الموضوع: شوفت مرسيدس sls amg !!!!!!

يا جماعة أعذرونى............أنا بقالى يومين شايفها و بحاول مكتبش عنها......بس مش عارف....بحلم بيها و أنا نايم بالليل.

من يومين و أنا راجع البيت بالليل خير اللهم أجعلة خير لقيت فوانيس غريبة جاية من ورايا بسرعة شوية.......

مبدأياً من العربية من قدام أنا شايف أنوارها الليدات و شايف علامة مرسيدس قطرها يمكن نص متر ....يعنى عارف أن العربية اللى هتعدى دى مرسيدس.....بس مش عارف الفئة أيه
المهم أخدت يمين و عديته.......و أبتدت ملامح وشى تتغير و يبان عليها الأزبهلال التام

أيه ده..........أيه دهههههههههههههههههه حرام عليكم بجد تعملوا عربية بالشكل ده

أنا قعدت متنح و ماشى وراه بسرعته ( طبعاً لأنه مكنش دايس بنزين ) مسافة حوالى 15 كيلو.....و حالق للرادارات تماماً مع أن الردارات هنا كل 7 أو 8 كيلو بالكتير....لحد لما مراتى قالتلى أنت ماشى بسرعة خللى بالك من الرادار......بصيت على السرعة لقيته ماشى بسرعة الطريق عادى ( 140 كم ) فضلت ماشى وراه و كان ماشى فى نفس الطريق اللى بيوصل على البيت عندى.......و سيبت المدخل بتاع البيت و فضلت ماشى وراه و أنا مش فى دماغى أى حاجة تانية.....لحد لما وقف على اليمين و مكنش ناقص غير أنى أركن أنا كمان و أنزل أتفرج على العربية.

بجد العربية بسم الله ما شاء الله وهمية على الطبيعة......يعنى أنا لسه قبلها بكام ساعة شايف فيرارى و بنتلى و مازيراتى و معلقوش فى دماغى بالمنظر ده.......ربنا يباركله و يكفيه شر الطريق.

دى شوية صور للعربية من على النت علشان اللى ميعرفهاش يعرفها......و عاوز أقولكم أنها على الحقيقة أحلى بكتير من الصور.