للبيع فيات 125

**keko** · 08-10-2010 09:03 AM

lالسلام عليكم
انا بفكر ابيع عربيتى ال125 لان الظروف المادية مش سامحة اظبطها اليومين دول فقلت استفيد بفلوسها لحد ماتفرج
ياريت لو حد محتاجها يقول واللى مش محتاجها يقول تسوى كام بامانة
العربية فيات 125 بولندى ستيشن 5 باب موديل 1981
بجد والله انا صرفت عليها كتير ومركب حاجات كلها نضيفة لانى كنت بظبط لنفسىوالعربية معايا من 10 شهور تقريبا
الحالة العامة حاحاول اوضحها بامانة لان العربية واقفة
الدواخل : فابريكة
الخوارج : 1981 ههههه اكيد مغيرة لون
الموتور : بايظ ومحتاجه موتور جديد سالت عليه عامل 2000 جنيه بتاع البولونيز كامل (اول كلمة) وممكن نص موتور ب 900 ويتكمل بالقديم
الجيربوكس : فتيس 6 غيار بولونيز اشتريتها بيه ممتاز والميكانيكى بيقولى تمنه لوحده اكتر من 1000 جنيه
الكرونة : للامانة انا شاكك فيها لان صاحبها القديم كان حاططلها زيت تقيل فقلت بيكتمها بس لما حطيت زيت عادى مالقتش مشكلة عموما حقك تكشف عليها
الرادتير : جديد نحاس 3 ماسوة المانى انسى مؤشر الحرارة مغيره بنفسى
البطارية : جديدة بالضمان فارتا مغيره بنفسى
الكاوتش : مغيره بنفسى 4 فرد جداد تيوبلس دانلوب اندونيسى وتيل مش سلك بيضرب
العفشة : مغيرها بالكامل بين جديد واستيراد (حسب الافضل) وكل شهر بظبط زوايا واراجع عفشة بس محتاجة تغيير ورقة سستة (30 جنيه) وتنزل تتظبط بس (من 50 ل 100 مصنعية) وتظبيط علبة الدركسيون
حالة الصاج :
الاساسيات القوائم والسقف بحالة جيدة والعتب اعتقد تمام والارضية مش عارف
بارومة جامدة حوالين العجل (لان الباشا كان مستخسر 4 كفرات )
كام حكة فى الببان (يتردوا ع البارد) والرفرفين قدام كام كل واحد واخد خبطة ولا ترييحة (لزوم ماتعلمت السواقة ) غير الاكصدام الامامى محتاج يتظبط
ال5 ببان وحشين قوى فى الفتح والقفل محتاجين تظبيط
التابلوه مشقق ممكن يتظبط او يتحك عليه دبدوب وخلاص
العدادات : كلها شغالة ومغيرها بنفسى وسلك السرعة جديد
الرخصة : تاريخ الفحص 2012 بس التجديد كان شهر 6 اللى فات انما سبتها لما اشوف حانقل ملكية باسمى ولا ابيع على طول بالتوكيل
الفرش : كرسى السواق ضايع والباقى فى الذيذ وفرش السقف والارضية فابريكة وحالة جيدة
الكهرباء : متوسطة ومغير طقم دراعات نور جديد
البربيز الامامى مش واضح قوى (عامل من 100 ل 120 جنيه )
ومغير شوية حاجات صغيرة بس بتجمل زى نص عامود الكردان والصليبة وقاعدة الفتيس وطبلة الكنتاك وشوية رفايع كدا مش فاكرها بس كلفتنى كتير
اعتقد والله اعلم 3000 يظبطوا العربية كويس و4 او 5 الاف يخلوها زيرو
انا حاولت اوضح المميزات والعيوب بكل امانة واحط نفسى مكان اللى هايشترى وارجوا ماكنش طولت
مكان العربية الاسكندرية