يا باشا ما انا مغير البوجيهات (NGK.price 25L.E.) مع الأنجكشن البوجيهات عمله معايا 3000كم لغاية دلوقت.
عرض للطباعة
يا باشا ما انا مغير البوجيهات (NGK.price 25L.E.) مع الأنجكشن البوجيهات عمله معايا 3000كم لغاية دلوقت.
يبقى كدة مفاضلش غير الحساس
MMamdouh
إمبارح غيرت الحساس .بعد ما حطيت العربية على الجهاز كان الحساس القديم مدي 600والإنجكشن مدي128 ( مش عارف معني القرأت ديه أيه)؟؟؟؟.الفني قال أن المشكلة في حساس الشكمان والإنجكشن سليم.
المهم غيرت الحساس (تمنه225) الحساس القديم كان مجنز وعلية حاجات خضراء !!! .السحب العربية إتحسن شوية.
بس وأهه من كلمة بس مشكلة دخان الدوارة الصباحية كما هو ولمابتدي كذا أمبليه وربعض بتسمع صوت مدفع بسيط جاي من قدام.
الوضع الحالي انا مغير أنجكشن وحساس والميكانيكي بيقولي ناقص بقه طرمبة البنزين!!! طبعا سبته ومشيت وأنا في حالة نفسية سيئة......
بص... الدخنة السودا مع الدوارة معناه رشاشات بتسرب.... هل لو ركنت العربية يومين تلاتة و جيت تدور بيطلع دخان برضة؟
متاكد ان الميكانيكى ركب الرشاشات الجديدة ولا ضرب عليهم و ركبلك اى طقم عيان من عندة؟
منظم ضغط البنزين كويس؟
نسى قصة الطرمبة دى... الميكانيكى دة شكلة بيجرب
MMamdouh
مش عارف صراحة منظم ضغط البنزين ده فين وأعرف منين أنه كويس؟
بانسبة للرشاشات هي جديدة بتاعة اكسنت؟ حوار أنه ضرب عليها أنت كده خليت الفار يلعب في عبي أنت عارف أن الدنيا ماعدش فيها امان اليومين دول....بس على العموم العربية بعد ماركبت الرشاش دي قعدة معايا 4 شهور زي الفل ومافيش دخنة ولا حاجة لأن موضوع الدخنة ده جديــــــــــــــــد.
طيب لو هما رشاشات اكسنت يبقى سهل اوى تعرف هما بتوعك الاصليين ولا بتوع الاكسنت... بس برضة مش حتعرف اذا كانوا بتوع الاكسنت هما اللى انت جبتهم ولا مش هما... انا مش عايز اتهم حد ظلم
عموما الدخنة السودة مع الدوارة عيب رشاشات... شكلها كدة رشاشات الاكسنت اى كلام... انت ليه مجبتش بوش استيراد و ريحت دماغك؟
MMamdouh
والله أنا قلت الجديد جديد برده و وبعدين كان فرقها عن الGm الجديد تقريباُ 350:400جنية.فقلت أجيب بيتاع الهيونداي خصوصاُ أني سمعت أن هم بيبقو كويسين مع الدايو ومهما إن كان الجديد هيكون أفضل من الإستيراد . ولكن واضح أن عيب الرشاشات في الدايو صداع مزمن زي ما الناس بتقول.
المحير أن إستهلاك البنزين معقول 270:280كم في الصفيحة على الطوالي!!!!!
بالنسبة لقرأة الرشاشات 128 هل حضرتك عندك فكرة ايه هو الرينج المضبوط؟
التسريب من الرشاشات مش حيفرق معاك فى الاستهلاك لان العيب مبيظهرش الا لما تبطل العربية
للاسف معرفش ال128 دى عبارة عن ايه فا مقدرش افيدك
MMamdouh