الحمد لله مشكلة الrpm أتحلت

**Dr_Essam** · 10-10-2010 03:58 PM

أولا" أحب أحيى أعضاء المنتدى الكرام اللى فعلا" الواحد أستفاد منهم كتير و علشان كده حبيت أنقلهم تجربتى فى حل مشكلة ال أر بى أم

المشكلة ببساطة هى أرتفاع عدد لفات المحرك مع فصل الحركة (الدوس على الدبرياج) وكان هذا الأرتفاع ما بين 1 وال2 -يعنى ماوصلش 4 و لأ حاجة زى مابعض الأعضاء أشتكوا.
المهم .. من شهرين تقريبا" قلت أروح مقار أعمل صيانة ال5000 و بالمرة أقلهم على المشكلة ... قابلت المهندس هانى و قالى هنظبطهالك و فعلا" اتظبطت يوم واحد بس و رجعت المشكلة تانى .بس مكنتش فاضى أروح تانى بعديها على طول ..روحتلهم تانى بعد شهر و قابلت المهندس عماد قلتله أنا جيت هنا قبل كده بسبب الأر بى أم و المشكلة ما أتحلتش .. قالى هاظبطهالك قلتله أنا سمعت أن فى فيشة بتتغير .. قالى لأ ...قلت لما نشوف ..و فعلا" المشكلة أتحلت...بس لمدة 3 ايام فقط و رجعت تانى زى الأول ..

من 10 أيام واحد صاحبى قالى روح مركز رابعة و هناك قابل المهندس شريف و قله على المشكلة .. قلت مش هاخسر حاجة و فعلا" قابلته و الراجل كان ذوق جدا" ... قلتله أنا عايز أعرف هو فى حل لمشكلة ال أر بى أم و لا لأ ... قالى أن شاء الله فى حل ..أحنا جبنا (كيت) جديدة من كوريا و دى اللى هنركبهالك .. قلت يا مسهل
دخلوا العربية لقسم الكهرباء و كانت المفاجأة أنى ممكن أدخل و أقف جنب العربية ( وده هيخلينى أعمل الصيانات اللى جاية عندهم أن شاء الله).. عملت أمر شغل و راح الفنى جاب الفيشة الجديدة و شفته و هو بيقص الفيشة القديمة - وهى ليها 3 فروع- و ركب الجديدة ... و الموضوع كله ماخدش ربع ساعة و مادفعتش و لأ مليم ...
و الحمد لله المشكلة أتحلت بس قلت أجربها الأول 10 ايام قبل ما أقولكم ...
كل اللى عنده المشكلة يروح مركز رابعة عند المهندس شريف و هو هيقوم بالواجب ..

و أسف على الأطالة

**gebreel** · 10-10-2010 04:06 PM

الف مبروك يا باشا

**ma7moudgad** · 02-09-2011 09:01 PM

طب لو سمحت ممكن حد يبعتلى عنوان المركز ده علشان عربييتى فيها المشكله دى وعايز اروح اعملها ولكم جزيل الشكر

**gebreel** · 02-09-2011 09:22 PM

ده في بنزينة موبيل اللي في شارع الطيران امام رابعة العدوية

**zidaneelwaly** · 03-09-2011 03:20 AM

انا عملت نفس القصه دي قولتيلهم عندي مشكله في الار بي ام هما بقا عارفين شغلوهم راحو شايلين الفيشه القديمه و ركبو االجديده مكانها و الحمد لله 6 شهور زي الفل

**marshal** · 09-09-2011 04:48 AM

' ممكن حضرتك تقولنا أسم الفيشة ايه بظبط وبتاعت ايه مكانها فين فى الموتور
عشان انا من اسكندرية ومش اقدؤ اروح القاهرة

**zidaneelwaly** · 12-09-2011 04:08 AM

اسم الفيشه ال تي بي اس و دي بتاعت الار بي ام و بتركب ورا الموتور لفوء كده

**Amrrr** · 19-09-2011 12:01 AM

بكام الفيشةدي؟ولا انت انت غيرتها في الضمان

-

-

الموضوع: الحمد لله مشكلة الrpm أتحلت

LinkBack

أدوات الموضوع

عرض

الحمد لله مشكلة الrpm أتحلت - انشر الموضوع فى :

-

-

-

-

المواضيع المتشابهه

لو الفكره دي نجحت تبقى مشكلة فرامل اللانوس أتحلت و ببلاش

مشكلة فى عداد الrpm والعربية بتسخن

مشكلة في عداد الrpm

مشكلة فى الrpm و لمبة check engine الصفرا

مشكلة تزبزب الrpm

الكلمات الدلالية لهذا الموضوع

المفضلات

المفضلات

ضوابط المشاركة