نفسى اجرب بنزين 80

**tabeb** · 10-10-2010 03:12 PM

سبحان الله
كنت عايز اعمل موضوع زي ده
انا معايا 131 حوت بنزين
هي 1600 سي سي
انا كنت متعود علي 90 بس حاليا حاسس انها بتصرف كتير اوي
بقيت افول التانك 80 واحط بعد فترة 10 لتر 90
هل كده فيه مشكلة؟
وهل محتاج اعدل حاجة في العربية؟

**karimfahmy99** · 10-10-2010 03:19 PM

المشاركة الأصلية كتبت بواسطة tabeb

سبحان الله
كنت عايز اعمل موضوع زي ده
انا معايا 131 حوت بنزين
هي 1600 سي سي
انا كنت متعود علي 90 بس حاليا حاسس انها بتصرف كتير اوي
بقيت افول التانك 80 واحط بعد فترة 10 لتر 90
هل كده فيه مشكلة؟
وهل محتاج اعدل حاجة في العربية؟

اكيد العربية عدت 10 سنين طبعا . لو مكنتش غيرت بكات البنزين غيرها و هتلاقى فرق فى الاستهلاك

الخلط مفهوش اى مشكلة

**Drift_Lover** · 10-10-2010 03:41 PM

انا استعملت بنزين 80 لمدة سنتين في لانوس 99 بدون اي مشاكل في الرشاشات او طلمبة البنزين.
التأثير في
السحب ( أقل حاجه بسيطه)
صوت الموتور (اعلي حاجه بسيطه)
توفير الاستهلاك (من 260 كم/الصفيحه في حالة ال90 الي 310 كم/الصفيحة في حالة الـ 80)...
تأثير التكييف علي الموتور (اصبح تأثيره ملحوظ ما قبل الغيار الثالث).

وفر الاستهلاك...
العربيه عملت 32000 كم خلال السنتين... يعني استهلكت 106 صفيحة بنزين
106*20 جنيه = 2120 جنيه توفير من فرق ال80 و ال 90 خلال سنتين في حين ان ثمن الموتور الاستيراد 2000 جنيه بدون الضفيره والكنترول والفتيس... يعني حتي لو بيأثر علي الموتور فانا وفرت ثمن موتور استيراد...

بس خللي بالك الموتور معاك زيرو مش استيراد او مستعمل... وانا عرفتك حسبتي وانت احسبها حسب المميزات والعيوب والتوفير والقرار لك.

**Drift_Lover** · 10-10-2010 03:43 PM

المشاركة الأصلية كتبت بواسطة tabeb

سبحان الله
كنت عايز اعمل موضوع زي ده
انا معايا 131 حوت بنزين
هي 1600 سي سي
انا كنت متعود علي 90 بس حاليا حاسس انها بتصرف كتير اوي
بقيت افول التانك 80 واحط بعد فترة 10 لتر 90
هل كده فيه مشكلة؟
وهل محتاج اعدل حاجة في العربية؟

ال 131 المفروض تشتغل علي بنزين 80 اخذآ بنسبة الانضغاط...
لكن 90 او 92 فانت بترمي فلوس في الفاضي...

**dr.hany** · 10-10-2010 03:46 PM

انا عن نفسي ماسك العصايا من النص

بخلط يعنى

التلت 80 والتلتين 90 ومافيش اى مشاكل

**mahmoudysf** · 10-10-2010 04:03 PM

تجربتي مع بزين 80 سيئة للغاية
فولت مرتين وكانو اول واخر مرتين
الماتور صوتو علي بغباوة
العربية بتسقف في الطلعات ولازم تقرص على كل غيار قبل ماتغير
العربية مع التكيفف بتتحرك بالعافية
فحرام اركب عربية زي اللانوس واخد الاداء التعبان ده مع بنزين 80

**karimfahmy99** · 10-10-2010 04:18 PM

المشاركة الأصلية كتبت بواسطة mahmoudysf

تجربتي مع بزين 80 سيئة للغاية
فولت مرتين وكانو اول واخر مرتين
الماتور صوتو علي بغباوة
العربية بتسقف في الطلعات ولازم تقرص على كل غيار قبل ماتغير
العربية مع التكيفف بتتحرك بالعافية
فحرام اركب عربية زي اللانوس واخد الاداء التعبان ده مع بنزين 80

كلامك سليم و عشان كدة برضة قلت فى ردى يفضل لو عاوز تحط 80 يبقى للسفر بس ع الطوالى هتجيب ال 100 و تثبت عليها و على ما توصل تكون خلصت او تزود ب 90 تانى عادى

**MMamdouh** · 10-10-2010 04:36 PM

المشاركة الأصلية كتبت بواسطة M.Zaher

يا جماعه معلش انا ضد رايكم ده خالص

ياريت تجربوا الاول قبل ما تحكموا على 80

اولا حكاية الشوائب اللى كل ما حد يسال عن موضوع ال 80 يقولوله الشوائب
ال 80 زي 90 زي 92 زي 95 من ناحية الشوائب بتختلف من محطة للتانيه حسب التانك و تنضيفه

الفرق بين كل انواع البنزين دي هيا نسبه الانضغاط للبنزين يعني ايه
يعني قدرة البنزين على مقاومة التصفيق عند الاحتراق في غرفه الحريق (يعني الاشتعال الذاتي)

يعني مثلا بنزين 95 مقاومته للتصفيق اعلى ازاي يعني
يعني مابيحترقش بسهولة لما بيحصل الضغط من المكبس في السلندر بين مزيج الهواء و البنزين و مابتحرقش الا لما البوجيه يولع
البنزين 80 بقى لو حطيناه في عربيه معدل الانضغاط بتاعها 11 مثلا يعني بتاخد بنزين 95
هاتلاقي قبل ما البوجيه يطلع الشراره هاتلاقي البنزين اتحرق نتيجة للضغط بتاع المكبس داخل غرفه الحريق

طيب لو فيه طريقة اخلى العربيه تقدم الشراره عشان تلحق قبل ما مزيج البنزين 80 و الهواء يتحرق تحت الضغط الشديد في غرفه الحريق يبقى كده انا قضيت على ظاهره التسقيف و ده اللى بيحصل في الدايو مع ظبط فيشه الاوكتان

لكن كون انه بيسد الرشاشات و الكلام ده مش مظبوط و لا بيأثر على علبه البيئه و لا اي حاجة لانه مافيهوش رصاص
و بعدين التجربه خير برهان جرب الاول و بعدين احكم
وبعدين الفرق الكبير ده يستاهل على الاقل محاوله التجربه