بلاش حد يشتري فيات ايفو او اي موديل تبع توكيل اوماترا لانو توكيل اي كلام !!!!!

**yoko** · 09-10-2010 12:13 AM

المشاركة الأصلية كتبت بواسطة devilpsycho

انا متشكر جدااا ولاهي لاهتمامكم .... فعلا حسيت اني في وسط اهلي .... العربيه اتصلحت خلاص ... انا كتبت اللي حصل معايا عشان الكلام اللي كان بيتقال و يحرأ الدم .. هو الواحد مش بيجيب عربيه جديده عشان يشتري دماغي ولا عشان تارفو في تصليحها تاني يوم ... انا كلمت حماية المستهلك و لسه ماشيين في الاجرائات ... و للاسف بعت علي موقع فيات مرتين و محدش رد عليا فدا يبين اد ايه ان الشركه الام نفسها مش مهتمه بعملائها ... اما بالنسبه للاسامي فهما ؛ طارق جبريل مدير خدمة ما بعد البيع ,, محمود ابو زيد مدير الصيانه ,, المهندش شريف اللي كان مسئول علي العربيه و قال بكل امانه انو عيب فني مش اعد يحور زي الباقي ,, و مدير الشركه اللي والدي كلمو و اسمه جمال تادرس ... اتمني بس اني اكون وصلت الرساله و محدش يحصلو اللي حصلي

موقع فيات بيرد خلال إسبوع لإنهم بيرجعوا يسألوا التوكيل الي هنا قبل ما يردوا عليك
ومدير فيات إسمه ماجد تادرس مش جمال
وهشوف الموضوع ده إن شاء الله

**bembodeniro** · 09-10-2010 06:21 AM

يا خوفى يا بدران من اوماترا انا لسه معملتش صيانه ال 5000 بتاعه الينيا وواضح ان المصايب بتبان كل ما الكيلوات تزيد على العموم زى ما احمد قالك ان فيات ايطاليا بترد فى اسبوع وبيبهدلوهم وعلى العموم انا حالف لو صيانه عربيتى معجبتنيش ولا حصل اى حركه قارعه انا معايا ايميل المدير الاقليميى بتاع فيات ومش هارحمهم
لان انا اتعملى كوبى من الايميل اللى اتبعت للمهندس طارق جبريل وفيه ايميل الراجل الايطالى اللى ماسك المدير الاقليمى

**damasry** · 09-10-2010 01:07 PM

المشاركة الأصلية كتبت بواسطة bembodeniro

يا خوفى يا بدران من اوماترا انا لسه معملتش صيانه ال 5000 بتاعه الينيا وواضح ان المصايب بتبان كل ما الكيلوات تزيد على العموم زى ما احمد قالك ان فيات ايطاليا بترد فى اسبوع وبيبهدلوهم وعلى العموم انا حالف لو صيانه عربيتى معجبتنيش ولا حصل اى حركه قارعه انا معايا ايميل المدير الاقليميى بتاع فيات ومش هارحمهم
لان انا اتعملى كوبى من الايميل اللى اتبعت للمهندس طارق جبريل وفيه ايميل الراجل الايطالى اللى ماسك المدير الاقليمى

حضرتك هو التوكيل اخل معاك فى اى حاجة؟؟؟

بالعكس افتكر التوكيل والاستاذ ماجد تادرس عملوا واجب مع حضرتك وقت شراء العربية

وصيانة ال5000 مفيهاش شغل فنى خالص

**mohamedmmm2** · 09-10-2010 05:07 PM

هو فيه واقع لازم نقبل بيه.. ان التوكيل زباله بس العربيات اكتر من ممتازة وفيه واقع تانى لازم نقبل بيه ان كل العربيات دلوقتى تقريبا فيها عيوب صناعه.. انا فى فولكس والله تعبت معاهم فى تزييق فى العفشه.. وكمان سمعت المهندس بيقول لواحد صاحبه انهم استلموا عربيه بولو جديدة فى المعرض بطاريتها بايظه اصلا وكان معايا واحد قاعد معايا فى التوكيل معاة تيجوان الموتور ال tsi ال 1400 150 حصان موتورها اتحرق فيه بستم اتحرق والتيربو اتحرق وبيقولوله هانقيس ضغظ البستم لو شغال هانغيرلك التيربو بس ولو مش شغال هانغيرلك الموتور اللى تمنه 75000 جنيه بس هايستنى 3 شهور على ما ييجى..
وواحد صاحبى كان معاة BMW 525 غير علبه الدركسيون 4 مرات فى التوكيل بسبب صوت طقطقه لما بيلف؟؟؟
انا رايى انا اركب عربيه حلوة واتوكل على الله وخلاص.. استحمل المشاكل اللى فى الاول بس على الاقل هاتركب عربيه حلوة وعلى ما اظن كل مشاكل العربيه لو فيها يعنى على 30000 كيلو كدة هاتكون كلها طلعت