أنا بسأل السؤال ده لأن عندنا في شوارع المنصورة صعب تمشي على ال60 الا نادرا .. معندناش طرق طويله وسريعه زي القاهره .. يعني الجري هنا مش هينفع الا اذا طلعت على طرق السفر
عرض للطباعة
أنا بسأل السؤال ده لأن عندنا في شوارع المنصورة صعب تمشي على ال60 الا نادرا .. معندناش طرق طويله وسريعه زي القاهره .. يعني الجري هنا مش هينفع الا اذا طلعت على طرق السفر
عمر يا مان عادي و لو ان التعمير يفضب في الشتاء بس لو مش هتقدر تستني عادي و كمان كده كده الجو هيعملها فينا و يقلب ساقعة تاني زي كل سنة و التعمير تحرق 20 علي الواقف و 20 لتر علي 80 كم\ساعة اكتر من السرعة دي لا
Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzzzzzaaaaaaaaaaaaaaaaa For Ever
لا يا ابو رقيا مش 60 مش للدرجة دي:)
ممكن يمشي عادي على 70 و80 و90 بس المهم
انة ميقرصش على الموتوروينقل على عدد لفات موتور "RPM"
واطية في حدود من 2500 لـ 3000 لفة في الدقيقة ولو مفيش
عداد RPM يبقى بودنك انقل قبل ما صوت الموتور يعلى عن الطبيعي
والتسارع بتاعة يكون تدريجي ومش سريع. ومتمشيش على سرعة ثابتة
لفترة طويلة هلشان تريح الموتور وعلشان ميسخنش
جامد يعني يمشي شوية على 80 وبعدين ينزل على 70
وبعدين يطلع تاني وهكذا. المهم تلين صح علشان ترتاح بعد كدة.
تسلم ايديكم كلم علي الرد وتسلم يانادر
ليا سوال كمان
في مشكلة دلوقتي لو شغلت التكيف بحالة الموتور دي علي كدة لحد الشتاء ان شاء الله ؟
علما بان الموتور ما بياكلش زيت بس صوتة عالي وسحب العربية بطئ وبطلع احيانا دخان ابيض من الشكمان وبلاقيها مطلعة زيت علي الموتور
لو ما تقدرش تستني للشتا يبقي اعمل اليومين دول قبل الحر بتاع 7 و 8
التليين علشان تضمن تللين صح تشغلها من الساعه 6 مساءا مثلا ل 6 صباحا و جنبك جركن ميه و عنيك علي الردياتير كل ما الميه تنقص زودها .
يتم تشغيل السياره ساعتين و تريحها من ربع لنص ساعه .
الاحسن انك تحرق 100 لتر علي الواقف و انا عملت كده مرتين .
قبل ما تتحرك تروح للميكانيكي ينزل الزيت و تغير الزيت و الفلتر علشان لو فيه رايش في الموتور او حاجه من المخرطه ينزل مع الزيت و يضبط تاكيهات و يعلي العربيه سنه صغيره.
المشي في التليين بيبقي علي اقل من مهلك و مش زي ما تكون عربيه زيرو يعني مجرد ما الصوت يعلي سنه بسيطه تنقل و لمده 1000 كيلو و يستحسن ما تمشيش بيها غير بالليل و لو جنبك طريق سريع و لا حاجه امشي كل يوم بالليل عليه في الطراوه.
اول 100 كيلو ما تزودش عن 50
من 200 الي 1000 سرعتك 70
و بعدين تروح للميكانيكي تاني يضبط تاكيها و تغير الزيت و الفلتر و البوجيهات اللي كنت بتلين بيها و يضبطها و بعدين امشي بيها عادي جدا
و الف مبروك العمره :)
طيب سؤال يا رجالة
طريقة التلين الى انتو قلتوا عليها دية يعنى حرق 40 ليتر وهى واقفه وكمان 1000 ك على الهادى .
كل دة المفروض يتعمل لو هعمل بس نص عمرة (طقم شنبر ) علشان بتاكل زيت ..
ولا موضوع التلين دة بيخف شوية فى حالة النص عمرة ؟؟
وشكرا جزيلا
معلش كمان سؤال لما اعمل نص عمرة هل هيرجع الموتور لاصلة تانى مع الاخذ فى الاعتبار انى لما افتح الموتور هغير اى حاجة انا شايفها مش كويسة بمعنى اصح هصرف على الموتور كويس
بس هو دة السؤال .. الموتور هيرجع تانى زى ما كان ولو بنسبة 90 % ولا ملهاش لزمة المصاريف دية كلها لانه مش هيرجع تانى زى الاول ؟؟
الفارق الاكبر في العملية دي هيرجع لجودة القطع اللي انت
هتبدلها ثم لمهارة الصنايعي وفي الاخر للتليين.
90% مش هيبقى زي ما كان زيرو علشان مش هتلاقي
خامات نضيفة بس ل بع ما خلصت ولينت وعملت كبس موتور طلع
85% مثلاً يبقى العمرة نجحت بشكل كبير.
اساساً الموتور الزيرو الكبس بتاعة اقل من 100%.
شكرا نادر باشا على التوضيح ... بس عايز اعرف هل النص عمرة بتاخد وقت فى التلين زى العمرة الكاملة ولا بتختلف فى النص عمرة .. معلش لانى انا احتمال اعمل نص عمرة كمان 3 ايام فعذرا سيدى الكريم ..
مادام الموتور اتفتح وفي اجزاء تم تبديلها
فلازم تلين لحد ما الاجزاء تطبع مظبط.