مبروك ياجماعة رجوع المنتدى من جديد وشكر خاص لكريم منير وكل من اجتهدوا فى سبيل تشغيل هذا المنتدى من جديد
مبروك يارجالة الهوندا وان شاء الله نعوض مجهود الشهر اللى وقع دة بسيطة جدا ان شاء الله ونرجع القسم فى احسن حال ويبقى احسن من الاول
عرض للطباعة
مبروك ياجماعة رجوع المنتدى من جديد وشكر خاص لكريم منير وكل من اجتهدوا فى سبيل تشغيل هذا المنتدى من جديد
مبروك يارجالة الهوندا وان شاء الله نعوض مجهود الشهر اللى وقع دة بسيطة جدا ان شاء الله ونرجع القسم فى احسن حال ويبقى احسن من الاول
حبيبى يا بو سمسم _واحشنى يا كبير
سمسم باشا اخبارك ايه ، والله الهنداوية كلهم وحشونا
الف مبروك
مبروك رجوع المنتدى تانى ، مع انى كنت مريحكم من استشاراتى يلا خدوا عندكم بقى يا هونداوية .
سمسم آهآآآآه يا سمسم جبتوا لنفسك ..... انت هتشوف ايام .......؟؟؟؟؟
حلوة انشاء الله .
ومن هذا المنبر احب اقوللللللللللللل وابعث شكرى الخاص بجد والله لسامح لأنه وقف جنبى فى تظبيطاتى للعربية عندى لدرجة انى كنت حاسس انى بظبطله عربيته هو .... وكنت بقوله اعمل ايه ومعملشى ايه لما زهقتوا لان المنتدى كان ساعتها واقع .
فله جزيل الشكر منى ،،،،
ألف مبروك رجوع المنتدى
الجديد عندي غيرت لزيت فيسكو 5000 و فعلا أنصح بيه كل الهونداوية لان زيت موبيل 1 جنبه زيت قلية :))))
ان شاءالله هركب سماعتين بايونير 460 وات بيضاوي 5 واي انهاردة و أقولكم أخبارهم ايه
مستني الجديد من كل الهونداوية الجامدين
حبيبى انت اللى واحشنى والله ووحشتنى ايام الحروب فى المقارنات فاهمنى طبعا :3mla:
هيثم باشا يارب تكون بخير وانا بخير الحمد لله وبقيت احسن لما المنتدى رجع تانى لانى بجد حسيت انى بعدت عن اخواتى
حبيبى يابو حميد يارب تكون بخير وياعم ماتقولش كدة احنا اخوات اهم حاجة نسمع صوتك ومش لازم عشان العربية
مبروك مقدما ياباشا
وشوف اخبار الزيت دة اية طالما قلبك طاوعك وجربتة لانى بصراحة مش مقتنع بية ومحدش جربة على الهوندا قبل كدة
سمسم باشا..
الف مبروك المنتدى وان شاء الله المواضيع بتاعت الشهر ده تتعوض باذن الله..
انا عارف اني متطفل على القسم ده بس انا من عشاق الهوندا وبحب اعضاء القسم المحترمين وان شاء الله هبقى هونداوي في اقرب فرصة...
ألف مبروك رجوع المنتدى بالسلامة
الزيت أنا من فترة حولت من شيل الى فيسكو 3000 ومافيش منه اى مشاكل لحد دلوقتى
السماعات يفضل تكون 400 وات تايلندى عشان الـ 460 وات صيني وتركب عليهم امبلفاير صغير زى الكينوود 350 وات
حبيبى يابو حميد يارب تكون بخير وياعم ماتقولش كدة احنا اخوات اهم حاجة نسمع صوتك ومش لازم عشان العربية
انشاء الله عن قريب انا كنت كلمت طارق من يومين وهنظبط ميعاد انشاء الله نجمع فيه الهونداوية الجامدين هنا .
أأأأه ده لان كل الهونداوية جامدين أوى هههههههههههه .
