الى من يدعي زيادة استهلاك الساجا الغير طبيعي ..

**sayed911** · 08-10-2010 06:17 PM

السلام عليكم ورحمة الله وبركاته

اخواني في الله

بعد استلام الساجا الذي كان بالبارحة ولله الحمد والترخيص كمان كان امبارح وكانت ميسرة برضوا والحمد لله اسلمت السيارة وكانت اول ما حطيت فيها المفتاح لقيت لمبة البنزين منورة وزغللة العين كده والحمد لله :d قلت ما بدهاش وكانت ساعتها العربية عاملة بالضبط حوالي 28 كيلو رحت حاطط فيها بـ30 جنيه بنزين 92 يعني حوالي 16,21 لتر بالضبط روحت رخصت ورحت الجيزة للبنك الممول للموضوع وبعدين رحت شارع الطيران للمعرض عشان آخذ باقي اغراض السيارة وكل ده وانا مروح بقى للص في العداد لقيت لمبة البنزين منور رحت حاطط كمان 20 جنيه راح العداد عامل بالضبط 3 شرط على العداد واجمالي السيارة الآن 202 كم يعني آخر 20 دي انا ممشيتش بيها خالص يدوبك من المحطة للبيت على طول يعني انا بصراحة لسة محسباتهاش وقولت بكرة ان شاء الله ليها تفويلة عندي عشان اعرف التفويلة فيها بتعمل كام بالضبط ....
مع انها عملت معايا حركة كدى من اولها انا مرخص الساجا بـ 1,500 جنيه ههه كل ده بس عشان ضريبة متعة ولكن يالله كلو يهون عشان الساجا لكن بسم الله مشاء الله العربية تحفة وممتازة ولكن ان شاء الله تقرير قريب جدا عند انهاء صيانة الألف اللي لسة بدري عليها هه ...
سؤال الى ملاك الساجا : انا قرأت الكاتالوج بالكامل - ما هي الفائدة الرئيسية من زر اعادة ضبط جهاز الإنذار لأني مش فاهموا لحد دلوقتي وفكرة الفوج الأماي في زرار والفوج الخلفي في زرار مهو يعني الإتنين اساسين !!!!! ولكن لم اجد اي معلومة تفيد عدم تشغيل التكييف في فترة التييلن ولكن في بند بينص على انه يجب عدم ارهاق المحرك نهائيا في الفترة الأولى ...
سؤال هل جينز كار عندوا حاجة جاهزة للساجا وبحدود سعر كام .... لأنو في واحد في ميدان الجامع عندوا عرض حلو لكن لسة معنديش تفاصيل ها اوفافيكم بيها اول ما احصل عليها ان شاء الله ...
ولكن في النهاية انا كل اللي عايز اقولو اني شايف المعدل ده طبيعي ومش المفجع يعني ولا هوة المعدل اللي يخلي الإنسان حاسس انه بيصرف على العربية اكتر من المواصلات ولكن انا شايفها معقولة الى حد كبير جدا اوانا واثق انه المعدل ها يتحسن كمان اكتر ولكن مش دلوقتي ...
سؤال اخير بقى هل من داعي للكشف على المياه والزيت ومستويتاه لأنه انا واخدها من معرض مش من التوكيل ومكشفتش عليها في المعرض لأنو بتاعنا .. فئيه الخطوات اللي اتبعها وانا بكشف يعني ( زيت - مياه ؟؟؟؟ ايه تاني ؟؟ )

**spiderloking** · 08-10-2010 06:59 PM

بص يا استاذي الفاضل انت معاك حق طبعا العربيه لا بتاكل بنزين ولا حاجه انا معايا العربيه و زي الفل و الحمد لله و فعلا الاستهلاك هيقل جدا معاك كل ما تمشي بيها يعني انا ناو عامل 5000 كيلوا و الاستهلاك معايا راااااائع بجد بالنسبه لموضوع الفوج الخلفي انا مش عارف بالظبط استخداموا في ايه بالظبط لكن انا لقيت انوا ميزه جامده اوي في الزحمه لما حد يكون لازق فيا اشغلوا بيضايقوا في عينوا هههههههههههههههههه علشان يحرموا يلزقوا في العربيه و بالنسبه للكشف علي السوائل انت هتفتح غطاء الريداتير بتاع الميه و شوف كدا لو لقيت مستوا الميه الخضرا كويس خلاص يبقي تمام و ممكن كمان تكشف علي الاربه الاحطياتي لو لقيتها ناقصه شويه مش مهم و شوف زيت الباور لو بين الماكس و الميني كدا كويس و زيت الفرامل كمان لو لقيت العلبه مليانه يبقي تمام و للعلم كل الكلام ده هيتعمل عليه تشيك في الصيانه يعني متعملش فيها حاجه ولا تشيك علي حاجه مش مهم

**Nistelrooy** · 08-10-2010 07:30 PM

وعليكم السلام ورحمة الله وبركاته

الف مبروك وربنا يعطيك خيرها ويكفيك شرها ..

غالبا الزرار بتاع ضبط جهاز الانذار ده هو انك لو العربية زنت معاك والانذار اشتغل ممكن تطفية من الزرار ده ..

