مســاعده مستعجله بخـصوص تلفزيون سامسونج الفئه الثالثه

**trix7** · 10-10-2010 08:18 AM

السلام عليكم ورحمه الله وبركاته

معلش يا جماعه انا لسه جديد هنا لكن متابع موضوعاتكم في القسم ده على طول
وعارف انكم كلكم اعضاء محترمه وخدومه وجدعان بجد

و انا عندي مشكله في تلفزيون lcd

نوعه سامسونج 32 بوصه الفئه الثالثه la350

والتلفزيون بقاله شهرين وهو في الضمان

المهم المشكله التلفزيون في زنه وخروشه غريبه وبتبان جدا في السماعه اليمنى وخصوصا لما التلفزيون يكون عالي شويه
يعني الزنه بتكون موجوده اساسي لكن اما بيعلى بتبان اكتر

واتصلنا بالتوكيل وبعتولنا مهندس صيانه
المهم غيرلنا كارت السيستم وبرضه المشكله زي ما هي
وبعدين غيرلنا السماعات وبرضه المشكله زي ما هي
وفي الاخر زهق مننا وقلنا انا معنديش حلول تانيه وهو ده اللي عندي وانا هكتب في التقرير ان التلفزيون مفيهوش مشكله ...وعاوزين تتكلموا مع الشركه اتفضلوا !!
وقلنا كمان متعلوش صوت التلفزيون وخلوه مكتوم احسن !!!!!

المهم يا جماعه انا عاوزكم تساعدوني وتنصحوني اعمل ايـه
نكلم الشركه يبعتولنا مهندس تاني ولا ايه ؟

وهل المشكله اللي في الصوت دي مشكله عامه في كل شاشات الفئه التالته سامسونج ؟

وهل حد مر عليه المشكله دي وعارف سببها او مصدرها ... لان السماعات اتغيرت وبرضه المشكله موجوده ؟

وانا يا جماعه متعصب جدا ومخنوق لان التلفزيون لسه جديد ومش عارف اعمل ايه :((

**M.Mosaad** · 10-10-2010 11:50 AM

فاتورتك و مكالمه لحمايه المستهلك
انا مش متاكد ان الفئة الثالثه كلها كدة و لا لأ بس لو كلها كدة تبقي معيوبه لان المفروض ميبقاش في زنه طالما التليفزيون مفيش جنبيه حاجة حاجزة للصوت زي رف خشب او حاجة

**fepsceasar** · 10-10-2010 12:21 PM

اتصل بيهم ما جوش بالذوق توكل على الله واشتكيهم عهد التلاجة اللى بتتحجز قبلها بستة شهور ده انتهى والزيت اللى مش موجود فى الجمعية ده خلاص دلوقتى البضاعة فى السوق وانت بتدفع المقابل اللى هم عايزينه علشان تستمتع مش تقرف نفسك