ياريت الي يعرف حاجه عن نوكيا e52 يفيدني ضروري

**samboo** · 08-10-2010 03:41 PM

انا لسه شاريه من 3 ايام وهوا ضمان رينج وفوجئت ان البطاريه بتعد حوالي يوم ونص مع العلم ان بتكلم في اليوم من نص ساعه الي ساعه الا ربع فهل ده شيء طبيعي و لا لا ولو مش طبيعي هل ينفع ابدله و لو ينفع هل ببدله من المحل الي انا اشتريته منه و لا التوكيل . انا بجد مش عارف اعمل ايه ياريت لو اي حد مر بنفس المشكله يقولي حاها ازاي. انا اسف اني طولت عليكوا

**gundal** · 08-10-2010 05:02 PM

في الحقيقة انا معايا n97 وكان معايا قبله بردو n كلهم كانوا يا دوب يوم ونص طالما بتستخدمه سواء مكالمات او حتى بتقعد تلعب بالموبايل طول ما الشاشة منورة بالالوان بتسحب من البطارية ولو مشغل واي فاي او بلوتوث على طول بردو بالاضافة للمكالمات ..

بس نصيحة مني مش هتخسر حاجة .. روح للمحل اللي اشتري منه وقله اللي حصل معاك وشوف هيقولك ايه .. اكيد هيقولك طبيعي وروح بردو للضمان .. في الاول احسن لك .. علشان بس تطمن .. والمشكلة اني اعرف ان الضمان لا يكفل البطارية ففي اسوأ الفروض يوم ونص حلوين ..

**mshamy** · 08-10-2010 08:14 PM

الجهاز معايا بقالة شهرين ..اخويا كان إشتراه لي من السعودية
بصراحة جهاز تحفة
بس غريبة موضوع الشحن اللي بيخلص بسرعة ده..
جرب تفضى البطارية تماما لحد الجهاز ما يفصل..
وبعد كده سيبه يشحن طول الليل (حوالي 8 ساعات)
لو المشكلة لازلت قائمة يبقى تروح الوكيل لآن كده حيبقى في مشكلة والله أعلم

**Queue** · 08-10-2010 09:33 PM

لأ طبعا مش طبيعي بطارية الجهاز ممتازة 1500mAh

**samboo** · 08-10-2010 09:57 PM

المشكله ان المحل قالي انه هيغيرلي البطاريه بواحده كوبي وانا الي اعرفه ان بطاريه التليفون قويه
فمش عارف اعمل ايه بصراحه

**NaderNabil** · 09-10-2010 02:18 AM

جهاز ممتاز... بقالة 7 شهور معايا..

البطارية بتقعد حوالي 3-4 أيام ...

بس تأكد انك قافل الواي فاي و البلوتوث...و لو مش محتاج ال 3g في حاجة ممكن تقفله...

كل ده بيقلل الإستهلاك