حادثة بالباسات .. و مطلوب مساعدتكم

السلام عليكم
انا اخوكم محمد من قسم تويوتا و في واحد صاحبي اتعرض لحادثة بالباسات و نفسي اخدمه الصراحة فقلت اجي اشوف لو تقدروا تساعدوني بحاجة ..
الموضوع بأختصار
كان مسافر كينج مريوط و كان بيتخطي مقطورة .. متفهموش ايه اللي حصل قام المقطورة مرة واحدة مفرمل و كاسر عليه و طيره طبعا ... العربية طلعت فوق الرصيف من قوة الخبطة واتقلبت بس الحمد لله كلهم طلعوا سلام من غير خدش واحد الحمد لله

الاضرار :
الفانوسين اللي قدام
3 ابواب ( مش عارفين لسه سمكرة ولا يتغيروا)
الزجاج الامامي
المرايتين
طبعا السقف و القوايم دي مش عارف ايه ظروفها سمكرة ولا ايه
سمكرة كبوت
الموتور الحمد لله سليم بس قربة الرادياتير اتكسرت و واحدة من قوايم الموتور ( ده هريسة اللي عندنا في اسكندرية بعد ما كشف على العربية قال كده و قال ان الشاسيه تقريبا سليم و الضرر اللي فيه قليل اوي)
فتحة السقف
الرفرفين اللي قدام و الاكصدام الامامي
و في ايرباجز فتحت بس مش فاكر انهو ..
مش فاكر ايه تاني لأني شفت العربية باليل و مكنتش الاضرار واضحة اوي

العربية باسات خليجي

رحنا سألنا في التوكيل قالوا انهم لازم يعملولنا ملف او حاجة زي كده قبل ما يبدوا يصلحوا و ده لوحده 7500 جنيه ( معرفش ايه ده اول مرة اسمع بيه) فلغينا فكرة التوكيل

في ناس بتقولنا نروح توكيل بي ام نخلص عنده السمكرة و نحاول نجيب قطع الغيار استيراد ..

احنا لسه والله متلخبطين شوية فياريت اللي يقدر يساعد يقولنا و ليكم جزيل الشكر ..

السمكرة تتعمل عند سمكرى بيفهم
المهم
ظبط اللون
ظبط الشاسيه
اصلاح الايرباج

قدر الله و ماشاء فعل

شوف الموضوع ده

http://www.nilemotors.net/Nile/184438-2006.html

ربنا يعوض عليك

ايه ده هو مفيش امل من تصليحها ولا ايه ؟!

العربية كدة متبهدلة دى لو اتصلحت حتصرف كتيير قوى ومش حترجع زى الاول خالص
الاحسن يبيعها وربنا يعوض عليه
ونصيحة بلاش تهزر مع النقل والترلات"

طب حد يعرف اجيب قطع غيار استيراد منين ؟

هو انا مقتنع بحاجه عشان عشت الماساة دى قبل كدة.. لو العربيه عملت حادثه بيعها احسن عشان هاتطلع عينك فى تصليحها وهاتتعبك كتير وعشان ترجعها زى ماكانت هاتتعب كتير وهاتصرف كتير..
بس لو حبيت تصلحها حاجاتها كتير فى حرفيين السلام والوكاله.