انهيار سقف قاعه المحروسه وتحول الفرح لجنازه !!!!!!!!

**misoalex** · 09-10-2010 02:15 AM

الاخبار دى منقوله من بعض المواقع الى اتكلمت عن الحادث
وفى الخبر الاول بيقولو انه سقف متحرك

تلقى قسم شرطة المنتزة ثان بلاغ من احد المواطنين يفيد بأنهيار سقف متحرك باحدى قاعات الافراح بفندق المحروسه على 15 فرد من المعازيم.
بالانتقال والفحص تبين صحة البلاغ وسقوط سقف القاعه على المعازيم مما أسفر عنه أصابه 15 فرد على الفور تم نقلهم الى المسشفى لتلقى العلاج.

انهار سقف احدى قاعات الافراح بفندق المحروسة بالاسكندرية اثناء حفل زفاف اقيم بالفندق ليسقط عدد كبير من الضحيا منهم المصابين والموتا ويتحول الفرح الى كارسة كبرا اثارت الكثير من الجدال فكيف لفندق تكلفت قاعات الافرح به باهظه وزبائنه من الضباط والميثورين تكون اثقف قاعاته ايله للسقوط ويترك بدون ترميم ومن المسؤال عن هذا الاهمام الكثير من التفاصيل حتى الان مازالت مبهمه حيث تم منع الصحفين تمام من اخذ الاحاديث او التقاط الصور الا بعد انتهاء التحقيق

**ghazy12** · 09-10-2010 02:17 AM

المشاركة الأصلية كتبت بواسطة baskota

هو يا نور
بس قاعة الافراح مش اللى اتقابلنا قدامها
لا هو فى اكتر من قاعة بداخل الفندق وكلها قاعات تحفة بصراحة
ومش متخيلة ازاى ممكن يكون السقف وقع
لان المفروض ان فى ادوار للفندق فوق القاعات !!!!!!!!!!!

اعتقد ممكن تكوني فهمتي غلط يا بسكوته, لان مش القصد ان السقف الخرسانه هو اللي وقع,
اكيد المقصود ان السقف المعلق (او المستعار) هو اللي وقع, و ده بيكون نتيجة اهمال في التركيب
و استرخاص في الخامات و خصوصاً في الصاج الخاص بالتثبيت و سمكه...

او ان ده من تأثير الرطوبه و الاملاح على المدى الطويل, صاج التثبيت تآكل و السقف وقع...

يمكن اكون غلطان, و يكون فعلاً السقف الخرسانه هو اللي وقع, بس ده صعب جداااااااااااااااا...

يا ريت اللي عنده تفاصيل اكتر يفيدنا بيها...

**misoalex** · 09-10-2010 02:20 AM

المشاركة الأصلية كتبت بواسطة funnymickey

ياخساره انا كنت بحب نادي المحروسه ده جدا جدا
وامارحت فيه السنه اللي فاتت كانوا عاملين تجديدات شامله علي الكافيتيريا اللي عالبحر
بس غريبه اوي ان سقف القاعه يقع
ليه معمول من ايه ده
بسكويت بالعجوه؟

متروحش الكافيه ده تانى بقى يا صبحى ولا انا حروح هناك تانى عارف ليه

فوقها حمام سباحه

يعنى وانت قاعد ممكن تلاقى حمام السباحه بالناس الى فيه قاعدين جنبك

المشاركة الأصلية كتبت بواسطة ghazy12

اعتقد ممكن تكوني فهمتي غلط يا بسكوته, لان مش القصد ان السقف الخرسانه هو اللي وقع,
اكيد المقصود ان السقف المعلق (او المستعار) هو اللي وقع, و ده بيكون نتيجة اهمال في التركيب
و استرخاص في الخامات و خصوصاً في الصاج الخاص بالتثبيت و سمكه...

او ان ده من تأثير الرطوبه و الاملاح على المدى الطويل, صاج التثبيت تآكل و السقف وقع...

يمكن اكون غلطان, و يكون فعلاً السقف الخرسانه هو اللي وقع, بس ده صعب جداااااااااااااااا...

يا ريت اللي عنده تفاصيل اكتر يفيدنا بيها...

صح يا غازى الخبر المنقول الاول ده بيقول انه سقف متحرك فعلا يعنى مش الخرسانه

**AshTurbo** · 09-10-2010 02:25 AM

هو فعلاً السقف معلق مش سقف خرساني وكان لسة متركب جديد وكويس أنه مش السقف الخرساني اللي وقع والا كانت النتائج هتبقى كارثية وحصل تعتيم رهيب على الحكاية .

**cheetos_892005** · 09-10-2010 02:27 AM

اي حاجه ....خصوصا شغل الاستيل و الصاج والديكور من غير صيانه هتقع
حتي لو اللي كان عاملها في الاول خبراء اجانب مش جيش ...
كمان متتغروش في حاجات الجيش قوي كده كله زفت

**ghazy12** · 09-10-2010 02:27 AM

المشاركة الأصلية كتبت بواسطة misoalex

صح يا غازى الخبر المنقول الاول ده بيقول انه سقف متحرك فعلا يعنى مش الخرسانه

شكراا يا خميس بك على الخبر و تأكيد المعلومه...

و ربنا يصبر اهل اللي ماتوا, و يشفي اللي اتصابوا يا رب...

بس احساس في قمة الصعوبه ان يوم فرحك يحصل حادثه زي كده, و تكون ذكرى سيئه مدى الحياه..!!

شئ صعب جدااا ان يتحمله انسان, و ربنا يكون في عون العريس و العروسه و اهلهم...

**FunnyMickey** · 09-10-2010 02:34 AM

المشاركة الأصلية كتبت بواسطة misoalex

متروحش الكافيه ده تانى بقى يا صبحى ولا انا حروح هناك تانى عارف ليه

فوقها حمام سباحه

يعنى وانت قاعد ممكن تلاقى حمام السباحه بالناس الى فيه قاعدين جنبك

والله انتا متعرفش انا بحب النادي ده اد ايه
النادي ده كان زمان حاجه كده ملهاش حل
لولا ان ابويا ظابط مكناش شمينا ريحته
كان ممنوع للمدنييين نهائيا
ونبقي قاعدين كده وحوالينا ظباط البحريه شكلهم يفرح
وكان البسين يبقي فاااااضي
عشان مفيهوش مستويات
غويط بس
كان بيكون ليا انا لوحدي

يااااااااااااااه علي الايام الحلوه
احلي 6 شهور في حياتي

اهو بطلت اروح السقف وقع
شوف بقي لو سافرت ياميسو

شفت بقي ان انا سبب رخاء الشعب المصري