الاستخدام الامثل للفتيس الاتوماتيك

**ahmed_halim197** · 10-10-2010 02:39 PM

-الاستاذ peaceman قال لما انقل بين n & d لا استعمل الزرار الفضى ( ملحوظة مهمة برده لما حضرتك تكون ماشي بالعربية و بتنقل بين الـn و الـd اوعي حضرتك تضغط علي الزرار الفضي الكبير اللي في الفتيس لأن ممكن غظب عنك تيجي علي الـ r و كده تبقي دمرت كل تروس الفتيس لا قدر الله يعني كل نقلاتك ممكن متستخدمش الزر الفضي طول ما انت ماشي بالعربية) و الاستاذ احمد قال لازم استعمل الزرار فى اى نقلة دلوقت انا اعمل اية مش فاهم

**ahmed_halim197** · 10-10-2010 02:42 PM

سؤال تانى معلش كنت قريت فى المنتدى قبا كدة انى ممكن اسيب زرار الoverdrive شغال على طول لانة عامل زى النقلة الخامسة فى المانيوال ... ما هى صحة المعلومة؟

**محمد ابراهيم 1** · 10-10-2010 03:37 PM

المشاركة الأصلية كتبت بواسطة ahmed_halim197

سؤال تانى معلش كنت قريت فى المنتدى قبا كدة انى ممكن اسيب زرار الoverdrive شغال على طول لانة عامل زى النقلة الخامسة فى المانيوال ... ما هى صحة المعلومة؟

هذه المعلومة كاذبة وخاطئة تماما
الزرار ده زى التالت فى المانيوال مش الخامس ولو سبته شغال على طول صوت العربية حيعلى جدا واستهلاك البنزين حيزيد جدا والموتور حيجهد أكتر من اللازم

**bmya** · 10-10-2010 03:37 PM

المشاركة الأصلية كتبت بواسطة ahmed_halim197

سؤال تانى معلش كنت قريت فى المنتدى قبا كدة انى ممكن اسيب زرار الoverdrive شغال على طول لانة عامل زى النقلة الخامسة فى المانيوال ... ما هى صحة المعلومة؟

مهو ياباشا الاوفر درايف اصلا شغال على طول فعلا في الطبيعي
في غير الطبيعي انك تطفي الاوفر درايف عن طريق الزرار اللي في الفتيس وهتلاقي اللمبه نورت في التابلوه oD/off

بمعنى ان طول ما اللمبه مطفيه الاوفر درايف شغال (ملحوظه كلمه اوفر درايف تطلق على النقله الاخيره في الفتيس اللي هي بتريح الموتور زي الخامس في المانوال في حاله الصني اللي هي النقله الرابعه ) احنا بقه لما ندوس على الزرار ونلاقي لمبه الاوفر درايف اووف نورت في التابلوه يبقى احنا كده طفينا او لغينا النقله الاخيره مؤقتا وبققينا ماششين على 3 نقلات فقط والعربيه تفضل ماشيه على 3 نقلات فقط لحد ما حضرتك تدوس عىل الزرار من تاني واللمبه تطفي في التابلوه وتلاقي العربيه صوتها هدي خالص وده كله لان الاوفر درايف اشتغلت تاني (اللي هي زي ما قلنا قبل كده انها مقصود بها النقله الاخيره اللي هي بتريح الموتور زي الخامس في المانوال )

**Amr2004IBM** · 10-12-2010 08:51 AM

استخدام الزرار الفضى اللى فى الجنب , تستخدمه زى ما قولت لحضرتك قبل كدا
لما تنقل بين الغيارات على سواء الp او الd او الr او الn او الL او ال2
مهم جدا لو بتحرك عصا الفتيس لازم تعمل حاجاتين , تدوس على الزرار الفضى وتكون دايس الفرامل وانت واقف
اما وانت ماشى لو حبيت تنقل من الd الى ال2 مثلا بردوا لازم تكون بتدوس على الزرار ده

الزرار ده من الاخر عامل زى اكنك لازم تدوس دبرياج زى المانيول كدا , هل تقدر تنقل من غير ما تدوس دبرياج

والدنيا بسيطة جدااااااا , الاتوماتيك عامل زى اكنك سايق عربية فى الملاهى , ده التعامل معاه من اسهل ما يمكن

انا بقالى 17 سنة بسوق مانيول وفجاءة سوقت اتوماتيك , ولقيت انه متعة جميلة جدا واسهل مما يمكن يا جماعة
وبصراحة مش حرجع تانى الى المانيول تانى , الا فى حاجة واحدة
لو البلد رجعت فاضية زى زمان , وده استحالة

بشا انا ديما بنقل بين d ,n بدون مادوس على الزرار الفضى انا اعرف انه حمايه من ان نجيب بالفتيس غيار عكسى يعنى منستخدموش غير لما نجيب على r او p لكن انه زى الدبرياج دي انا مش متاكد منها (امال هو اوتوماتيك ازاى ) ياريت حضرتك تفهمهلنا لوعارف حاجه علميه بخصوص الموضوع ده لان انا عارف ان حضرتك تعرف كتير عن نيسان

**أحمد علاء** · 11-12-2010 01:24 PM

المشاركة الأصلية كتبت بواسطة محمد ابراهيم 1

هذه المعلومة كاذبة وخاطئة تماما
الزرار ده زى التالت فى المانيوال مش الخامس ولو سبته شغال على طول صوت العربية حيعلى جدا واستهلاك البنزين حيزيد جدا والموتور حيجهد أكتر من اللازم

فيتيس الصني 4 نقلات يا ريت لو عندك نسب التخفيض كام علشان نعرف هل النقلة الثالثة 1:1 ولا الرابعة over drive هي الي 1:1
في إعتقادي ان الثالثة هي 1:1 والرابعة او ال over driver اقل من 1 . بس لو عندك معلومة يا ريت تشاركنا بيها هنا.

**أحمد علاء** · 11-12-2010 01:31 PM

المشاركة الأصلية كتبت بواسطة sab3aawy

الزرار الفضى زرار أمان معمول علشان يؤمن النقلات الخطرة وهى r و 1 و2 و p
العصاية مش بتقبل تعشق فى النقلات دى من غير ضغط الزرار ، لكنها بتقبل النقل من n الى d و بالعكس بدون ضغط الزرار لأنها لو حدثت فى أى وقت بالخطأ لا تسبب تلف للجير بوكس

-----------

كلام سليم فعلا بالإضافة ان عملية النقل من ال N أو P إلى R او D او 2 او 1 او بالعكس من اي من هذه النقلات إلى ال N أو P لا تتم إلا في حالة السكون التام للسيارة وتكون دايس على الفرامل سواء بتنقل بإستخدام زرار التأمين الفضي الكبير او بدون إستخدام الزرار. وده للمحافظة على عمر مجموعة الكلاتشات الخاصة بالفيتيس الأوتوماتيك
وهكذا النقل بين ال p او r لأي نقلة اخرى لازم فرامل والعربية بدون حركة.