محتاج مساعدة فى لانوس بسرعة

**blackcode_80** · 10-10-2010 12:52 AM

السلام عليكم

انا عضو جديد بالمنتدى واحب فى الاول احييكو على هذا المنتدى الرائع وبالتوفيق دايما

مش هطول عليكم
انا رحت شفت النهاردة عربية لانوس 1 موديل 99 .. خدت معايا سمكرى وميكانيكى وقالولى العربية كويسة بس هى متبهدلة من برة شوية فى الدهان بس شوية احتكاكات وفانوس محتاج تغيير بالاضافة ان تانك البنزين فيه خبطة بسيطة غير مؤثرة حسب كلام صاحبها بس السمكرى قاللى كل الكلام ده سهل يتظبط وهتلاقى العربية تمام ( يعنى من الاخر العربية محتاجة شوية تظبيط فى الشكل العام من برة ) ووصلت معاه فى السعر ل 38500 ومنتظر منى ردبكرة

يا ترى تنصحونى بايه . انا حاولت على قد ماقدر انقلكو الصورة اللى شوفتها ومحتار ...فأرجو المساعدة

**swordleee** · 10-10-2010 01:14 AM

حضرتك العربية ماشية كام كيلو ؟ و كمان اكتر حاجة تهتم تبص عليها الاداء اكتر من الشكل

**osama.m** · 10-10-2010 01:19 AM

العربية عاملة كام كيلو .. مانول ولا اوتو ... المصاريف دي هتكون في حدود كام بالظبط ؟

**m0hsen** · 10-10-2010 04:16 AM

المشاركة الأصلية كتبت بواسطة osamalover

العربية عاملة كام كيلو .. مانول ولا اوتو ... المصاريف دي هتكون في حدود كام بالظبط ؟

تمام كده شوف المصاريف دى كلها هاتكلف كام والعربية المفروض تبقى بكام وحط مقارنة
بس ماتتسرعش

**mohamed_e36** · 10-10-2010 04:26 AM

ياريت تكشف كويس على حاله الموتور والعربيه واساسيتها لان الناس اللي بتبقا واقفه معاك وانته بتشتري كل همها انها تتمم البيعه وتطلع منك بمصلحه
نصيحه لو العربيه متهانه ابعد عنها وسيبك من ان كل ده كلام فاضي ويتظبط
الكلام الفاضي ده ممكن تلاقي نفسك صارف فيه مبلغ محترم

**karimfahmy99** · 10-10-2010 06:02 AM

زى الاخوة ما قالو . هى عملية حسابية زى مقايسة كدة . و طبعا عربية مو 99 يعنى اكيد عاملة فى ال 100000 كم يعنى احتمال الموتور عاوز شغل قريب و الجسم الخارجى لو اتظبط و اترش هتتكلف كام . و انت ظبط الحسبة و شوف . و نصيحة لو لقيت المبلغ عالى شوية يبقى دور على حاجة موديل اعلى شوية و زود اللى هتدفعة فى العربية دى تصليح و وصل المبلغ ل 45 مثلا هتلاقى حاجة احسن بكتير انت بتشترى مرة مش كل يوم

**محمد الشامي** · 10-10-2010 01:30 PM

انا لو مكانك اخد العربيه واطلع بيها على بنزينه شيل في اول الهرم واخليهم يكشفوا عليها كلها مقابل 100 , و اخد تقرير مفصل بالحاله العامه والفنيه للعربيه , وكده يبقا ريحت دماغك وطمنت قلبك

**mahmoudysf** · 10-10-2010 04:11 PM

المشاركة الأصلية كتبت بواسطة karimfahmy99

. و طبعا عربية مو 99 يعنى اكيد عاملة فى ال 100000 كم يعنى احتمال الموتور عاوز شغل قريب

العربية لو متصانة الماتور مش هيحتاج غير الرفيس بتاعة العادي
100000دي ما هو واحد بيعامل العربية كويس ولا حاجة في ناس بتوصل 300000 والماتور زي الفل
بيتاهيالي 100000 دي شوية عشان الماتور يحتاج شغل

**karimfahmy99** · 10-10-2010 04:21 PM

المشاركة الأصلية كتبت بواسطة mahmoudysf

العربية لو متصانة الماتور مش هيحتاج غير الرفيس بتاعة العادي
100000دي ما هو واحد بيعامل العربية كويس ولا حاجة في ناس بتوصل 300000 والماتور زي الفل
بيتاهيالي 100000 دي شوية عشان الماتور يحتاج شغل

انا قلت 10000 دا مثلا . بس مع الاسف صاحب الموضوع مقلش العربية عاملة كام فعليا