متابع باهتمام
رقم العضوية : 33292
تاريخ التسجيل : 17Feb2009
المشاركات : 69
النوع : ذكر
الاقامة : Ain shams
السيارة: Nissan Sunny
السيارة[2]: Matrix
الحالة :
السلام عليكم .. الغرض من الموضوع ده هو اننا نستفاد من الناس فى الحفاظ على الفتيس الاتوماتيك من ناحيه الاستخدام الامثل له وتجنب اشهر الاخطاء اللى ممكن تؤدى الى تلف الفتيس ونحليه يعيش اطول فتره ممكنه فى حاله جيده .. انا بالنسبالى طول عمرى بسوق مانيوال واول مره هسوق اتوماتيك وكنت عاوز اعرف مع باقى الاعضاء الاستخدام الامثل للفتيس .. يعنى مثلا فى بدايه الحركه للعربيه ياترى بعشق الاول على ال d وبعدين انزل فرامل اليد واتحرك ولا العكس وياترى لو انا واقف على مطلع كوبرى الوضع هيكون ايه علشان العربيه مترجعش لورا او انى اكون محمل على علبه التروس .. وايه الوضع بالنسبه للوضع n فى حاله الانتظار الطويل وبعد كده التعشيق .. وايه اهم مواضيع الصيانه والنقط اللى مانعملهاش علشان الفتيس مش يبوظ .. ارجو من كل اللى عندهم معلومات فى بدايه الحركه للعربيه على طريق مستوى ومطلع او منحدروالركنه والصيانه انه يفيدنا وجزاكم الله كل خير.
رقم العضوية : 12217
تاريخ التسجيل : 04Jun2008
المشاركات : 269
النوع : ذكر
الاقامة : Helwan
السيارة: -------------------------
السيارة[2]: Toyota corolla 08
دراجة بخارية: لايوجد
الحالة :
متابع باهتمام
سبحان الله وبحمده ...سبحان الله العظيم
مشروع مهندس
محمد علاء الدين
رقم العضوية : 30571
تاريخ التسجيل : 20Jan2009
المشاركات : 5,542
النوع : ذكر
الاقامة : EGYPT
السيارة: Toyota Corolla 1996
السيارة[2]: Nissan Sunny 2OO9
دراجة بخارية: I Don't Like It
الحالة :
يا استاذ just_meroo يا حبيبي انت عارف حضرتك لو قريت الموضوعات المثبتة هتلاقي كمية مواضيع عن الفتيس الاوتوماتيك لا حصر لها .. لكن عشان معزتي لكل اعضاء المنتدي الحبيب انا هقول علي اد ما بعرف عشان كلنا نستفاد :
1- حضرتك طبعا الصبح و انت بتسخن العربية .. الفتيس بيكون زي ما هو و بعدين لما تيجي تتحرك تبتدي تضغط علي الفرامل و بعدين تحرك الفتيس علي D طبعا مع الضغط علي الزرار الفضي اللي في الفتيس
2- حضرتك لما تيجي تقف في اشارة مرور و حضرتك تقف بالعربية تبتدي تحرك الفتيس من D الي N مباشرة و لو العربية هتريح يبقي ارفع الهاندبريك فورا و ملحوظة هامة جدا جدا جدا اوعي تقف في اشارة مرور او اي مكان لفترة طويلة و تكون جايب الفتيس علي D و رجلك علي الفرامل طول الوقت لأن ده حضرتك هيقلل من العمر الافتراضي لتيل الفرامل و بيكون كمان حمل علي ماتور العربية
3- نيجي بقي لموضوع المطالع و ده فيه نقطتين :
لو حضرتك مثلا في مطلع زي جراج (سيتي ستارز) مطلعه رخم اوي اوي .. لما حضرتك تطلع بالعربية هات الفتيس علي النقلة 1 و لو الماتور صوته بقي عالي يبقي انقل ساعتها علي النقلة 2 لأنك لو جبت العربية علي D و انت طالع هتلاقي العربية صوتها علي و مش بتطلع بسلاسة خصوصا لو في ناس راكبين معاك العربية
الحاجه التانية لو انت علي كوبري ووقفت علي الكوبري يبقي اضرب فرامل الاول و بعدين تجيب العربية علي N و بعدين تشد الهاندبريك علي اخر تكة عشان العربية متكنش منك .. و بعدين لما تعوز تتحرك بالعربية يبقي حضرتك تجيب الفتيس علي D و تبتدي تنزل الهاندبريك سنة سنة و تعملها نسبة و تناسب مع الضغط علي دواسة البنزين
4- حضرتك بعد كل ما سبق اكيد حضرتك لاحظت اني مجبتش سيرة الـ P خالص
و ده مش بيستخدم خالص خالص خالص الي في حالة انك هتركن العربية و تقفلها و تسيبها و بس .. اوعي تستخدم الـ P في اي حاجه تانيه خالص
ملحوظة مهمة : اوعي يا جماعة اي حد يكون علي مطلع او كوبري و يجيب العربية علي P لأن كده بنحمل العربية كلها علي تروس الفتيس و لما نيجي نتحرك من الـ P الي N هتلاقي الفتيس عمل عضة وحشة جدا ممكن تؤدي الي تلف تروس الفتيس في اقرب وقت لقدر الله .
