكن تقوله ده بيتي وانا اعمل اللي احبه فيه؟
ولا هتتقبل فعلا الكلام ده وهتحاول تدور على حل؟؟
تحياتي

**n_i_t_e** · 08-10-2010 11:54 AM

المشاركة الأصلية كتبت بواسطة musama

احكى لك موقف مر بى من كم سنه
جيران جدد (عريس وعروسه) ، سكنوا جنبنا
طبعا هو عريس جديد ومصهلل فيومياً من الساعه 2 باليل يشغلوا الكاسيت بصوت عالى جدا للفجر
تحس ان فى فرح فى الشارع
مش عارفين ننام وعندنا مدارس وشغل الصبح
والديتى اتصلت بيهم - قبل اظهار رقم الطالب - وقالت للعروسة جمله واحده وقفلت الخط من غير ما تعرف مين بيكلمها منعاً للاحراج
قالت لها: الو - لو سمحتوا واطوا صوت الكاسيت شويا - سلام عليكم
من بعدها بدقيقه واطوا صوت الكاسيت
وموضوع صوت الكاسيت على الاخر دا ماتكررش تانى
شوف الحل كان بسيط اذاى

------------------------------------------

نرجع لموضوعك:
طالما محرج تكلم جيرانك وش
ممكن تعمل حل ذى الى حكيتهولك بطريقه ذوق وفيها حسن نيه
حاول تجيب رقم تليفونهم وكلمهم فى التليفون بصفتك - وليس بشخصك - احد الجيران المتضررين من صوت الكلاب باليل
ولو سمحتوا شوفوا حل مناسب لصوت الكلاب العالى بالليل عشان مسببين لك ازعاج شديد

واذا لم تستطيع الحصول على رقم التليفون
ممكن تبعت المضمون دا فى البوسطه بخطاب شديد التهذيب لعنوانهم

ممكن يطلعوا ولاد ناس وذوق ويجيب نتيجه معاهم
لو ماجبش نتيجه ، يبقى وقتها فكر فى تصعيد الامور لمستوى اعلى شويا
أنك تكلم كم واحد من الجيران القدام وتحاولوا تكلموهم (عشان لما تشتكى بعد كدا ، يبقى قدام الجيران انك حاولت بالحسنه الاول)
ولما يلاقى مجموعه من الجيران متضايقين منهم ، ممكن دا يسبب لهم احراج ويشوفوا حل
لو ماجبش نتيجه ، صعد كمان شويا شويا لحد ما تجيب اخرك وتشتكى

انا لا احبذ انك تشتكى جيرانك وتعمل معاهم مشاكل من الاول
لان وشكوا فى وش بعض العمر كله
وهتطلع غلطان ومنبوذ فى المنطقه
وابسط كلمه هيقولولك: انت جيك كلمتنا واحنا صدناك

لكن لما تعمل كدا خطوه خطوه، يبقى عداك العيب فى اى حاجه تعملها

المشاركة الأصلية كتبت بواسطة mrmohamedragab

ابعت رساله مع بواب العماره خليه يقوللهم الجيران بيشتكوا من صوت الكلاب بالليل

:b4_388:

**factorialx** · 08-10-2010 04:20 PM

لو منفعتش أي طريقه لغاية محضر في القسم و طلعوا ناس معنداش ذوق

معندش حل غير الear plugs

الموضوع: الكلااااااب عند الجيران

LinkBack

أدوات الموضوع

عرض

الكلااااااب عند الجيران - انشر الموضوع فى :

-

-

-

-

-

المواضيع المتشابهه

الجيران الساقعة

ابن الجيران دشلى البرابريز

هما ليه الجيران بقوا عملين كدة

شقة الجيران ولعت......

خناقات مع الجيران

الكلمات الدلالية لهذا الموضوع

المفضلات

المفضلات

ضوابط المشاركة