عاوزين نعمل اكبر مقابله في تاريخ المنتدي فعلا مش مجرد كلام

**SHNORY** · 10-10-2010 02:48 AM

بصوا يا جماعه
المقابله دي لسه قدامها وقت كبير علي ما تتنفذ
واما حتكون قبل العيد الكبير او بعده لان لو وحنا اي مكان في عطلات رسميه زي الاعياد مش حنلاقي حته نقف فيها
خصوصا ان لسه منظمي مقابلات الاقسام بيظبطوا في اقسامهم
والاستطلاع ده لسه مش نهائي
بالنسبه لمزارع دينا فحنبقي نشيلها من الموضوع النهائي ونلغيها من الاستطلاع
وبالنسبه لمقدرتي علي تجهيز مكان في اسكندريه يستحمل 100 واحد
فانا ممكن اجهزلكم مكان يستحمل 300 لو عاوزين
لو اتنزقت اوي فيكم
حبقي احجزلكم قاعه افراح هههههههههههه
ونلم منكم تمن الحجز
وابقي اتجوز بالمره علي حس المقابله ههههههههههههه
فانا في انتظار ردود الاقسام التانيه عليا وطبعا كلهم حيشاركو في الموضوع ده
فمعلش متستعجلونيش
واستحملوني شويه
بس بعد اذنكم
اللي يقترح مكان
ينظم فيه لاني مش حقدر انظم داخل القاهره او العيب السخنه
ولا احجز مكان هناك ولا اظبط وجبات ولا حتي اعمل خريطه مطاعم للناس
فبرجاء اللي يقترح مكان يقول كافه التظبيطات المتاحه فيه

**Ahmed.TV** · 10-10-2010 03:07 AM

انا معاك يا كبير طبعا
واى مكان لو فى اخر الدنيا حجيلك طبعا

مع ان المقابلة دى حتقطع على مقابلة نيسان اللى بحضرها وبعمل ترتيبتها بقالى شهر

على العموم بص يا شنو
فى مكان فى بالى خلينى اروح الفترة الجاية فيه الاول واقولك ايه الاخبار وتنظيمه ايه هو فى القاهرة
وياريت لو فى مكان عندك فى اسكندرية قولنا عليه بردوا
بصراحة انا مروحتش مزارع دينا , فمدش احكم عليها , فياريت لو حد راح هناك قبل كدا يحكلنا علي المكان اخباره ايه
ولو كان حلو المكان يبقا مكانه حيكون رائع عشان حيكون فى المنتصف كمان سواء لاهل اسكندرية او اهل القاهرة
بس اهم حاجة بلاش نخرج من القاهرة او اسكندرية عشان بس نراعى الناس اللى جايين من اسكندرية حيكون مشوار عليهم لو جم هنا القاهرة وطلعناهم على العين السخنة ,
وطبعا المقابلة عائلية وشبابية و يعنى كل اسرة نايل موتورز حتحضر
بس عشان تضمن يا شنو ان اكبر عدد حيجى ممكن تكون معادها على نص السنة عشان الاجازة
لان مش عارف ظروف الناس قبل العيد او بعد العيد عشان الامتحانات
خالينا نتفق ونتناقش هنا الاول لغاية ما نستقر على كل الاوضاع
باذن الله

**SHNORY** · 10-10-2010 03:14 AM

حبيبي احمد بيك
منور الموضوع يا كبير
لو عندنا هنا فححاول اشوف مكان كبير
يعني شاليه المعموره المره اللي فاتت كنا 26 واحد وقاعدين في ربع الجنينه
وحتي لو ملقيناهوش
ففيه شاليهات كتير علي البحر ممكن احجزهم
جزئيه نص السنه حتكون صعبه
لان كل الاماكن السياحيه حتكون مليانه علي اخرها
وحتي مش حنلاقي مكان نركن فيه

**الغزالى** · 10-10-2010 03:23 AM

حبيبى ,,,, يا سلام لو بعد العيد عشان نكون لمينا الغلة ونطلع نفنجر معاكواا يبئى تمام ,,, لو قبل العيد برضو انا ان شاء الله راشق معاكواا

**الغزالى** · 10-10-2010 03:54 AM

المشاركة الأصلية كتبت بواسطة ahmed ezz

ماشي يا تيت
مع بعض في نفس الكلية و نفس السنة و مسمعش صوتك من اول السنة و لا انا عشان متصلتش
علي فكرة الموبايل الي كان متسجل عليه نمرتك ضاع مني من فترة و مش عارف اتصل بيك عشان كدة ابعت نمرتك تاني ع الخاص انت و حامد

انا اساسا مخنوق منك

**أبو إياد** · 10-10-2010 09:11 AM

معاك ياشنورى لو هاتروح السلوم كفايه انى هاكون معاكوا بس المهم بقا ياجميل الميعاااااااااااااااااااااااد امتى ؟؟؟

-

-

-

-

مشاهدة نتائج الإستطلاع: مكان المقابله

الموضوع: عاوزين نعمل اكبر مقابله في تاريخ المنتدي فعلا مش مجرد كلام

LinkBack

أدوات الموضوع

عرض

-

-

-

-

-

المواضيع المتشابهه

مين هنا ساكن فى حدائق الاهرام .. عاوزين نعمل مقابلة

عاوزين نعمل رابطة لملاك المرسيدس

عاوزين مقابله فى اسكندريه ياشنورى

عاوزين نعمل الشماسه

مقابله المنتدي العامه &مقابله كيا مين رايح من اسكندريه

الكلمات الدلالية لهذا الموضوع

المفضلات

المفضلات

ضوابط المشاركة