**sayed911** · 08-10-2010 10:04 PM

بص يا استاذي الفاضل انت معاك حق طبعا العربيه لا بتاكل بنزين ولا حاجه انا معايا العربيه و زي الفل و الحمد لله و فعلا الاستهلاك هيقل جدا معاك كل ما تمشي بيها يعني انا ناو عامل 5000 كيلوا و الاستهلاك معايا راااااائع بجد بالنسبه لموضوع الفوج الخلفي انا مش عارف بالظبط استخداموا في ايه بالظبط لكن انا لقيت انوا ميزه جامده اوي في الزحمه لما حد يكون لازق فيا اشغلوا بيضايقوا في عينوا هههههههههههههههههه علشان يحرموا يلزقوا في العربيه و بالنسبه للكشف علي السوائل انت هتفتح غطاء الريداتير بتاع الميه و شوف كدا لو لقيت مستوا الميه الخضرا كويس خلاص يبقي تمام و ممكن كمان تكشف علي الاربه الاحطياتي لو لقيتها ناقصه شويه مش مهم و شوف زيت الباور لو بين الماكس و الميني كدا كويس و زيت الفرامل كمان لو لقيت العلبه مليانه يبقي تمام و للعلم كل الكلام ده هيتعمل عليه تشيك في الصيانه يعني متعملش فيها حاجه ولا تشيك علي حاجه مش مهم

متشكر جدا لردك علي يا اخي على الموضوع وانا متشكر جدا على رد فعلك السريع معي وان شاء الله ها اروح بيها طيران على موبيل عشان يكشفوا على الحاجات كلها عشان ابقى ماشي وانا ماشي مطمئن وان شاء الله خير وربنا يباركلك ويباركلي ويبارك لكل عائلة بروتون في سياراتها ...

وعليكم السلام ورحمة الله وبركاته

الف مبروك وربنا يعطيك خيرها ويكفيك شرها ..

غالبا الزرار بتاع ضبط جهاز الانذار ده هو انك لو العربية زنت معاك والانذار اشتغل ممكن تطفية من الزرار ده ..

طيب مانا لو فتحت الباب والجهاز فضل يرن منى اقفلوا من الريموت معايا على طول ولكن بصراحة انا حاسس انو الحتة دي مبهمة جدا في الكتالوج شوية لأنو انا مستصعبها قوي لأني مش حاسس انه ها يكون محطوط بسهولة كدى اكيد ليــه مغزى تاني ولكن متشكر جدا على تفاعلك وفكر معيا واحنا ان شاء الله ها نصل الى مغزاه ..

**Mohtofy** · 09-10-2010 01:09 AM

ألف مليون مبرووووووووووووووك على الساجا ... وربنا يديك خيرها ويكفيك شرها

**Donzi** · 09-10-2010 01:23 AM

الف مبروك على حضرتك و ربنا يديك خيرها و يكفيك شرها يا رب

عندي استفسار بعد اذنك هي ايه ضريبة المتعة دي ؟

**Donzi** · 09-10-2010 01:34 AM

المشاركة الأصلية كتبت بواسطة spiderloking

لأ هوه اكيد حضرتك بيهزر يقصد انو دفع كتير يعني و هوه بيرخص بس لأن مفيش حاجه اسمها ضريبة متعه

اااااااااااه بحسب اخترعوا حاجة جديدة في الضرايب ماهو مفيش حاجة بعيدة عليهم

بس مش كتير 1500 جنيه على عربية 1300 cc ، انا مجددة في شهر 5 تقريبا 1100cc اتكلفت حوالي 280 جنيه رخصة سنة ؟؟

**spiderloking** · 09-10-2010 01:38 AM

المشاركة الأصلية كتبت بواسطة Donzi

اااااااااااه بحسب اخترعوا حاجة جديدة في الضرايب ماهو مفيش حاجة بعيدة عليهم

بس مش كتير 1500 جنيه على عربية 1300 cc ، انا مجددة في شهر 5 تقريبا 1100cc اتكلفت حوالي 280 جنيه رخصة سنة ؟؟

هوه اكيد مرخص 3 سنين لو مرخص سنه واحده ب 1500 يبقي حرام طبعا كتير جدا انا مرخص سنه و عربيتي 1300 cc دفعت حوالي 800 جنيه بالتأمين الاجباري و شنطه الاسعافات و المثلث و الطفايه و كل الاوراق

-

-

الموضوع: الى من يدعي زيادة استهلاك الساجا الغير طبيعي ..

LinkBack

أدوات الموضوع

عرض

الى من يدعي زيادة استهلاك الساجا الغير طبيعي .. - انشر الموضوع فى :

-

-

-

-

-

-

-

المواضيع المتشابهه

استهلاك 9.5 لتر في 100 كيلو. طبيعي ولا؟

ده استهلاك غير طبيعي للبنزين

هل هذا استهلاك طبيعي للنوبيرا ؟؟

منقول:زيادة سعر الساجا 1000 جنية

استهلاك البنزين مش طبيعي

الكلمات الدلالية لهذا الموضوع

المفضلات

المفضلات

ضوابط المشاركة