الموضوع: سياسة الاستخدام الظالم .....

السلام عليكم ياشباب

ينفع كده اللي حصلي انا مشترك في Vodafone Adsl ناس محترمين وميه ميه وكانوا نزلولي الشهر اللي فات عرض لسرعة ال 2 ميجا بزود على اللي بدفعة تقريبا ثلاثون جنيه في الشهر لمده ستة شهور ....

المهم الشهر ده على حظي نزلت الفيفا 2011 وال Pes 2011 والواحد طبعا هاتك يادونلود هنا وهنا والعاب وبرامج تانية بالزوفة فرح بقه

المهم فوجئت النهاردة ان السرعة نزلت جامد تقريبا زي الدايل أب كده (فكرني بمنتصف التسعينات) وعشان تنزل أغنيه كنت تبات جامبها لتاني يوم ....

وكلمت خدمة العملاء ومش مدي خوانه قالي ان حضرتك استخدمت ال 60 جيجا بتوع الشهر ده يانهار أحوس كلهم كلهم قالي اه كلهم كلهم ....

طب وليه السرعة نزلت أوي كده حتى في البراوزينج قالي أيوه سرعتك بقت ممممممممممممممم
ها بقت كام يا عم قول وخلصني ..... بقت K 128 قولتلوه ايه ده حتى محصلتش ال 256 K اللي كنت زمان بتنطط بيها على العيال قالي أيوه وهتعد معاك لغاية السبت الجاي ( ياخرابي ياخرابي ) ....


شفته الخيبة اللي انا فيها .... وكنت عايز أعرف هي السياسة ديه مطبقة على الكل ولا شركات وشركات ....


وفي الاخر لو حد عنده أي جيجا زيادة يسليفهالي وانا أظبطه الشهر اللي جاي