تحذير من أحمد عطيه:لا تشتروا سوني اكسبلود
الموضوع مش تحيز ولا عداء بدون معنى
و للعلم البيت كله عندي سوني من اول الmp3 لغاية شاشة برافا
و سوني رائعة للغاية داخل البيت
لكنها "زبااااااااااااااالة" خارجه
امبارح انتيمي حب يعمللي مفاجأة و هو بالمناسبة طول عمره في وضع "المتفرج" فيما يتعلق بالصوت
و ياريته ما عمل المفاجأة...
ركنت عربيتي و طبعا طفيت الdisco اللي عندي و سمعت من عربيته صوت
إز إز إز إز...!!!!
فسألته اذا كان حابس دبانة في الشنطة ولا دي حاجة من الشكمان
فلقيته بصلي بصة مرتابة و بدأ يعرق لما قلتله يفتح الشنطة
لقيته مركب صب سوني اكسبلود 1000 وات + جي ام 350وات 2تشانيل من غير ما يسألني!!
انتيم الكنج و ميسألش الكنج...هية دي السخرية الحقيقية!!
المهم اني مرضيتش ازعله و حاولت اظبت الفلاتر و الكاسيت و النتيجة كما هي
زبااااااااااااااااااااااا اااااااااااااااااااااالة
فانفجرت فيه بصراحة و قضيت 1\2 الخروجة الومه بشدة على الكارثة اللي عملها ب1000جنيه و بصراحة الصوت لا يمكن ان يكون اسوأ من كده
و ب1200جنيه كان ممكن اعمله حفلة في شنطة عربيته بدل الفلوس اللي اترمت على الأرض دي
و دي كانت القشة زي ما بيقولوا اللي قطعت اي محاولة لسوني لأقناعي بأنها تصلح لأي شيء في السيارة
قاطعوها "في العربية بس" مقاطعة اخوانا للمنتجات الدنماركية:D:D
و اي نظام يدخل فيه سوني من اي طرف انا غير مسؤول عنه ولا عن النتائج المرجوة منه
اللهم بلغت.....اللهم فاشهد
---------------------
تم تعديل العنوان
الإدارة4
