هما ليه الجيران بقوا عملين كدة

**Eng_AmrAllam** · 10-10-2010 02:45 AM

النهاردة وبكل بساطه اخويا جه ركن العربية جنب البيت

عشان انا كنت قايله اني هاجي اخدها منه والشارع عندنا

مش كبير قووووي لا دي شارع صغير يدوبك يعدي عربيتن جنب بعض

وبعدين في شارعنا دكتور فالناس اللي بتجيله بيقفوا عنده وبيسدوا الشارع

فاما اخويا لقي العملية كدة ركنها ادام البيت ومشي ومستناش بقي اني اجيله ساب المفتاح

مع والدتي ومشي انا جيت لقيت واحد جارنا معاه مازدا اللي هي 929

العريضة دي وقام معدي بالعافية وحاكك جنب عربيتي كله وبكل برود لقيته بيقولي انت اللي غلطان

انك ركنت العربية هنا وانا عشان اادبك قمت حككهالك قولتله هي كدة يعني قالي اه اللي عايز تعمله اعمله

مع ان والدتي بصت له وقالت له اصبر 5 دقائق و لف من الشارع التاني والشارع الي جنبنا بيوصل لبتاعنا

وكلنا بنعمل كدة اما بنلاقي الشارع مقفول

والغفير طلع يقوله هتخبطها وكل دة وبردة وقام جبلي الجنب انا بقي محشتش بنفسي الا وانا بتصل بشرطة

وقولتلهم انا عايز محضر و فعلا بعد 10 دقائق لقيتهم جايين والبيه مش عايز ينزل من بيته

ومحدش يعرفه في الشارع بتاعنا عشان هو لسه ساكن فلقيت امين الشرطة بيقولي انت عايز تمشيها رسمي

ولا نمشيها تصالح قولتله اية اافضل قالي تصالح ونجيب لك منه فلوسك تعويض قولتله ماشي ولو حتي يعترف

بغلطه ولو عمل محضر هيضطر انه ياخد العربية بتاعتي وعربيته والراجل طبعا مستغني عن عربية بس

انا خفت علي عربيتي وقولتله حول تتصالح طلعله وقالي خليك انت بعيد الراجل طلعله وبكل قله ادب قالع انت عملت المحضر ولا لسة

وقاله اني انا اللي غلطان واني ازاي اسيب العربية كدة وامشي قولتله بقي كان الشارع مقفول ومحدش هيعرف

يعدي قالي انت اللي غلطان ولو عايز تعمل محضر براحتك العربية تحت اهيه خدوها ميهمنيش

قولت لامين الشرطة قفل ومشيها تصالح ومعلش

لقيت بقي امين الشرطة واحنا نازلين قالي معلش انا عارف انك مش غلطان وان هو اللي غلطان

بس متزعلش هو راجل قليل الادب قالي مشفتش المعامله ازاي وربنا يعوضك وهو اصلا مستغني عن عربيه

ولو عملنا محضر عربيتك هي اللي هتتبهدل

بجد انا مش عارف اية الجيران دي ازاي راجل كبير في السن يعمل كدة

وكمان انه لسه ساكن هنا من شهر

ربنا يبعدنا عنه

**mr_vampire** · 10-10-2010 02:50 AM

مسمي جيران مينفعش دلوقتي. ولا حد طايق حد ولا حد عامل احترام لحد. معلش وربنا يعوض عليك

**Eng_AmrAllam** · 10-10-2010 03:02 AM

المشاركة الأصلية كتبت بواسطة mr_vampire

مسمي جيران مينفعش دلوقتي. ولا حد طايق حد ولا حد عامل احترام لحد. معلش وربنا يعوض عليك

لا والله الناس اللي معانا في الشارع عارفنهم جدا جداا جداااا

وجيران بجد

بس الراجل دة بقي اللي جه دخيل علينا

**KENAWY_25** · 10-10-2010 03:17 AM

انسي يا صحبي خليك في المهم

**ahmed_mido1889** · 10-10-2010 03:29 AM

نيجي لافكار الشيطانيه زيت باكم علي السقف والقوايم لما ينطورو البويه هيحس بيك

**tameraast** · 10-10-2010 03:36 AM

ادفس عود كبريت فى فتحه مفتاح البابين او علبه امير بجنيه و املالو الفتحتين
مممكن كمان تنيمله العجل و خليه يعرف انك انت الى عملت كده
لازم تاخد حقك و تديه بالجزمه الناس ديه مبتيش الا كده

