مشكلة فى تيل الفرامل الخلفية

**abdo_pikt** · 09-10-2010 11:36 PM

السلام عليكم ......... عندى مشكلة فى الفرامل الخلفية ..انا غيرت الفرامل النهاردة وركبت تيل جديد علشان القديمة كانت جيبها اخرهااا وبردو علشان اخلص من مشكلة الصفارة فى التيل القديم ..المهم روحت ركبت التيل عند الميكنيكى الصفارة اختفت بس المشكلة انه مبتفرملش ضعيفة اوى يعنى لو تيل جايب اخرهااا هيفرمل احسن منها رجعت لميكنيكى ثلاثة مرات ..مرة يشدهاا شواية ومرة يحط زيت عليها واخر مرة فرملة شوايه ورجعت تانى...
عايز حل لمشكلة ديه الفرامل جديدة ممكن تكون علشان لسه جديدة وله فى عيب..عايز حل علشان شكلى هروح

اتخنق مع الميكنيكى ده بكره

**naser_56** · 10-10-2010 01:52 AM

ايه نوع الموتسيكل الاول واي فرامل الخلفي ولا الامامي وغالبا نوع التيل اكيد من ماده رديئه انته شاري التيل بكام

**KHALED2010** · 10-10-2010 04:21 AM

تيل فرامل باكم ولا فرامل طمبورة .........تفرق كتير فى المشكلة ال عندك
لو تيل باكم ال هيا لقمة صغيرة دى عادى اول يومين بس
طمبورة بيمسك من اول مرة ممكن يكون السلك مرتخى
او الحديدة خليه يفك الصامولة ويلفها لقدام شوية علشان السلك يجيب معاك للأخر مرتاح

**Nour_safwan** · 10-10-2010 03:33 PM

غير كده يبقى في عيب في ماستر الفرامل عندك بيهرب زيت
أو الطنابير عندك رايحه في ستين داهيه جرب تاخدلها هوا

**abdo_pikt** · 10-10-2010 04:46 PM

المشاركة الأصلية كتبت بواسطة naser_56

ايه نوع الموتسيكل الاول واي فرامل الخلفي ولا الامامي وغالبا نوع التيل اكيد من ماده رديئه انته شاري التيل بكام

مشكورررررر لجميع على الرد ...المتوسيكل صينى دايون 40 والشكلة فى الفرامل الخلفية بدواس عليه ومبتعملش اى حاجة ...احسن تيل عندنا ب15 جنيه صينى... وكانت عايز اعرف من حضرتك ينفع اركب تيل غير الصينى لانى كنت هاجيب تايوانى بس ملقتش

**abdo_pikt** · 10-10-2010 04:54 PM

المشاركة الأصلية كتبت بواسطة khaled2010

تيل فرامل باكم ولا فرامل طمبورة .........تفرق كتير فى المشكلة ال عندك
لو تيل باكم ال هيا لقمة صغيرة دى عادى اول يومين بس
طمبورة بيمسك من اول مرة ممكن يكون السلك مرتخى
او الحديدة خليه يفك الصامولة ويلفها لقدام شوية علشان السلك يجيب معاك للأخر مرتاح

الفرامل طمبورة ...انا فعلنا عملت كده لفيت الصمولة لقدام بس كل ال بيحصل ان الكوتش بيتقل يعنى الفرامل ماسكه عليه وفى نفس الوقت لم اجى افرامل مفيش فرملة وكانى بدوس عاى حاجة ناشفة ملهش تاثير

**abdo_pikt** · 10-10-2010 05:00 PM

المشاركة الأصلية كتبت بواسطة nour_safwan

غير كده يبقى في عيب في ماستر الفرامل عندك بيهرب زيت
أو الطنابير عندك رايحه في ستين داهيه جرب تاخدلها هوا

ممكن يكون الطنابير عايز تصنفر اواريحة فى داهية..على العموم انا هرجعلوووو تانى بس النهاردة الاجازة بتعتهم بكرة بقى انشاء الله

**KHALED2010** · 04-12-2010 07:15 AM

دوسه الفرامل ال هتكون بتصد فى حاجة

**zoom2zoom** · 04-12-2010 03:52 PM

بص ياباشا في مشكله كبيره جدا ان في تيول مضروبه في السوق اسعارها 40/45/50 جنيه
التيول دي عباره عن باودر مجرد احتكاكه مع الماستر بيبدا يتفرول كله وبيخلص التيل ويرجع علي الحديد
انا يوم كنت في بورسعيد وغيرت تيل هناك وانا راجع كان خلص
في نوع تيل جميل اوي سعره 256 جنيه معلش هو سعره غالي شويه لكن هتنساه لمده مش اقل من 30 الف كيلو متر
والتيل المضروب ده تشم ريحته وقت الفرامل
في حاجه برضه اول ما بتغير تيل كويس ساعه الفرمله في اول كام كيلو مشي بتلاقي الفرامل ضعيفه شوية وبتشم ريحته ده عشان الطبقه الشمعيه اللي علي التيل

**bobo_8000** · 07-12-2010 06:53 PM

[QUOTE=zoom2zoom;3873120799]بص ياباشا في مشكله كبيره جدا ان في تيول مضروبه في السوق اسعارها 40/45/50 جنيه
التيول دي عباره عن باودر مجرد احتكاكه مع الماستر بيبدا يتفرول كله وبيخلص التيل ويرجع علي الحديد
انا يوم كنت في بورسعيد وغيرت تيل هناك وانا راجع كان خلص
في نوع تيل جميل اوي سعره 256 جنيه معلش هو سعره غالي شويه لكن هتنساه لمده مش اقل من 30 الف كيلو متر
والتيل المضروب ده تشم ريحته وقت الفرامل
في حاجه برضه اول ما بتغير تيل كويس ساعه الفرمله في اول كام كيلو مشي بتلاقي الفرامل ضعيفه شوية وبتشم ريحته ده عشان الطبقه الشمعيه اللي علي التيل[/QUOTE

جميل اوى انك تسمع رد من حد فاهم...