من والى بورسعيد

**alfath8** · 08-10-2010 03:35 PM

انا اخوكم محمد من بورسعيد وانا بصراح دى اول موضوع ليا وانا كنت بستحى من المشاركات فى المنتدى لان معى موتوسيكل صينى شبه الكاستم 400 بس انا من كتر اعجابى بالمنتدى والاشخاص المشاركين فيه قررت ابيع الصينى واشترى موتوسيكل يابانى بصراح نفسى فى هوندا steedبس سالت عند اشرف خميس والناس اللى جنبه لقيتها من 15 ال17 الف وسالت عل raceلقيت فيه250 عاده ب11 الف بس فيبر متكسر وشكله متبهدل شويه ولقيت حاجات فاير 250 ب17 الف ازاى اعرف الموتوسيكل كويس وهل الشكل العام يبين ولا لازم ميكانيكى وانا عايز حاجة فى حدود 12 بس تكون كويسةوطبعا تعيش معايا

**yascro** · 08-10-2010 04:19 PM

منور المنتدى يا ابو حميد
متستعجلش ف الشرا وهتلاقى اللى انت عايزه باذن الله

**m3_dolphen** · 08-10-2010 07:57 PM

السلام عليكم ورحمة الله ...
بص يا أخ محمد انا أخوك محمد من القاهرة وكان معايا موتوسيكل صينى بردو وربنا أكرمنى وجبت هوندا 250 عادة
بس الفرق شاااااااااااااااااااااااا ااااااااااااااااااااااسع مفيش وجه مقارنة .. المهم انت فى الاول هتتعب شوية بس هتحس انك بتتعب على فايدة انا عايز اقولك ان الريس اللى معايا موديل 89 تخيل بقى 22 سنة ولسة شغال بكفاءة دى كفايا..
بردو خلى بالك معظم الميكانيكية مش عندهم ضمير وممكن يلبسك المكنة المهم انه يطلع مصلحة سواء فى الشراء
أو فى التصليح او فى قطع الغيار ...

انت لما تشترى مكنة حاول تركز مع صوت الموتور هل هو طبيعى ام لا بمعنى صوته ناعم وشغال مستريح ولا صوته خشن وبيعلى ويوطى وخلى معاك واحد ركيب ريس أفضل هيحس بالموضوع ده اكتر منك

بعد كده بص على الكاوتشات شوفها مشققة او ممسوحة و أصلية ولا لأ

وشوف حالة الفيبر راشش ولا لأ ...
افتح التانك وبص هل فى صدأ ولا لا لأن كل اللى قلتلك عليه هيفرق فى سعر المكنة

المهم بردو لو الموتور سليم ومتحلش قبل كده
يبقى كل شئ فى المكنة سهل تغيرة أما الموتور لو اتفك مرة يبقى بنسبة كبيرة شكرا للموتور
دى بعض المعلومات اللى عرفتها فى الــ 3 شهور اللى ركبت فيهم المكنة أرجو من الاخو ة فى المنتدى لو حد عنده معلومات اكثر يعرفنا بيها
وأهم حاجة زى ما قالك الاخ دياب متستعجلش عشان متندمش

**Nour_safwan** · 10-10-2010 03:40 PM

نصيحتي من واقع التعامل مع كل تجار الموتسيكلات
1- أشرف خميس
2- حسام فوزي
3- محمود السعدني عنده واحد ستيد 400 على 14000
شوقي السقا وممكن تستناه شويه يكون فتح حاويه وده أرخص واحد لأنه مش فاهم أوي في المكن وده عن أول الطريق الدائري عند سوق الخضار بتخشله من عند حته كده كلها عشش وناس تحت خط الصفر لا دول ميعرفوش يعني ايه خط الصفر