**al_manara** · 10-10-2010 04:27 AM

المشاركة الأصلية كتبت بواسطة ahmed_mido1889

نيجي لافكار الشيطانيه زيت باكم علي السقف والقوايم لما ينطورو البويه هيحس بيك

المشاركة الأصلية كتبت بواسطة tameraast

ادفس عود كبريت فى فتحه مفتاح البابين او علبه امير بجنيه و املالو الفتحتين
مممكن كمان تنيمله العجل و خليه يعرف انك انت الى عملت كده
لازم تاخد حقك و تديه بالجزمه الناس ديه مبتيش الا كده

العفو عند المقدرة

من أعظم الأخلاق رفعة العفو عند المقدرة , وهذه عبادة مهجورة , وهي من صفات الله وأسمائه الحسنى فهو سبحانه : العفو القدير , أي:يعفو بعد مقدرته على الأخذ بالذنب والعقوبة على المعصية .
فالعفو بدون مقدرة قد يكون عجزاً وقهراً , ولكن العفو مع المقدرة والانتقام فلا شك أنه صفة عظيمة لله فيها الكمال , فهو سبحانه يحب العفو , ويحب أن يرى عبده يعفو عن الناس

ويقول سبحانه وتعالى :

(خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ) (الاعراف:199)

ويقول سبحانه وتعالى :

( فَمَنْ عَفَا وَأَصْلَحَ فَأَجْرُهُ عَلَى اللَّهِ )(الشورى: من الآية40)

{ ولَمَن صَبَرَ وَغَفَرَ إنَّ ذَلِكَ لَمِنْ عَزْمِ الأمُورِ } الشورى: 43

**adel1414** · 10-10-2010 04:53 AM

حضرتك جبت بعد الاخر بشوية...بارك الله فيك

**mohamed_e36** · 10-10-2010 05:01 AM

المشاركة الأصلية كتبت بواسطة ahmed_mido1889

نيجي لافكار الشيطانيه زيت باكم علي السقف والقوايم لما ينطورو البويه هيحس بيك

المشاركة الأصلية كتبت بواسطة tameraast

ادفس عود كبريت فى فتحه مفتاح البابين او علبه امير بجنيه و املالو الفتحتين
مممكن كمان تنيمله العجل و خليه يعرف انك انت الى عملت كده
لازم تاخد حقك و تديه بالجزمه الناس ديه مبتيش الا كده

يا جدعان التفكير ده بيولد الحقد ولو هوه عمل كده مش هيخلص من الراجل ده ومن قله ادبه
لان هوه هيبقى متاكد ان مفيش حد هيبقى عايز يبوظ العربيه غيره وطبعا مش هيسكت وهيردهاله في حاجه تانيه
بص خلاص اللي حصل حصل وحاولو تتحاشو الراجل ده عشان متهزقوش نفسكو معاه
وده مش ضعف ده احترام لنفسك

**haroun707** · 10-10-2010 05:18 AM

بص يا باشا اولا ربنا يعوض عليك

انا عاوز اقولك على حاجة وانا اسف انى حقول كده وانا عارف ان فى ناس كثير حيهاجمونى جداً

بس ما يأخذ بالقوة لا يسترد الا بالقوة

انت تصبر شويتين كده بتاع اسبوعين ولا شهر حتى
وتعرف مشاويره فين او مكان شغله

وتعدى على اى واحد بتوع بويات العربيات وتشترى منه حاجة اسمها

تنـــــــر فــــرن او علبة زيت باكم

وترشهاله على العربية وتحزنه بجد على عربيته

انا اسف للكل طبعاً بس والله ومع انى مبحبش الاسلوب ده بس انا فعلاً دمى محروق ومتغاظ جداً