الموضوع: حساب كفاءة كبس الماتور ؟

شوف في طريقتين مشهورين لقياس

كبس الموتور، الاولى زي ما فهد قال

كدة بيجيبوا جهاز صغيرة متوصل بخرطوم هواء

مضغوط ويفك بوجية بوجية ويقيس كبس

كل سلندر لوحدة وفي الاخر بيديلك النتيجة

حسب اقل درجة طلعت، يعني لو العربية

4 سلندر والسلندر 2 كبسة 85%

و3 كبسة 87% و4 كبسة 88%

و1 طلع كبسة 75% يبقى كبس

الموتور في الاخر هيبقى طبقاً لاقل رقم

اللي هو 75%... الكلام دة كلة بيحصل

والعربية مبطلة طبعاً.

انا عن نفسي مش مقطنع بالطريقة دي!!



الطريقة التانية وهي قياس كبس الموتور

عن طريق الكمبيوتر،،


في الحالة دي بتدور العربية والفني بيقوم بتوصيل

وصلات الكمبيوتر بالبوبينة بتاعة العربية

وبيحسب من خلال عدد لفات الموتور

كبس كل سلندر لوحدة،، وانا بفضل

الطريقة دي وبحس انها ادق من

الطريقة القديمة اليدوية.



المهم بقى لو عربية بعد موديل 2000

وقيست الموتور بتاعها وطلع 80%

يبقى كويس،، لو قبل كدة تسعينات


وطلع 70% يبقى كويس برضة

لو العربية بعد 2000 وطلعت اقل

من 80% اعرف ان صاحبها كان

مطلع عينها.


اما لو العربية موديل التسعينات او

قبل كدة وكبس الموتور اقل من 70%

اعرف انك قريب هتحتاج شغل في الموتور

وطبعاً كلة حسب استخدامك وطريقة سواقتك

يعني انت ممكن تاخد عربية موتورها كبس 80%

وبعد سنة تلاقية محتاج يتعمر لانك بتحرق علية

جامد وممكن العكس، ممكن تجيب عربية كبس 65%

وتعيش معاك من غير ما تعمل لها عمرة لانك مراعيها

ومحافظ عليها.