5- ملحوظة مهمة برده لما حضرتك تكون ماشي بالعربية و بتنقل بين الـN و الـD اوعي حضرتك تضغط علي الزرار الفضي الكبير اللي في الفتيس لأن ممكن غظب عنك تيجي علي الـ R و كده تبقي دمرت كل تروس الفتيس لا قدر الله يعني كل نقلاتك ممكن متستخدمش الزر الفضي طول ما انت ماشي بالعربية.
6- بالنسبة لزرار الاوفردرايف مش بيستخدم الا في حالة واحدة فقط و هي ان تكون حضرتك مثلا علي الطريق السريع و تكون علي سرعة اكتر من 80 او 90 و تكون هتعدي عربية قدامك في هذه الحالة بتثبت رجلك علي دواسة البنزين و بعدين تشغل الاوفردرايف و تبتدي تعدي العربية اللي قدامك و بعدين بعد ما تعدي العربية تقوم تغلق الاوفردرايف و حضرتك الموضوع ده لا يستغرق اكتر من 10 ثواني فقط عشان متجهدش الماتور .
اتمني اني اكون استوفيت المطلوب من الموضوع و ارجو من احبائي الاعضاء اللي هيدخلوا لو في اي حاجه انا نسيتها يا ريت نزودها فورا و شكرا
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
مع ان فى موضوعات كتير فى القسم مثبتة على كيفية استخدام الفتيس الاتوماتيك , بس حجاوبك
اولا لازم تشيل من دماغك الخوف انك كنت بتسوق مانيول ومرة واحدة لقيت قدامك فتيس اتوماتيك
الحياة بسيطة جدا , وجدا كمان
لما تيجى تركن العربية , وقبل ما تعشق على الp ارفع فرامل اليد وبعد كدا انقل على الp وده عشان متحملش على التروس وانت واقف وخصوصا كمان لو راكن على مطلع او منزل
لما تكون طالع على كوبرى والكوبرى بطئ او واقف , ممكن تطلع على الغيار اللى مكتوب عليه 2 او 1 , عشان يعطى قوة للسيارة وميكنش فى حمل عليها , وانا بعمل كدا بس فى المطالع اللى المطلع فيها عالى ومائل جامد ,
ولما تكون فى اشارة ممكن تفضل على الd عادى وانا بفضل واقف عادى بيه ولو طولت شوية ممكن تجيبها على الn ولو طولت اوىىى اكتر من 10 دقايق عشق العربية على الp وبطل العربية , لان الوضع اكيد حيكون ممل
وبخصوص الصيانة مفيش فى اى حاجة غير تغير زيت فتيس كل 40 الف كيلو بس , ومهم الانتظام على تغير زيت الفتيس , ويكون ف مكان محترم
وتحت امرك يا فندم
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 68850
تاريخ التسجيل : 25Apr2010
المشاركات : 386
النوع : ذكر
الاقامة : egypt
السيارة: مباعة بفضل الله
السيارة[2]: لوجي
دراجة بخارية: لا يوجد
الحالة :
يا إخوانا أوجزتم فأنجزتم بصراحة شرح هايل وتعليق ممتاز من أساتذتنا فى المنتدى: الأستاذ بيشوى والأستاذ أحمد.
بس أنا شايف عشان الحلو يكمل تقوموا بشرح عمل زرار ((الشيفت)) الأحمر اللى فى الفتيس وأثره وتأثيره فى الركن صف ثانى بعد التعشيق على p، لأن المفتاح مش بيطلع لو معشق على n، أنا بس حبيت أقول إنما هسيب الشرح للأستاذ بيشوى عشان الموضوع يكمل ويبقى تمام.
رقم العضوية : 33292
تاريخ التسجيل : 17Feb2009
المشاركات : 69
النوع : ذكر
الاقامة : Ain shams
السيارة: Nissan Sunny
السيارة[2]: Matrix
الحالة :
انا شاكر لشرحك جدا بس افهم من كلام حضرتك ان النقله من ال n الى ال d بتكون من غير ما ادوس على الزرار الفضى الكبير؟؟ وكنت عاوز اعرف ينفع انقل من ال 1 الى ال2 الى الd والعربيه ماشيه وياترى هكون محتاج ادوس على الزرار الفضى ولا لا ؟؟ انا كنت قريت من فتره استخدام الزرار الفضى فى موضوع لكن مش فاكر بالظبط فين لانه كان من فتره كبيره .. واسف على الاسئله الكتيره.
