الموضوع: اسئلة عن الموتوسيكلات

المشاركة الأصلية كتبت بواسطة nour_safwan

محدش رد ليه على كريم
كريم إنت عضو برونزي بس شكلك خبرتك كلها في السيارات عشان كده بتستفسر عن الموتسيكلات
الموتسيكل مالوش دواخل يا كريم الموتسيكل بيرش الفايبر بتاعو بس وفيه ناس بتدقق على الفايبر راشش ولا مش راشش
والناس الي بتفهم أوي أو أصحاب المهنه بيدققوا على الموتسيكل من ضهر الفايبر بيشوفوه معمول فيه مرمات ولابالإسفنج الداخلى بتاع الفابريكه

وبالنسبه لعمرة الموتسيكلات الصيني ده ممكن تعمله عمره كل يوم بعد العصريه كده او عالمغربيه عادي
أما الياباني العمره فيه فاشله لسبب واحد
إختلاف جوده الخامات المستخدمه لعمل العمره
يعني ممكن تجيب كل حاجه استاندر وتعمل عمرتك زي الفل ببساتم استاندر وشمايز استاندر وكرنك استاندر وسبايك استاندر ودي اهم حاجه هي والكرنك
ليه ؟
الحديد المستخدم عند الخراطين في مصر زهر عادي أحمر والمستخدم في مصانع الموتسيكلات حديد زهر أبيض
نسبة تأثره بالحراره تعتمد على سوء الإستخدام
يعني لما تكون عامل عمره مثلا عندنا في مصر
وانت ماشي بالموتسيكل والسبايك من السخونيه تنكمش من الحراره وتقفش عالكرنك وتلاقي الموتسيكل تقيل مفهوش سحب
ولما تركنه على جنب شويه وتستنى لما يبرد تلاقيه دار ومشي زي الحلاوه
ساعتها تعرف إن السبايك إتمددت من البروده
عشان كده الي بيجيب قلب موتور إستيراد أو مالهوش ورق ويقوم مسقطه في كارتيرة الموتور البايظ أحسن ألف مره من العمره وخلوا بالكم المواتير دي كتير وماليه البلد (الي مسروق والي هربان من الجمارك) بس الممنوع مرغوب تجيبها أحسن ماتخرط عند خراط
ولو احتاجت عمره بعد كده يبقى عيب سواق او عيب الجوانات المصري الجرنجريد أم خمسه جنيه.

اما بالنسبه للفايبر لو هاتشتري فايبر جديد قدامك حلين
1- الفايبر الصيني وده عامل زي العروسه الصيني وتقريبا بنفس التمن بيبدأ من 800 جنيه وحتى 1200 جنيه وسمعت إنك ممكن تشتريه أبيض مش مرشوش بـ 350 جنيه وترشه بـ 800 - 1000 عند اي متخصص وانصحك بعمرو الشيخ بس عيبه المواعيد
2- الفايبر الأصلي وده تقسم تمن الموتسيكل بتاعك على 3 هايديك تمن الفايبر تقريبايعني بيبدأ من 2500 جنيه لو فيه ودان مكسره وبيوصل لـ 5000 جنيه
3-خد فايبرك القديم أيا كانت حالته وطيران عالشيخ هايرجعلك زيرو
أو عليك وعالصيني لو هاتبيع المكنه بس بشرط
إنك تعرف المشتري إنك جايب فايبر صيني وتديلوا الفايبر القديم هديه عالموتسيكل بدون غش

بالنسبه لنور الموتسيكل الي مابينطفيش ده بس في حالى الأميريكان ستايل
يعني الكاستم والكروزر
والريسات النظام الأمريكي زي ال400 فاير الأمريكي وال600f وال900cbr الأمريكي الي شبه الفاير 400 دي لو فاكرينها فوانيس مدوره مش سحب
وطول مانت ماشي في مصر إطفي النور إطفي النور وتلاقي الي بينادي عليك من أخر الدنيا إطفـي النــــــــــــــــــــور رر وانت تقول ياريت والله كان على عيني

بالنسبه للكاوتش أول حاجه الكاوتش ناقص في السوق وغالي جدا جدا ومش ياباني يعني كل الموجود صيني
وسعر الفرده الأماميفي حدود ال 300 جنيه تحت العجز والزياده
وسعر الفرده الخلفيه بتبدأ من 475 جنيه وحتى 700 جنيه وصيني بس انت عارف كل أصحاب المهنه دي مغلوانيه وتسألهم يقولولك مش الغاوي ينقط بطاقيته
الفرده الورانيه مستعمله وصلت لـ 200 جنيه والأماميه 150 جنيه شوفتوا الدبح
"فصلي لربك وإنحر" تنحر وتطلع لله مش تنحر في خلق الله

بالنسبه للبنزين فا أنا تعبت من كتر الكتابه
بس هاتوفر إركب 250
العادي المقدور عليه اركب 400
فلوسك كتير اركب 900
والله الموفق
وسلامي للزميل خالد
ربنا يمسيه بالخير
اللهم صلي عالنبي
كفايه سيرته في المنتدى كل الدنيا بتشكر فيه ماشاء الله
بشكركم
أخوكم / إبراهيم أسعد

أنا عارف ان الموضوع قديم .. بس أنا نسيت أشكرك على اجاباتك الوافيه .. بجد جزاك الله خيرا على شرحك و معلوماتك.

