الموضوع: مبدأ الثواب و العقاب

لأ طبعا غير الصحيح
النفس لا تستقيم إلا بمسألة الثواب والعقاب
هل حضرتك مثلا ممكن تروح الشغل لو عرفت انك مش هتاخد أجرك؟
حتى لو الشغل ده فى صميم افادة الناس والعالم الخ؟
كذلك، لو ألغينا القوانين، هل الناس هتتصرف كما لو كانت موجودة؟
استحالة!

بناء عليه مسألة الجنة والنار ضرورية لصلاح الدين والدنيا،

فيه مبداء الترغيب وانك تذكر الفوائد اللى حاتعود عليك من عمل شئ معين
ومبداء الترهيب وهو انك تذكر الضرر او العقاب اللى حايعود عليك من فعل شئ او عدم فعل شئ
المهم فى الكلام ده ان الانسان يلتزم دينيا
يعنى يكون مسلم على حق يحب الناس ويعمل الخير للناس كلها ويساعد المحتاج
وطبعا فيه ناس مابتعملش الكلام ده بتعمل بس المطلوب منها الصلاه والصوم وتمام كدا
بس مافيش حاجه اسمها الكويس من نفسه لان فيه اللى نفسه موش كويسه بس هوا قدر انه يطوعها ويجعلها ملتزمه
وهنا قلب الموضوع واللى الاسلام بيطلبه مننا ولقد علمنا ( ان النفس لامارة بالسوء) فكيف يمكننا ان نجعلها سويه

مش عارف اقول ايه

المقدمة اللي قالهالك فاسدة في الأساس ..
وخلينا ناخدها واحدة واحدة ..
مين قال إن الناس بتعبد ربنا خوفاً من النار أو طمعاً في الجنة ..
الأساس هو الأخلاق الحسنة .. يقول رسول الله صلى الله عليه وسلم : "إنما بعثت لأتمم مكارم الأخلاق"
يبقى المفروض إن الناس تعمل الصح علشان يبقوا كويسين .

طب نعرف منين الصح من الغلط ..
أنا ربنا علمني ونبيي علمني وقرآني علمني الصح من الغلط
هو بقى عرف الصح منين ..

يبقى الحكاية تتعدل إزاي :
الإنسان لازم يبقى كويس
وعلشان يبقى كويس لازم يعمل الصح
أنا مسلم والصح ربنا قالهولي .. انت ملحد عرفت الصح منين

لو قالك من المجتمع .. يبقى عمايل الصح بترضي المجتمع
لو قالك من الناس .. يبقى عمايل الصح بترضي الناس
لو قالك من دماغي .. يبقى هو بيعمل الصح علشان بينبسط ودي أنانية المفروض عمايل الصح يكون فيها إيثار .

يبقى اللي بيعمل الصح عندنا بيرضي ربنا
أما حكاية الجنة والنار دي فمسألة في إيد المولى سبحانه وتعالى
يعني ممكن واحد يعمل الصح ولكن ربنا يحبط عمله ويدخل النار
وممكن واحد يعمل الغلط وربنا يسامحه ويدخل الجنة .

لو وقتها قاوح تاني معاك .. قوله امسح لي الجزمة بعد إذنك ..
لو اتنفض واتفرفر ..
قوله إيه ده هو انت مش كويس .. هو انت مش بتعمل الصح
هايقولك إيه الصح في كدة .. قوله علشان أكون نضيف
هايقولك وأنا مالي ومالك .. قوله مش من التعاون إنك تكون كويس
هايقولك أنا أمسح جزمتك انت .. قوله مش التواضع صفة نبيلة ..
هايقولك انت قادر تمسحها قوله لأ مش قادر .. والمفروض تصدقني .. لأنك بتعمل الصح ..
وقتها هايسيبك ويمشي أو هايمسحلك الجزمة ، وفي الحالتين انت الكسبان وتكون خلصت منه ومن الأشكال الوسخة دي ..

ونصيحة مني اقرأوا كويس يا جماعة واعرفوا دينكم قبل ما تدخلوا في مثل هذه الجدالات
فرسول الله صلى الله عليه وسلم يقول : " إن هذا الدين متين فاوغلوا فيه برفق "
يعني لو اجتمع الأولون والآخرون على أن ينتقصوا من أمر الدين شيئاً ما فلحوا .. المهم أن يكون المتصدي فاهم كويس في الدين علشان يتصدى

وتقبلوا جميعاً خالص مودتي

ومين ألي قال أن الدين الأسلامي مبني علي الثواب والعقاب فقط.......دينا الحنيف جوهره صالح المسلم في حياته و أخرته.
وهو منهاج كامل شامل لشؤن الحياة مهما صغر أو كبر شأنها(معاملات أقتصادية-أجتماعية..............) مافيش جزئية ألا وتطرق لها ورسم معالمها ونظم التعامل معها.
أسأله سؤال
لو مشيت علي تعاليم وقوانين الدين الأسلامي هل هناك أي خسارة أو ضرر ليك في حياتك المادية المحسوسة؟
بالعكس تماما وكأمثلة مادية محسوسة
-الصلاة=عبادة+رياضة جسمانية و أسترخاء روحاني وتأمل (يوجا )
-الزكاة والصدقات=تكافل أجتماعي
-زيارة المريض=تكافل أجتماعي
-بر الوالدين
-منع الخمر ولحم الخنزير=بعد عن أمراض وجرائم
وهكذا .......لو فطرته سليمة ولا يكابر هايعرف أن مصلحته( أن جاز التعبير )وملاذه مع مضمون الأسلام

فعجبي أيه ألي يخليني أحاول تفصيل منهج بعقلي المحدود والقاصر .........والحمد لله ربنا فتح علينا بمنهج لا يأتيه الباطل من عنده سبحانه وتعالي

ردك عليه تمام اوى انت اشرت فيه لنقطة مهمة جدا وهى القوانين الحياتية اللى بتنظم علاقتنا ببعض واللى معالمها الرئيسية مستمدة من الأديان لتحديد الصواب والخطأ ومن غيرها يبقا مفيش غير قانون الغابة ومبدأ الصراع الأنانى والبقاء للأقوى
ويبقا مفيش فرق بينا وبين الحيوانات لأنه كل واحد هيحدد الصح من وجه نظره هو عن طريق شهواته

بس المهم هو رد عليك بإيه لأنه الناس دى معظمها مش بيبقوا عاوزين يعرفوا الحقيقة ولكن عاوزين ينكروا صحة اللى قدامهم فقط ويثبتوا انهم بس اللى صح