-
التوكيل وعلبة الدريكسيون
السلام عليكم
ازيكو ياحلى اعضاء فى المنتدى كلة هههههههههههه
زى ماانتو عرفين انا كنت فى صيانة الاف كنت بسمع الخبط المعتاد من علبة الدريكسيون وقلت ياواد ياميدو سيب العربية لسة زيرو متغيرش فيها حاجة دلوقتى لاحسن مترجعش زى المصنع تانى وخصوصا عوجة الدريكسيون والظبط الزوايا وبالفعل كان عندى حق افى صيانة 10000 حجزت معاها تغير علبة الدريكسيون وبالفعل تم تغير العلبة وانتها الصوت الخبط
بس للاسف التوكيل ياجماعة مستواه كل يوم بينزل للاسوء
تخيلو المهندسة جت تسلملى العربية فقلتلها فى مهندس هيطلع يجرب العربية معايا قالتلى لا كلة تمام وهما طلعو جربوا العربية قلتيامسهل واخد العربية وامشى بيها فى طريق العودة
والمفاجاة الطارة معوجة شمال والعربية بتحدف لمين يانهار ابيض اية دة؟؟؟؟؟
تخيلو حضرتكم مافيش سيطرة على العربية خالص رجع تانى وقلتلهم قالتلى تعالى لمدير المهندسين وبالفعل طلع يجرب العربية لقى الموضوع دة تخيلو بيقولى اية؟؟؟؟
انت جايبها كدة روحت شاخط فية وقلتلة يعنى معندكوش زمة فى الشغل وكمان تقولى انت جايبها كدة لية مودل حاجة وتمانين العربية موديل السنة زطبعا سكت مفتحش بوقة
وطبعا لما رجعنا قعد يدور على بتاع الظبط الزوايا وطبعا البية كان روح
ورحت لمهندس خالد فاروق بس هيعمل اية هيظبطهالى هوة وانتو عارفين انى من الاسماعيلية تخيلو دية
الجميل ان المهندس واقف جنب خالد فاروق بيقولى متعملها فى اى بنزينة برة وانت راجع
ههههههههههههههههههه
اه والله تخيلو طبعا المهندس خالد فاروق قالى لا قلتلة لا اية متقولة المهندس بتاعك انت
والله حاجة تعكنن بجد ومشيت مضايق ولحد دلوقتى مش عارف اسافر بالعربية فى اى حتة ولازم ارجعلهم تانى
اسف للاطالة بس حبيت اعرف الناس ان توكيل ابو رواش خصوصا بداء مستواة فى النازل بشدة فى اشياء خطيرة كمان
واسيبكوا مع شوية صور اخها وانا هناك
http://sphotos.ak.fbcdn.net/hphotos-...9_618437_n.jpg
http://sphotos.ak.fbcdn.net/hphotos-..._4813093_n.jpg
http://sphotos.ak.fbcdn.net/hphotos-..._6449013_n.jpg
-
حلوة اوى لما قالك روح ظبط زوايا فى اى بنزينة دى!!!!
زى متكون واقف فى ورشة الاسطى بلية مش فى توكيل العربية!!!!!!!!...عجبى
ربنا يصبرك ياباشا وان شاء الله العربية ترجع زى الاول واحسن
-
قاله
اه طبعا
اللى برة بيفهموا عنك
-
-
-
هو ده خيابة التاجر المصري- لما يلاقي البضاعه بتبيع نفسها ميهتمش بالعميل و بدل ما يحافظ على العميل يبينله انه مش فارق معاه ولو مش غيره هيجي عادي - بس للاسف ملايين الدنيا مش هتعرف تصلح السمعه الزفت اللي هتداخد عن التوكيل - الناس هتكرهه وتكره سيرته وتكره اليوم اللي اشتروا العربيه من عنده
-
خلاص يا ميدو شكل زمن التوكيل انتهى
مبقاش فيه معاملة كويسة دلوقتى ولا اهتمام
دلوقتى نظام التوكيل اية :
لو مشكلة صعبة يروحو عاملين اية يخلوك اخر واحد تستلم العربية حتى لو جاى من 8 الصبح علشان تطلع تجرب تلاقيها خربانة
وتيجى يقولك دة خلاص الموظفين روحو ويقولك ممكن تسيب العربية وتروح مع الموظفين شوفت الأستخفاف
بعكس توكيلات تانية بتقدر العميل على سبيل نسيان تتخيل لما عربيتك فيها مشكلة وهتاقعد كذا يوم يسلموك عربية تفضل معاك
لحد لما عربيتك تخلص
دة غير الصيانات من بعد 10000 كيلو اسعارها مبالغ فيها
دة غير عدم الأهتمام بالعربية ياعنى تبقا مش عايز تغسل الماتور مثلا ً وتلاقى اتغسل واتحسب عليك ب 35 جنية وخربنلك موديلات
الزينون بالمياه زى ما حصل مع ناس كتيير اعرفها
اقول اية ولا اية بس انا لما جيت اشترى كيا اشتريتها علشان سمعة التوكيل لاكن شكلها مبقتش تفرق دلوقتى
-
-
شكرا لحضرتكم ياجماعة وانا مش هسيب حقى وهروح اظبط الزوايا واى حاجة تانية على حسابهم
مش كفايا انهم مش عايزين لحد دلوقتى يغيرولى الفوانيس فى الضمان
-
Content Relevant URLs by
vBSEO 3.6.0 PL2