المشاركة الأصلية كتبت بواسطة nour_safwan

محدش رد ليه على كريم
كريم إنت عضو برونزي بس شكلك خبرتك كلها في السيارات عشان كده بتستفسر عن الموتسيكلات
الموتسيكل مالوش دواخل يا كريم الموتسيكل بيرش الفايبر بتاعو بس وفيه ناس بتدقق على الفايبر راشش ولا مش راشش
والناس الي بتفهم أوي أو أصحاب المهنه بيدققوا على الموتسيكل من ضهر الفايبر بيشوفوه معمول فيه مرمات ولابالإسفنج الداخلى بتاع الفابريكه

وبالنسبه لعمرة الموتسيكلات الصيني ده ممكن تعمله عمره كل يوم بعد العصريه كده او عالمغربيه عادي
أما الياباني العمره فيه فاشله لسبب واحد
إختلاف جوده الخامات المستخدمه لعمل العمره
يعني ممكن تجيب كل حاجه استاندر وتعمل عمرتك زي الفل ببساتم استاندر وشمايز استاندر وكرنك استاندر وسبايك استاندر ودي اهم حاجه هي والكرنك
ليه ؟
الحديد المستخدم عند الخراطين في مصر زهر عادي أحمر والمستخدم في مصانع الموتسيكلات حديد زهر أبيض
نسبة تأثره بالحراره تعتمد على سوء الإستخدام
يعني لما تكون عامل عمره مثلا عندنا في مصر
وانت ماشي بالموتسيكل والسبايك من السخونيه تنكمش من الحراره وتقفش عالكرنك وتلاقي الموتسيكل تقيل مفهوش سحب
ولما تركنه على جنب شويه وتستنى لما يبرد تلاقيه دار ومشي زي الحلاوه
ساعتها تعرف إن السبايك إتمددت من البروده
عشان كده الي بيجيب قلب موتور إستيراد أو مالهوش ورق ويقوم مسقطه في كارتيرة الموتور البايظ أحسن ألف مره من العمره وخلوا بالكم المواتير دي كتير وماليه البلد (الي مسروق والي هربان من الجمارك) بس الممنوع مرغوب تجيبها أحسن ماتخرط عند خراط
ولو احتاجت عمره بعد كده يبقى عيب سواق او عيب الجوانات المصري الجرنجريد أم خمسه جنيه.

اما بالنسبه للفايبر لو هاتشتري فايبر جديد قدامك حلين
1- الفايبر الصيني وده عامل زي العروسه الصيني وتقريبا بنفس التمن بيبدأ من 800 جنيه وحتى 1200 جنيه وسمعت إنك ممكن تشتريه أبيض مش مرشوش بـ 350 جنيه وترشه بـ 800 - 1000 عند اي متخصص وانصحك بعمرو الشيخ بس عيبه المواعيد
2- الفايبر الأصلي وده تقسم تمن الموتسيكل بتاعك على 3 هايديك تمن الفايبر تقريبايعني بيبدأ من 2500 جنيه لو فيه ودان مكسره وبيوصل لـ 5000 جنيه
3-خد فايبرك القديم أيا كانت حالته وطيران عالشيخ هايرجعلك زيرو
أو عليك وعالصيني لو هاتبيع المكنه بس بشرط
إنك تعرف المشتري إنك جايب فايبر صيني وتديلوا الفايبر القديم هديه عالموتسيكل بدون غش

بالنسبه لنور الموتسيكل الي مابينطفيش ده بس في حالى الأميريكان ستايل
يعني الكاستم والكروزر
والريسات النظام الأمريكي زي ال400 فاير الأمريكي وال600f وال900cbr الأمريكي الي شبه الفاير 400 دي لو فاكرينها فوانيس مدوره مش سحب
وطول مانت ماشي في مصر إطفي النور إطفي النور وتلاقي الي بينادي عليك من أخر الدنيا إطفـي النــــــــــــــــــــور رر وانت تقول ياريت والله كان على عيني

بالنسبه للكاوتش أول حاجه الكاوتش ناقص في السوق وغالي جدا جدا ومش ياباني يعني كل الموجود صيني
وسعر الفرده الأماميفي حدود ال 300 جنيه تحت العجز والزياده
وسعر الفرده الخلفيه بتبدأ من 475 جنيه وحتى 700 جنيه وصيني بس انت عارف كل أصحاب المهنه دي مغلوانيه وتسألهم يقولولك مش الغاوي ينقط بطاقيته
الفرده الورانيه مستعمله وصلت لـ 200 جنيه والأماميه 150 جنيه شوفتوا الدبح
"فصلي لربك وإنحر" تنحر وتطلع لله مش تنحر في خلق الله

بالنسبه للبنزين فا أنا تعبت من كتر الكتابه
بس هاتوفر إركب 250
العادي المقدور عليه اركب 400
فلوسك كتير اركب 900
والله الموفق
وسلامي للزميل خالد
ربنا يمسيه بالخير
اللهم صلي عالنبي
كفايه سيرته في المنتدى كل الدنيا بتشكر فيه ماشاء الله
بشكركم
أخوكم / إبراهيم أسعد

مش عارف اقولك ايه على المعلومات الحلوة دى ربنا يجازيك خير استاذ ابراهيم

المشاركة الأصلية كتبت بواسطة shaddy1010

طب يا جماهة لو حبيت اغير لون الموتسيكل , هل دى حاجة تعيبة ؟

أطيد طبعا .. مش كده الفايبر هيبقى راشش.

لا بجد موضوع جامد و يستحق التحية