يجيلك قلب تحط موبيل1 فى عربيه بيتلز قديمه؟

**volkeswagin** · 22-03-2008 02:31 AM

يجيلك قلب تحط موبيل1 فى عربيه بيتلز قديمه؟

حد يجيله قلب يا جماعه يحه فى العربييه؟

من ناحيه التكلفه فا تكلفته ارخص بكتير جداااااا
لان الجالون 4 كيلوا منه 230 جنيه بيعمل 10000 كيلو
بينما الجالون العادى اللى احنا بنحطه ده بيكلف 40 وبيعمل 1000 كيلوا
غير 10 زيارات للبنزيمه بعشر طوابير بتعطيل ليك باقل كفائه

اولا اانا سئلت ناس متخصصه زيوت وشرحولى الارقام اللى مكتوبه على الجالون وقالولى انا الرقم اللى على الشمال ده بيبقى بدايه اللزوجه والرقم اللى على اليمين ده نهايه اللزوجه

بمعنى عامى المتور انا لما تدوره الصبح بتحتاج تسخنه عشان الزيت بيكون تقيل وعشان ياخد اللزوجه بتعته لازم يسخن
يعنى لو انت حاطت زيت عادى بيبدا اللزوجه عند درجه 40 وبتنتهى عند درجه 50
موبيل 1 بيبدا عند درجه 5 وبتنتهى عند درجه 50
الملحوظه المهمه ان الاتنين بينتهوا عند نفس درجه الحراره
يعنى اللى بيتقال ان ده بيستحمل السخونه اكتر من ده كلام فاضى
كلام بقى ان ده خفيف وده تقيل عشان موبيل 1 ده زيت تخليقى معدنى اما الزيت العادى فده زيت مشتق عشان كده تقيل
الملحوظه الاهم ان الزيت التقيل ده بياخد فتره على ميتوزع على المتور اما الزيت الخفيف زى موبيل 1 او Xhp بيبقى خفيف ويتوزع بسرعه

الملحوظه علميه
اكبر نسبه تاكل للمتور عند بدايه التشغيل
عشان كده الشركات بتحاول تعمل زيوت تاخد اللزوجه بسرعه باقل درجه حراره

نصيحه يا جماعه للى متوره مش بيسرب زيت او مش بيبخر زيت عشان الزيت التانى غالى وخفيف

انا وللهى حطيت موبيل 1 مرتين وكل مره مشيت عليه 9000 كيلوا وغيرته
وجربت امارات مصر الغالى بس معمرش معايا يدوب غيرته طلعت بيه الاسماعليه مش كمل لاخر السكه

لما تحط موبيل 1 ده هتحس ان صوت المتور رااااااااح بنسبه 90% تقرييبا وبقى ناعم جدااا

انا متورى جايبه جديد 1500 من المانيا وبحافظ عليه لما رجعت اليومين دول للزيت العادى للصداع اللى عامله ليا الميكانيكى العربيه بتسخن فى ثانيه ومش بتكمل مشوار وهرجع لموبيل 1 تانى

انا على فكره بعمل العشر الاف كيلوا دول فى اقل من شهرين تخيلواا هغير زيت كام مره فى الشهر لو انا ماشى بالزيت العادى ده على طول؟

ياجماعه سيبكوا من مقوله المتور قديم وتعب العينه بينه انا جربت واللى مش مصدق يجب حفاظا على متوره بس لو هو واثق من متوره;)

احب اشوف رئيكوا ولو حد عنده معلومه زياده ممكن نتناقش فيها خاصه لو معلومه علميه

**fahd_628** · 22-03-2008 02:40 AM

انا عن نفسى يجيلى قلب لية لأ

لو الظروف تسمح ماشى لكن لو لأ خلاص بقى حعمل اية ححط من العادى

**aliabutaleb** · 22-03-2008 07:04 AM

أنا من ساعة ما جبت ال 128 موديل من 8 شهور تقريباً وانا مش قادر أثبت على زيت
جبت التعاون ومصر للبترول وكالتكس
باغير على 3000 تقريباً
بس بصراحة انت لعبت في دماغي أجرب
بس انا أخاف أحط للعربية موبيل وان تيجي تطلب مني بكرة بنزين 95 :)

**volkeswagin** · 22-03-2008 01:49 PM

المشاركة الأصلية كتبت بواسطة AboRoqaiaa

أنا من ساعة ما جبت ال 128 موديل من 8 شهور تقريباً وانا مش قادر أثبت على زيت
جبت التعاون ومصر للبترول وكالتكس
باغير على 3000 تقريباً
بس بصراحة انت لعبت في دماغي أجرب
بس انا أخاف أحط للعربية موبيل وان تيجي تطلب مني بكرة بنزين 95 :)

