السلام عليكم
انا عايز اشتري نوبيرا 2008 و مش عارف اخد قرار ناس تشكر فيها جداً و ناس تقول ان عفشتها فيها مشاكل كيتير و كمان كنت عايز اعرف اية الكماليات بتاعتها
شكراً
عرض للطباعة
السلام عليكم
انا عايز اشتري نوبيرا 2008 و مش عارف اخد قرار ناس تشكر فيها جداً و ناس تقول ان عفشتها فيها مشاكل كيتير و كمان كنت عايز اعرف اية الكماليات بتاعتها
شكراً
مبروك مقدما يا باشا وربنا يديك خيرها .. انا كمان هاستلم كمان اسبوع ان شاء الله واسمعنى كويس .. اولا الكمال لله مفيش حاجه كامله بالنسبة للنوبيرا والله انا شايف سعرها ومستواها زى الفل بالمقارنة بعربيات تانيه كتير بس خليك فى المانيول افضل لان هناك شبه اجماع ان الاوتيمتك بتعها مش حلو وان شاء الله ربنا يديك خيرها
الاستاذ الفاضل amagdy اشترى نوبيرا مانيوال وانت مش هتندم
العربية ماشاء الله ممتازة من كله
عيبها الوحييييد انها واطية بس فحاول ماتمشيش فى طرق مكسرة او فيها بلاعات عالية مثلا
وربنا يديك خيرها ويكفيك شــرها
أختيار موفق باذن الله
أحسن مواصفات باحسن سعر سابقا و حاليا بالسوق
متشكر علي رايكم يا جماعة و الف مبروك يا إستاذ أيمن و ربنا يباركلك فيها و يكفيك شرها , أنا إن شاء الله هستلم عربيتي الاسبوع ده خلاص إستقريت علي النوبيرا و مش هخلي حد يشككني فيها :)
الله يبارك فيك ويارب نتقابل فى صيانة الاف سوا مبروك مقدما ربنا يديك خيرها
علي خير ان شاء الله ياباشا والله عربيه تمام عن تجربه انا كان معايا وحده 2005 وبعتها وجت اوبل وبعت الاوبل والله باذن الله هجيب وحده نوبيرا تانى بس هجبه علي الزيرو
انا الحمد لله إستلمت العربية خلاص و مكنتش مصدق , المعرض التعاملت معه كان علي مستوي عالي جداً و سلمني العربية في نفس اليوم القدمت فية خطاب من البنك مستنش شهر و لاحتي إسبوع و لا حتي يوم , كنت حاسس اني بره مصر لان الناس كلها خوفتني من اصحاب معارض السيارات و البيعملو خصوصاً لو جايب العربية بالتقسيط.
ألف مبروووووووووك...ياريت تحكيلنا التفاصيل واسم المعرض وتليفوناته ونظام البنك وكل شئ لإفادة الجميع...
الله يبارك فيك , بالنسبة لبيانات المعرض :
إسم المعرض : روبي موتورز
تليفون : 25562557
العنوان : 44 أ ش ثابت - حلوان
المعرض بيتعامل مع بنوك كتيييير بس انا إتعاملت مع بنك المؤسسة العربية المصرفية Abc
دفعت مقدم 25 % و قسط الباقي علي 6 سنوات هما طبعاً بيقولو ان الفائدة 7.8 % بس دي في حالة توافر شروووط كتييييير و حسب عدد سنوات التقسيط بس الفائدة الرسمية الي مكتوبة في الجواب الموافقة من إدارة الائتمان 16 % متناقصة
يعني لو حسبتها هتلايقها تقريباً 9.3 % بس لو القسط علي عدد سنيسن أقل الفائدة برضه بتنزل و طبعاً أخدو نسخة من المفتاح و توكيل رسمي ببيع السيارة دا غير الشيكات و الكلام المعروف بس دي مش حاجة غريبة علي البنك , لاكن ان بصراحة أعجبت جداً بالمعرض انا لما روحت أول يوم و شوفت عربية نوبيرا معروضة في المعرض و قلت انا عايز العربية دي بالتقسيط مع بنك Abc مليت الاستمارة و روحت البنك خلصت الاجرءات و رجعت المعرض بخطاب من البنك للمعرض بيخطره بتسليم سيارة نوبيرا لي صاحب المعرض خلص كل الاجرءات و تاني يوم الصبح روحت ختمت الورق بتاع العربية من المرور و رجعت علية أخدت العربية و روحت رخصتها والحمد لله