أصدقائى ملاك الكيا سيراتو - شوية استفسارات من مالك لكيا سيراتو - ارجوكم
السلام عليكم و رحمة الله وبركاتة
اخوانى عندى شوية استفسارات كده بالنسبة للعربية اللى معايا - يعنى شوية حاجات مش مريحانى فى العربية و مش عارف هل دى عادى و لا انا اللى موسوس
1) بعد ما بشغل تكييف العربية بثوانى ( يعنى ثانية او اتنين ) بحس برعشة بسيطة كده زى ما يكون الكمبوريسور بتاع التكييف اشتغل وبتروح على طول كان معايا قبل العربية دى نيسان صنى ومش كانت بتعمل كده
2) وانا ماشى وعند التوقف فى اى اشارة على موضع d ودايس فرامل والتكييف شغال بحس بفيبريشن فى العربية بس خفييف اوى.
3) العربية ملاحظ انها تقيله شوية فى السحب مع التكييف بس و التكييف مطفى سحبها ممتاز
4) هل لو ضغط شوية على البنزين و العزم وصل 3500 فيه مشكله على العربية لانى بحس ان صوت الموتور بيعلى.
5) وانا ماشى سلنسيه كده على الهادى اوى ومن غير تكييف وفاتح الازاز بسمع زى صوت كركره بسيطه كده فى الموتور وبيروح اما ازود وامشى عادى
6) فى يوم قايم الصبح رايح الشغل فى امان الله بس كنت نايم على نفسى خالص ولسه يدوب طالع بالعربية شوية زنق عليه واحد جاى فى الاتجاه المقابل قمت خبطت جامد فى الرصيف اليمين و جنط العجله اللى قدام اتحك شويه بس حسيت ان الخبطة جت فى دراعى ودراعى فضل واقف يجى 5 دقايق مش قادر احركة المهم انى لقيت الطارة بعد كده مش بقت عدله يعنى مش متوسطه فى مكانها مايله شويه فى اتجاه اليمين هل ده فيه مشكله لازم اروح للتوكيل على طول ولا استنى للصيانة الجاية
معلش انا اسف طولت عليكم خالص بس ياريت حد يجاوبنى علشان قلبى يطمن
وألف ألف شكر ليكم