أنا عريس ....وعاوز سيراميك

**Noha.M** · 23-03-2008 02:43 AM

يا حرااااااااااام :)

انا بصراحة معرفش موضوع السيراميك دة بيتجاب منين بس كويس موضوعك هيبقي

مفيد جدا لخطيبي يا ريت بقا تعمل سلسلة مواضيع عن السيراميك و الرخام والبورسلين بعدين ممكن باة ندخل على العفش و الدهانات

بجد البنات مش بيتخرب بيتها كدة زى الولاد

ربنا معاااااك

**m7md_hany2** · 23-03-2008 02:59 AM

أولا ألف ألف مبروك و ربنا يتمم بخير
و ثانيا .... أنا ساكن جنب الناس بتاعة السيراميك اللي في ترسا الهرم
لو تحب تقولي علي اللي أنت عايزه و أسألك الناس اللي هنا .... و أعتقد أنهم من أرخص المناطق بتاعة بييع السيراميك ..... مليين الشارع كله

**zeyad1810** · 23-03-2008 03:06 AM

الف مبروووووووووووووووووووووو وووووووك وعقبال لما تجوز اولادك
كليوباترا من افضل الانواع وليهم معرض كبير فى الفجالة

**YoussefMostafa** · 23-03-2008 03:23 AM

الف مبروك يا عريس
وخليك في كليوبترا خصوصا في جو التخفيضات دة

**ابو سيف** · 23-03-2008 08:30 AM

كليوباترا كويس جدا جدا من حيث الانتشار و الاسعار و الى حد ما الشكل و الجودة لكن مع احترامي للجميع فالجوهره افضل انواع السيراميك من حيث الجودة و المتانه و من حيث التصميمات و الاذواق الراقيه لكن سعرها طبعا اعلى من الكليوباترا

لكن على اي حال هيه مش هتفرق كتير انا نصيحتي ليك انك تروح معرض يكون فيه كل الانواع علشان تقدر تختار الذوق و الشكل المناسب ليك يعني تقدر تروح حاجة زي السلاب مثلا عشان تتفرج هناك فقط لأنهم عارضين بشكل كويس جدا و بتقسيمات في الحمامات و المطابخ حلوة هتفيدك كتير اوي اوي في التنفيذ و عندهم كل دول لمنتج معين يعني دور فيه حاجات رويال و دور في كليوبترا و دول في الجوهره و كدة و بكدة هتقدر تكون فكرة كامله عن كل الانواع و الاشكال و طريقه التركيب و التنفيذ على الواقع

تشوف بقا يا ريس ايه اللى عجبك في دول و تروح تاخد رقم الموديل من عندهم و تنزل تشتريه من اي مكان ارخص و لو الارضيات فممكن فعلا تجيب فرز تاني مبيكونش فيه اي عيوب ظاهره لكن هيفرق جامد معاك في السعر و لكن في الحوائط زي المطبخ و الحمام لازم يكون فرز اول عشان اي حاجة هتبقا باينه جدا لأنها في حيطه
و تحت امرك في اي استفسار تاني و ربنا يتمملك بخير

**Xpert** · 23-03-2008 10:44 AM

انا مش عارف ليه محدش قال : الفجااااااااااااله..
الفجاله فيها سيراميك بالكووم .. + كل مستلزمات الحمام و المطبخ ..
انا رأيي خليك مع فرز اول .. هاتلاقي العمليه مفرقتش كتير .. ده غير ان فرز تاني فيه عيوب في المقاسات خفيفه هاتشوهه المنظر
مبروك يا عريس ;)

المشاركة الأصلية كتبت بواسطة onna

يا حرااااااااااام :)

انا بصراحة معرفش موضوع السيراميك دة بيتجاب منين بس كويس موضوعك هيبقي

مفيد جدا لخطيبي يا ريت بقا تعمل سلسلة مواضيع عن السيراميك و الرخام والبورسلين بعدين ممكن باة ندخل على العفش و الدهانات

بجد البنات مش بيتخرب بيتها كدة زى الولاد

ربنا معاااااك

احنا بنعمل لنفسنا مش ليكو :p :D :D
لاء لاء باهزر .. انتو ليكوا النص طبعاُ في الشقه .. بس هانسيبلكم الجزء بتاع المطبخ بس :D

سؤال لدكتور سمارت .. ماتنصحش بالبورسلين ليه

بيشو...

**DONYO** · 23-03-2008 02:29 PM

الف مبروك يا باشا وربنا يتمم بخير
لو عاوز نصيحتي من الاخر روح ( مخزن ) السلاب مش المعرض اللى في مدينة نصر وهناك هتلاقي اسعار مافيش بعد كدة ودة خلاصة خبرتي لاني بقالي سنة ونص متجوز واشتريت من هناك وكلة فرز اول ومافيش غش

**DONYO** · 23-03-2008 02:33 PM

المشاركة الأصلية كتبت بواسطة zeyad1810

الف مبروووووووووووووووووووووو وووووووك وعقبال لما تجوز اولادك
كليوباترا من افضل الانواع وليهم معرض كبير فى الفجالة

سوري يا باشا الكلام اللى هقولة دة مالوش دعوة بموضوضوع السيراميك بس كنت عاوز اسألك عن اخبار عربيتك البونتو ..... عاملة اية معاك ..... واخبار قطع الغيار والصيانة اية ولو موديل 95 تعملها كام ؟
واهم اهم حاجة بقى التكييف في وسط البلد في الزحمة اخبارة اية وعلى الطوالي اخبارة اية ؟
واكون شاكر ليك جدا لو ترد علي .

**noni67** · 23-03-2008 03:36 PM

مبروك مبروك مبروك
كلكم بتباركوا له على ايه
يا ابنى انت صعبان عليا صدقنى
اخلع
لو خايف تطلع عيل ادامهم ولا يهمك
اطلع عيل يوم تعيش راجل طول عمرك
جواز اية وقرف ايه يا عم عيش لك اليومين الحلوين دول
اما موضوع السيراميك فعن تجربة بلاش ابوس رجلك
تلج يا بوى فى الشتا وزحاليق فى الصيف
انا عملت شقتى كلها سيراميك جامبوا المتر بالشىء الفولانى وحياتك انت 180 متر سيراميك قطموا وسطى
وبعد سنة واحده لصقت عليهم باركية المانى وارتحت من 3 سنين يااااااااااااااااااااه لا تتخيل الراحه
شيىء ولا الخيال فى التنظيف والمنظر والنظافة والشياكة
انما سيراميك يغور
وطلع كمان الباركية ارخص منه

**Noha.M** · 23-03-2008 03:42 PM

المشاركة الأصلية كتبت بواسطة Xpert

احنا بنعمل لنفسنا مش ليكو :p :D :D
لاء لاء باهزر .. انتو ليكوا النص طبعاُ في الشقه .. بس هانسيبلكم الجزء بتاع المطبخ بس :D

..

ميرسي يا xpert

تعيش و تجيب انت كمان لمراتك :p:p

الموضوع: أنا عريس ....وعاوز سيراميك

LinkBack

أدوات الموضوع

عرض

-

-

-

المواضيع المتشابهه

i10 مغلبانى وعاوز استفسر عن حجات كتير انا لسه جديد وعاوز استفيد منكم

سيراميك الشقة باظ

اخى عريس

عريس محتار

انا عندى سيفيك 92 si لونها كحلى وعاوز اعدل فيها حاجات وعاوز رايكم

الكلمات الدلالية لهذا الموضوع

المفضلات

المفضلات

ضوابط المشاركة