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
اوعى تنقل من غير ما تدوس على الزرار الفضى اللى فى الفتيس , اى نقلة وتحرك للفتيس لازم تدوس على الزرار ده
وبخصوص انك تنقل من الL الى 2 ثم الى d والعربية ماشية , ممكن عادى وبردوا لازم تكون دايس على الزرار الفضى , وبعدين قولنا الL و2 دول عشان المطالع القوية والمنازل فقط
وممكن تحرق بالغيار Lو2 بيهم فى السرعات لماتيجي تشد مع واحد بالعربيه فبيكون كالاتى :
بتقفل الاوفر درايف وبعد كدا بتجيب العصايه علي L لغايه ما تجيب اخر الار بي ام ,و بعد كده تنقل علي 2و تجيب اخره بردوا ,و بعد كده تفك الاوفر درايف و تنقل علي D
وزى قولتلك فى المطالع والمنازل تانى تسخدم الغيارات ال1 و2 وتحرك الفتيس بالزرار اللى فى الجنب الفضى وبعد كدا تنقل على الd وكل ده وانت ماشى
المشكلة اللى لازم تاخد بالك منها ان اوعى تنقل على r وانت ماشى , اوعى لان ده غلط طبعا او وانت على ال r تنقل على الd من غير ما تكون العربية واقفة وبتدوس فرامل
ملحوظة : لو عايز تنقل من الd الى ال2 وانت ماشى على الاقل السرعة تكون 40 مش تنزل مثلا على 80 او 100 عشان غلط
وايضا لو عايز تنقل على الL هو يستحسن وانت واقف , ولو حكم الامر وانت ماشى يبقا يادوبك والعربية بتتحرك بسيط
نيجى بق الى زرار shift lock
عشان موضوع المفتاح اللى مش بيخرج من الكونتكت لو قفلت العربية وجبت العربية على الn
الزرار ده بقا بيحلها
بمعنى :
بعد لما تبطل العربية وتخرج المفتاح وهي علي ال p دوس علي الزرار shift ده ودوس على زرار الفضى للفتيس وحرك الفتيس علي ال n هتلاقيه بيتحرك معاك
لان من غير انك تدوس على زرار الشفت ده الفتيس مش حيتحرك الى الn
فده فايدة الزرار , انه بيحرك الفتيس بعد ما بتشيل المفتاح الى الn عشان لو راكن فى مكان وعايز تاخد المفتاح وتسيب العربية ممورة
او راكن فى مطلع وعايز العربية تكون مركونة بتمويرة مع فرامل اليد عشان ميكنش فى حمل على التروس
ملحوظة اخيرة ومهمة جدا
فى حالة لو حنركن قبل ما ننقل الى p لازم نشد الهاند بريك او فرامل اليد , عشان نرمى حمل العربية كله على الخلف و بعد كدة اعمل الفتيس على ال P لكن لو عملت الفتيس الاول على الP الحمل كله بيكون على قدام وعلى تروس الفتيس الاوتوماتيك وكمان بتكون متحملة على الكبالن وده غلط طبعا
وبكدا نكون غطينا كل الاسئلة الهامة
وتحت امركم فى اى استفسار اخر
وتقبلوا تحياتى
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 33292
تاريخ التسجيل : 17Feb2009
المشاركات : 69
النوع : ذكر
الاقامة : Ain shams
السيارة: Nissan Sunny
السيارة[2]: Matrix
الحالة :
انا بجد بشكركم جدا بس واضح ان المانيوال ماثر على فهمى شويتين او ان انا اللى فهمى بطئ ... علشان نحل مشكله الزرار الفضى ممكن اعرف استخدمه امتى ومش استخدمه امتى ؟
رقم العضوية : 530
تاريخ التسجيل : 08May2007
المشاركات : 3,300
النوع : ذكر
الاقامة : alexandria
السيارة: nissan
السيارة[2]: بيجو 406
دراجة بخارية: مالها
الحالة :
مرة وانا ماشى بالعربية وغصب عنى إيدى خبطت زرار الفتيس جامد لقدام فالفتيس جاب r والحمد لله محصلش أى ضرر وكل اللى حصل إن العربية بطلت
مين اللى يستحمل كل ده
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
استخدام الزرار الفضى اللى فى الجنب , تستخدمه زى ما قولت لحضرتك قبل كدا
لما تنقل بين الغيارات على سواء الp او الd او الr او الn او الL او ال2
مهم جدا لو بتحرك عصا الفتيس لازم تعمل حاجاتين , تدوس على الزرار الفضى وتكون دايس الفرامل وانت واقف
اما وانت ماشى لو حبيت تنقل من الd الى ال2 مثلا بردوا لازم تكون بتدوس على الزرار ده
الزرار ده من الاخر عامل زى اكنك لازم تدوس دبرياج زى المانيول كدا , هل تقدر تنقل من غير ما تدوس دبرياج
والدنيا بسيطة جدااااااا , الاتوماتيك عامل زى اكنك سايق عربية فى الملاهى , ده التعامل معاه من اسهل ما يمكن
انا بقالى 17 سنة بسوق مانيول وفجاءة سوقت اتوماتيك , ولقيت انه متعة جميلة جدا واسهل مما يمكن يا جماعة
وبصراحة مش حرجع تانى الى المانيول تانى , الا فى حاجة واحدة
لو البلد رجعت فاضية زى زمان , وده استحالة
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
المفضلات