الحمد لله بقيت كريستلاوى ياريت الافادة
:Y_hi_3[1]:السلام عليكم ورحمة الله وبركاته
الا خوة الافاضل الكريستالاوية الجامدين الحمد لله انا نزلت السوق انهاردة الجمعة والحمد لله اختارت عربية كريستالة 99 الحمد لله فابريقة برة وجوة وماشة 56000 كيلو والحمد لله انا نازل يوم الاحد علشان ادفع بقيت الفلوس واستلم العربية انا اسف انى هاطول عليكم بس فرحتى بالعربية دى لا توصف لانى بحلم بيها من سنتها والحمد لله ربنا وفقنى انى اشتريها واللى شجعنى اكتر انى دخلت على المنتدى الرائع ده ولاقيت قد ايه الناس متعاونة جدا واخلاق جدا واللله بدوم مبالغة اخر احترام واستفدت كتير قوى منكم بس فى شوية حاجات نقصانى عايز اللى يعرفها يتكرم ويكتبللى اجيبها منين انا كنت عايز ان شاء الله لما اجيب العربية باذن الله تعالى اغير السيور والسرفيس واجيب حاجة كويسة وياريت لو حد فى مصر الجديدة او فى الحرفيين يقوللى بيعمل شغل عند مين يكون كويس ومش غالى او استغلالى يعنى اكون شاكر جدا وعايز اعرف ايه نوع الزيت اللى احطه بتاع ال10000 الاف كيلو والا XHP 5000 يعنى لو حد يتكرم ويفدنى اكون شاكر وايه الحاجات اللى اعملها علشان اتفادى الاعطال وبارك الله فيكم جميعا واسف لو كنت اطلت عليكم لكن عشمى فى ربنا ثم فيكم كبير والسلام عليكم ورحمة الله وبركاته اخوكم مصطفى محمود:Y_hi_3[1]:
اصدقائى الجدد الكريستالاوين
السلام عليكم
والله انا فرحتى اكتملت وطبعا سعيد جدا ويشرفنى انى اتعرف على ناس محترمة زيكم Funnymickey & Memo_lancer وخصوصا ان دى اول مشاراكات ليا فى المنتدى وحد يرد عليا ده شرف كبير ليا واعتبر نفسى صديق لكل من تكرم وبعتللى وربنا يبارك فيكم اولا بالنسبة للفابريقة برة وجوة انا الى حد ما بفهم شوية ده غير انى جبت واحد اعرفه من جوة السوق وطلع يعرف الناس اللى بتبيع العربية وبعدين فى حاجات كده انت بتحسها لما تشوف العربية الصاج مفيهوش بوية خالص مفيش غير رفرف يمين هوة اللى راشش وباين من صوت الرفرف لما بتخبط عليه الشنطة والحوض والقةايم الحمد لله زيرو وكانت مرفوعة واستخدامها بسيط التابلوه بتاعها كانه 2010 والكاسيت الاصلى مش مفكوك من التابلوه الطارة وعصايا الفتيس كانهم جداد وبعدين لما شغلت العربية وكبست جامد طلعت عرق ميه وده معناه ان المكنة زيرو والحمد لله العربية دى الراجل كان طالب 57000 ولما جبت الراجل اللى طلع يعرف الناس دى قاللى ان هما ناس كويسة جدا ومحترمين قعدو يتكلموا كتير وخلصت على 54500 بطلوع الروح , المهم انا معنديش مانع انى اروح يوم الاحد بس المشكلة انى رايح اسجل العربيية الاول فكده ممكن اتاخر وعدين ممكن لو تكرمت تبعتللى رقم تليفونك واظبط معاك نروح .:M_yes[1]: