الموضوع: دخان أسود

إمبارح غيرت الحساس .بعد ما حطيت العربية على الجهاز كان الحساس القديم مدي 600والإنجكشن مدي128 ( مش عارف معني القرأت ديه أيه)؟؟؟؟.الفني قال أن المشكلة في حساس الشكمان والإنجكشن سليم.
المهم غيرت الحساس (تمنه225) الحساس القديم كان مجنز وعلية حاجات خضراء !!! .السحب العربية إتحسن شوية.
بس وأهه من كلمة بس مشكلة دخان الدوارة الصباحية كما هو ولمابتدي كذا أمبليه وربعض بتسمع صوت مدفع بسيط جاي من قدام.
الوضع الحالي انا مغير أنجكشن وحساس والميكانيكي بيقولي ناقص بقه طرمبة البنزين!!! طبعا سبته ومشيت وأنا في حالة نفسية سيئة......

مش عارف صراحة منظم ضغط البنزين ده فين وأعرف منين أنه كويس؟
بانسبة للرشاشات هي جديدة بتاعة اكسنت؟ حوار أنه ضرب عليها أنت كده خليت الفار يلعب في عبي أنت عارف أن الدنيا ماعدش فيها امان اليومين دول....بس على العموم العربية بعد ماركبت الرشاش دي قعدة معايا 4 شهور زي الفل ومافيش دخنة ولا حاجة لأن موضوع الدخنة ده جديــــــــــــــــد.

والله أنا قلت الجديد جديد برده و وبعدين كان فرقها عن الGm الجديد تقريباُ 350:400جنية.فقلت أجيب بيتاع الهيونداي خصوصاُ أني سمعت أن هم بيبقو كويسين مع الدايو ومهما إن كان الجديد هيكون أفضل من الإستيراد . ولكن واضح أن عيب الرشاشات في الدايو صداع مزمن زي ما الناس بتقول.
المحير أن إستهلاك البنزين معقول 270:280كم في الصفيحة على الطوالي!!!!!
بالنسبة لقرأة الرشاشات 128 هل حضرتك عندك فكرة ايه هو الرينج المضبوط؟