بسم الله الرحمن الرحيم
الحمد لله انا اشتريت سيارة جديدة رينو سيمبول 2011 اوتوماتيك (راجع الرابط)
http://www.nilemotors.net/Nile/184304-a.html
وعلشان الآنسة بنتي (3 سنين) مبهدلانى ومبهدلة كل حاجة قررت أركب فرش كامل شامل للسيارة
في الاول رحت للمحل ........................ وده اشهر محل كماليات سيارات في مص (بس مش اجود) ولاحظت حاجة مهمة ان الفرش الجاهز ساعات بعد مايتشد يعمل كلكعة في الاجناب كمان العمر الافتراضي ليه قليل (في حدود سنة سنتين حسب الاستخدام) وكمان بيسيب بصمة وعلامة على الفرش الاصلي للسيارة.
لغاية ماقريت موضوع اعلاني عن جينز كار ورحتلهم(راجع الرابط)
http://www.nilemotors.net/Nile/133983-a.html
لقيت الاسعار غالية نسبيا بس الجودة عالية جدا والخامات كلها الماني 100%
وبعد تفكير وبعد مالقيت استاذ كريم منير بيشكر فيهم وشفت شغلهم فعلا قررت اني اروح جينز كار واعمل كسوة كاملة للعربية بكنبها بكراسيها بشنطتها وسلاطتها وباباغنوجها
وخليت اعتبار الفلوس اخر حاجة افكر فيها لان الغالي تمنه فيه
ومن حسن حظي كنت اول عربية سيمبول تروحلهم عشان كده الناس عملوا معايا واجب حلو اوي في السعر بس كانت المشكلة ان العربية فضلت هناك من 11 الصبح لغاية 11 بالليل علشان تفصيل الباترون بتاع الفرش( اي عربية تروح بعد كده مش هاتقعد اكتر من 4 ساعات ان شاء الله)
وفضلت حاطط ايدي على قلبي لحد ما استلمت العربية ومش قادر اقولكم فرحتي قد ايه من شكل العربية ونظافة الشغل اللى مش مبين اي غرزة او خياطة في الفرش الاصلي.(ماشاء الله ولاقوة الا بالله)
بصراحة ناس ايديها تتلف في حرير وانا والله مالي اي علاقة شخصية بالناس دى ولا انا شغال معاهم او اي حاجة انا بس بقول شهادة حق في ناس بتحب شغلها وبتخلص فيه
واحب اشكر الاساتذة / احمد ويوسف وعبدالفتاح مشعل على ذوقهم وادبهم وجودة الشغل والامانة في العمل
واطلب منهم نشر صور الفرش على المنتدى عشان الناس كلها تشوفه .
والسلام عليكم جميعا ورحمة الله وبركاته
المفضلات