نيسان صني 2008 بحس انها بتلعب من ورا في المطبات ... اية السبب؟؟
عرض للطباعة
نيسان صني 2008 بحس انها بتلعب من ورا في المطبات ... اية السبب؟؟
السبب حضرتك و بنسبة 80% لأن العفشة عند حضرتك مش رياضية و لازم تروح تكشف عنها في التوكيل عشان لو فيها اي مشكلة يبقي تغيرهم في الضمان من غير ما تدفع حاجه و ممكن تلاقيهم جايبين زيت و حضرتك مش واخد بالك لأن حضرتك العفشة اصبحت رياضية من سنة 2009
و اي خدمة
طيب ازاى هما هايغيرو العفشة من عادية لرياضية
والعفشة سليمة
وبعدين انا سمعت انهم بيركبوا عمود ميزان بس!
لأ هو حضرتك اللي بيتغير في اعتقادي بس هي المساعدين من عادي الي مساعدين رياضي
اهلا بيك معانا
بس كدا حنساعدك ازاى
انت قولت نيسان صنى 2008
قبل اى حاجة قولنا الاول
عربيتك عادية ولا سوبر سالون , وماشية كام الف كيلو , لان كل ده مهم جدا فى تفسير اى حالة للسيارة عشان نكون معاك فى الصورة
عامة مبدئيا خالينا ناخد الامور واحدة واحدة
لو العربية لسه بحالتها ومش عدت ال20 الف مثلا يبقا حضرتك عليك وعلى التوكيل وهما حيحلو المشكلة دى وانت قاعد حاطط رجل على رجل
ولو العربية مشيت كتيررررررر وطلعت من الضمان , وعدت ال100الف كيلو
يبقا نيجى لنقطة ظبط الزوايا , بس يكون عند واحد محترف , وتبدل الكاوتش , بس طبعا تكشف على الكاوتش الاول ليكون ملوح او فى حاجة , والجنوط كمان بالمرة
ولو كله تمام يبقا بدل الكاوتش قدام بورا , واعمل ظبط زوايا
ولو لسه المشكلة موجودة بعد ما تعمل كل ده يومتحلتش بقا ممكن ندخل على قصة المقصات والمساعدين وخصوصا المساعدين بعد 100 الف
بس نعرف الاول حضرتك العربية ماشية كام الف كيلو بالظبط والدنيا اخبارها ايه معاك عشان نعيش الوضع على الطبيعة
وعلى العموم ان شاء الله تكون بسيطة وتتحل فى ظبط الزوايا
وقولنا ايه الاخبار وطمنا
العربية مانيوال وماشية 23 الف .... هي مش بتعوم بالمعني بس هي اما تدخل علي مطب عالي من ناحية وواطي من ناحية بلاقيها تتهز من ورا يمين وشمال بنسبة بسيطة ... عموما انا لسة شاريها وهاروح التوكيل اشوف اية الحكاية.. وشكرا علي الاهتمام
صاحب الموضوع راسلته من فترة قبل عطل المنتدى وطلع سبب التعويم بعد ما عمله
ظبط زوايا
والعربية بقت تمام وزى الفل
طيب الحمدلله طمنتونى