نصيحه لزيت فيسكو

**amado318** · 09-10-2010 10:55 PM

عن تجربه بعد اما تعرفت على هذا الزيت من المنتدى الرائع وتغير الزيت الى فيسكو النتائج
صوت محرك اهدأ
سحب اعلى
مؤشر حرار اقل درجه او اتنين
توفير ملحوظ جدا فى البنزين
زيت رائع ولونه دهبى بنقاء رهيب
انا اشتريته وغيرته فى بنزينه شل العامل مكنش مصدق جودة الزيت ولزوجته ولونه بس هوة قال ليا ممنوع اغير الزيت لو مش من عندنا بس هوة غيرة اصلى كنت لسه غاسل العربيه عندهم

**محمد الشامي** · 10-10-2010 12:46 AM

انا معاك في قصه صوت الموتور الاهدأ , وممكن اقول السحب الى حد ما (لكن مش ملحوظ)

لكن ايه العلاقه بقا بدرجه حراره المكنه والتوفير في البنزين ؟؟؟؟

وبعدين ليه العامل مكنش مصدق ,, مهو اكيد شافه قبل كده وشاف الاحسن منه كمان !!!!!! صح ولا ايه :-)

انا شغال بالفيسكو 2000 على فكره من شهر او اكتر

**bakkarahmed** · 10-10-2010 02:04 AM

اتمني انه يعجبك وتستقر عليه.
بس لما الزيت يكون كويس في وظيفته مش معني كده انه يخلي درجه حراره الموتور تنزل ..وكذلك استهلاك البنزين

**naser_56** · 10-10-2010 02:59 PM

المشاركة الأصلية كتبت بواسطة bakkarahmed

اتمني انه يعجبك وتستقر عليه.
بس لما الزيت يكون كويس في وظيفته مش معني كده انه يخلي درجه حراره الموتور تنزل ..وكذلك استهلاك البنزين

لا طبعا بيخليها تنزل وبيحسن السحب وعن تجربه كمان وبانت اكتر في الموتسيكل علشان موؤشر الحراره ديجيتال والحراره عندي بتفرق في بعض انواع الزيوت حوالي 3 الي 4 درجات وبعدين منطقيا وظيفه الزيت ايه طبعا تزييت اجزاء المحرك ولو مش مظبوط بالتالي التزيت هيكون مش قوي ومعناه انه هيكون في احتكاك بين اجزاء المحرك وبالتالي هيتسبب في حراره اكبر وبتكون في مقاومه بين اجزاءه وبالتالي سحب اقل

**bakkarahmed** · 10-10-2010 03:43 PM

المشاركة الأصلية كتبت بواسطة naser_56

لا طبعا بيخليها تنزل وبيحسن السحب وعن تجربه كمان وبانت اكتر في الموتسيكل علشان موؤشر الحراره ديجيتال والحراره عندي بتفرق في بعض انواع الزيوت حوالي 3 الي 4 درجات وبعدين منطقيا وظيفه الزيت ايه طبعا تزييت اجزاء المحرك ولو مش مظبوط بالتالي التزيت هيكون مش قوي ومعناه انه هيكون في احتكاك بين اجزاء المحرك وبالتالي هيتسبب في حراره اكبر وبتكون في مقاومه بين اجزاءه وبالتالي سحب اقل

اللي انا اعرفه في الانوس ان ليها درجه حراره ايديل لازم تبقي ثابته عليها حتي لو ماشي هي عز التلج علي طريق سريع وده من خلال الثرموستات اللي بيتحكم في اشراك الرديلتير ام لا في دوره التبريد.
انما اللي اقدر اقوله ان الزيت لو بيقوم بوظيفته تمام مش هايسمح بسخونه المحرك الزائده مع التحميل او بمعني اصح مش هايكون سبب في ان العربيه تكتسب سخونه نتيجه سوء وظيفه الزيت.
الموتوسيكلات غيير العربيات لان تبريد الموتور بتاعها بيعتمد علي الزيت اللي بيتخلط بالبنزين الا لو النوع اللي مع حضرتك فيه رادياتير خاص ودوره بنزين مستقله

**أحمد كمال** · 01-12-2010 02:18 PM

المشاركة الأصلية كتبت بواسطة bakkarahmed

الموتوسيكلات غيير العربيات لان تبريد الموتور بتاعها بيعتمد علي الزيت اللي بيتخلط بالبنزين الا لو النوع اللي مع حضرتك فيه رادياتير خاص ودوره بنزين مستقله

حضرتك تقريبا بتتكلم على الموتوسيكلات ذات المحركات ثنائية الأشواط (زي الجاوا كده) و دي بطلت من زمااااااااااااااااااان ....

كل الموتوسيكلات الحديثة فيها رادياتير مستقل و دورة البنزين منفصلة و محركها رباعي الأشواط يعني زي العربية بالظبط

**karimfahmy99** · 10-10-2010 05:56 AM

المشاركة الأصلية كتبت بواسطة m0hsen

طيب انا المكنة عندى بتاكل فى ال3 الاف كيلومتر حوالى 1 كيلوجرام زيت وعايز اعرف احط زيت ايه ويكون كويس
ارجو المساعدة

اعتقد اللى تفكر فية هو معالجة الموتور مش نوع الزيت . اى زيت هيعمل كدة

**احمد المصرى** · 10-10-2010 08:43 AM

انا بستخدم فيسكو 3000 ولسه عامل بيه الف كيلو تقريبا وفعلا هو كويس مش وحش وارخص كتير من اى نوع تانى بس انا مش حاسس ان صوت الموتور احسن بس حاسس ان السحب احسن بس مش بدرجه كبيره يعنى عادى برضوا

**amado318** · 10-10-2010 10:33 AM

اولا العامل مكنش شافه قبل كده لانه فى بنزينه شل مش ممكن يغير الزيت الا بزيت شل ثانيا درجه الحرارة المؤشر نزل درجه واحده فقط يعنى بدل 90 اصبح 89 مش نزول قوى وملحوظ بس السحب والبنزين فرق معايا فعلادى عربيتى وانا حافظها كويس وشكرا يا مهندس محمد على الاهتمام

الموضوع: نصيحه لزيت فيسكو

LinkBack

أدوات الموضوع

عرض

العرض المتطور

-

-

-

-

-

-

-

المواضيع المتشابهه

حغير لزيت فيسكو 3000 ...رجاء النصيحة .

أغير لزيت إيه ؟؟

زيت شل أفضل من فيسكو:بعد تجربة 5الاف كيلو وتغير فيسكو مرتين!

هاغير لزيت فيسكو ان شاء الله

نصيحه للى عاوز يشغل عربيته بالريوت(نصيحه لوجه الله)

الكلمات الدلالية لهذا الموضوع

المفضلات

المفضلات

ضوابط المشاركة