الزيت ملوش اى علاقه بالبنزين
الزيت للتقليل من احتكاك المتور

غير ان فعلا البنزين ال95 حلو من حكاوى الناس انا مش جربته بس انا كنت بحط موبيل 1 وحط 90 عادى جداااااا

**SAbuhashem** · 22-03-2008 06:36 PM

لأ طبعا لا ينصح بإستخدام زيت زي موبايل وان في عربية قديمة جدا زي البيتلز ولا أي زيت تخليقي تاني

المواتير القديمة يفضل تغير الزيت فيها على فترات متقاربة مش كل ١٠٠٠٠ كم

Thanks
Eng.Sherif Shaker

**aliabutaleb** · 22-03-2008 06:51 PM

المشاركة الأصلية كتبت بواسطة volkeswagin

الزيت ملوش اى علاقه بالبنزين
الزيت للتقليل من احتكاك المتور

غير ان فعلا البنزين ال95 حلو من حكاوى الناس انا مش جربته بس انا كنت بحط موبيل 1 وحط 90 عادى جداااااا

انا عارف طبعاً بس كنت باهزر :)

**معاذ الشرباصى** · 22-03-2008 07:53 PM

ده غير انه لا ينصح بالارتقاء بالزيت

يعنى لو بتستعمل معدنى من فترة, متعلاش و تستعمل تخليقى, لانه بيخلى الموتور يخف

كان فى موضوع كاتبه الاستاذ اسلام جلال فى شرح للموضوع ده

**volkeswagin** · 22-03-2008 09:18 PM

المشاركة الأصلية كتبت بواسطة معاذ الشرباصى

ده غير انه لا ينصح بالارتقاء بالزيت

يعنى لو بتستعمل معدنى من فترة, متعلاش و تستعمل تخليقى, لانه بيخلى الموتور يخف

كان فى موضوع كاتبه الاستاذ اسلام جلال فى شرح للموضوع ده

ممكن تبعتلى اللينك بتاعه ؟

بس على فكره انا لما بستخدم موبيل1 بحس ان العربيه ناعمه وصوتها واطى وكمان مفيش سخونيه
غير الزيت المعدنى ده زباله مش بكمل مشوار دلوقتى الا والاقى العربيه لمبه الزيت تنور من السخونيه

يا ريت الاقى رئى قاطع وليه المفروض اغير على فترات قريبه مع ان المتور نفسه جديد
اه العربيه قديمه بس انا مغيره جديد وانتاجه جديد مش من عمر العربيه يعنى

**ابوهاشم** · 23-03-2008 12:11 AM

المشاركة الأصلية كتبت بواسطة AboRoqaiaa

أنا من ساعة ما جبت ال 128 موديل من 8 شهور تقريباً وانا مش قادر أثبت على زيت
جبت التعاون ومصر للبترول وكالتكس
باغير على 3000 تقريباً
بس بصراحة انت لعبت في دماغي أجرب
بس انا أخاف أحط للعربية موبيل وان تيجي تطلب مني بكرة بنزين 95 :)

على فكرة ياجماعة انا عرفت من الميكانيكى ان بنزين 92 و95 غلط على البيتلز لانه بيعلى حرارة الصبابات لانها تبريد هواء وزيت
والافضل ليها 80 و90

**volkeswagin** · 23-03-2008 12:36 AM

المشاركة الأصلية كتبت بواسطة hashem1999

على فكرة ياجماعة انا عرفت من الميكانيكى ان بنزين 92 و95 غلط على البيتلز لانه بيعلى حرارة الصبابات لانها تبريد هواء وزيت
والافضل ليها 80 و90

ميكانييكى تانى قالى ان 92 كوييس عليها ووالدى شغال بال 92 بقاله اكتر من سنه
وانا اشتغلت بيه فتره بس عشان مش كنت لاقى 90 ولما مش لقيت 92 مره وانا مسافر رجعت ل 92
ولا فى فرق بينهم خالص حسيته

على فكره معظم الميكانيكيه مش عيزين يغيروا فكرهم ومعتقادتهم القديمه هو عارف كده وهو ده الصح وخلاص

مشاهدة نتائج الإستطلاع: يجيلك قلب تحط زيت موبيل 1 فى عريه بيتلز قديمه

الموضوع: يجيلك قلب تحط موبيل1 فى عربيه بيتلز قديمه؟

LinkBack

أدوات الموضوع

عرض

-

-

-

-

-

-

المواضيع المتشابهه

عايز اشتري عربيه من بره مصر (بس تكون قديمه سنه او سنتين)

عربيه هوندا اكورد قديمه شكلها مسروقه

عايزه سياره بيتلز قديمه

عايزه سياره بيتلز قديمه

شوفو الراجل ده عمل ايه بالفوم و هيكل عربيه قديمه!!

الكلمات الدلالية لهذا الموضوع

المفضلات

المفضلات

ضوابط المشاركة