-
امان الانذار فى الصنى
السلام عليكم:
يا جماعة الصني سيارة جميلم جدا و أنا من محبي هذه السيارة، و تعالوا نتكلم بصراحة:
الإنذار إحنا عاوزين منوا إيه غير إن العربية لو واحد حاول يسرقها تزمّر و وتعمل دوشة جامدة.
و هوا ده اللي بيحصل لما الصني تتفتح بأي وسيلة غير مفتاحها أو الريموت.
أما بااا إن العربية تزمر وتعمل دوشة كل ما عيل صغير يجي يخبط علي العربية أو يخبط الكاوتش ويطلع يجري دااا كدة احنا بنضحك علي نفسنا. ليه؟؟؟
لإن أولا ملهاش أي معني إن كل ما واحد يسند علي العربية تعد تزمر كدة احنا كل دقيقة هنقوم نبص علي العربية. و ممكن لما تيجي تتسرق احنا نكسل ما نبص علي العربية.
ثانيا: احنا مع الوقت بنلاقي نفسنا اضايقنا من الإنذار بالشكل دة و بنخليه علي وضع إن لما العربية تتفتح بدون مفتاحها أو الزجاج يتكسر الإنذار يشتغل ... و هوااا ده النظام الموجود في الصني.
أما بالنسبة لموضوع دائرة الكونتاكت لما الإنذار يفصلها و حبينا نشغل المحرك فدااااا عن طريق حاجة من 2:
1- الضغط علي الريموت كإننا بنفتح العربية عااااااادي.
2- في حالة ضياع الريموت نفتح السيارة بالمفتاح عادي جداااااااااا.
وفي النهاية تأكدوا إن الصني بها تكنولوجيا عالية و اطمإنوا وانتوا راكبنهاااااا.
وربنا يبارك فيها لكل أصحابها ويكفيهم شرها.
-
احييك على رايك وعلى كلامك
وفعلا ده حال كل عربيات نيسان بيها تنكولوجيا محترمة
وحتى التيدا معايا فيها انذار , بس مش انذار بيزمر على طول بمجرد اى واحد يسند عليها او يحط صباعه على العربية تزمر ,
انذار مانع للسرقات
وتقبل تحياتى
-
انا معاك في كل اللي حضرتك قولته يا استاذ عبده لكن في مشكلة بتقابلك هي الخسارة اللي هتنتج من كسر كالون العربية او كسر زجاج العربية ..
علي فكرة لو العربية اتكسر الزجاج .. الانذار مش هيشتغل .. هو بيشتغل بس في حالات فتح الكابوت او الشنطة او الابواب .. يعني ممكن حد يكسر الزجاج و يدخل العربية و يسرقها بسهولة و يطلع تاني و اللي بيعمل كده الاطفال الصغيرة عشان يعرفوا ينفدوا من شباك العربية
عشان كده انا بفكر في حاجه بقالي يومين و بجري وراها علي النت و هي ان لما العربية تتسرق تقوم تتصل بيك علي الموبايل و فعلا التكنولوجيا دي موجوده بس بسأل علي اسعارها و او سعر فيها 1000 جنيه لكن بدور دلوقتي علي الافضل لأنها تستاهل المبلغ بصراحة و ممكن من موبايلك لو لاقيت ان العربية اشتغلت و مشيت .. ممكن توقفها عن طريق موبايلك بالضغط ببعض الارقام و مش هتتحرك من مكانها الا لما تروحلها و تضغط برده علي شوية ارقام من موبايلك
ان شاء الله لما الموضوع يكمل علي خير .. هنزل بيه موضوع هنا في القسم بس بعد تركيبه عندي ان شاء الله
و انا معاك ان فعلا الصني عملت ثورة رائعة في تكنولوجيا العربية لكن ممكن نزود شوية حاجات عشان تتمتع اكتر بالعربية
-
العربية ده ناقصها الامبوليزر ( مفتاح مشفر ) وكانت معجزة
التيدا فيها الخاصية ده
بالنسبة لموضوع التحكم فى المحمول --- ممكن تجبلك مفتاح دريكسيون اوفر
Content Relevant URLs by
vBSEO 3.6.0 PL2