مبروك يا جماعة رجوع المنتدى ... وان شاء الله عن قريب اكون واحد منكم
حمدالله على سلامة السايت بجد والله كنت زعلان عشان الاعطال اللى حصلت وشكرا جدا لكل الشباب اللى ساهموا فى حل المشكلة من ادمنز ومديريتورز واعضاء وان شاء الله يفضل منتدى هوندا كبير ومليان موضوعات مفيدة
:10D5C8w1107:ياشباب الهوندا واجدع ناس
والله نفسى اشوفكوا جدا واتعرف عليكما
انا ان شاء الله تقدروا تقولوا كدة فضيت بنسبة 40% لان زى مانتوا عارفين بجهز الشقة ومطلعة عينى بس الحمد لله عملت المرحلة القبل الاخيرة وهية انى هبدأ فى تركيب السيراميك وعليها بقى شهر كدة ولا حاجة انتبهة لحالى شوية لانى بقالى شهرين من البيت للشغل للشقة, واحيانا من البيت للشغل للشقة للبيت للشقة تانى اكيد توهتوا معلش
ان شاء الله نجهز يوم كدة خلال الاسبوع القادم واى يوم Im READY ANY TIME
ونشوف كدة اقرب مكان يكون حيادى عشان محدش يتعب احنا بردة يهمنا راحة الاخوة الاعضاء , يبقى اتفقنا يارجالة خليها فى وسط البلد عشان انا ساكن هناك :Oc_sun1[1]: فاضل بقى نحدد الميعاد وان شاء الله مش هنختلف زى ماحددنا مكان المقبلة بسرعة جدا
مبروك رجوع المنتدي بالسلامة
واحلي تحية لكل رجالة هوندا
فعلا النت كان مضلم من غيركم
انا موفق على وسط البلد ومتهيألى انها هتكون مناسبة لطارق كمان ( مش كدة يا طرووق ) بس يكون المكان اللى هنتقابل فيه يتسع للعربيات بتاعتنا . ولوفى نصف الاسبوع يبقى بعد الساعة الرابعة علشان الشغل .
موافق ياعم الحاج
وعليا يمين وشمال كمان موافق
بس خلونا نخلص بقى
وياعم سمسم مش تقول طيب أنك بتوضب شقتك
ياعم ده إحنا ملوك المعمار (أنا فى الإداره الهندسيه للبنك )
عالعموم لو عايز أى حاجه أو إستشاره معماريه :3_3_102[1]:
أنا فى الخدمه
ولو عايز برضه حد يتابع الصنايعيه ويستلم منهم الشغل
أنا موجود أهه وببلاش متخافش :120105~352:
بعد ماتخلص بس هانبدل العربيات
طبعا موافق :3mla:
يا جماعة أنا معاكو في المقابلة ان شاء الله حددوا المعاد و قولولي
بالنسبة لزيت فيسكو فو ق الممتاز هنزلوا أول مرة على 15 ألف و بعدين 20 ألف ان شاء الله
يا جماعة السماعات منفعتش كان لازم تقطيع في الصاج و شغلانة فرجعتها
دلوقتي الحل البديل سماعات مدورة و عليها جي ام تنصحوني بايه و هل لازم أغير الكاسيت ولا لأ؟
أنا معايا حاليا حوالي 1000 جندي عايز أظبط بيهم أعلى حاجة في الصوت حتى لو حاجة في حاجة
انا كنت بهزر على فكرة على ميعاد المقابلة بس لو الاعضاء موافقين الاغلبية طبعا تكسب وطبعا هيبقى بليل شوية يعنى على الساعة 7 ان شاء الله او هنشوف ظروف كل واحد ونتفق على احسن مكان وميعاد ومتخافوش وسط البلد كلها اماكن فاضية اكيد انتوا عارفين
ياباشا ماتغلاش عليك حاجة
كنت فين من زمان انت جاى بعد مالشقة خلصت شايلك للتقيلة العفش بقى وعليك خير
تنور ياباشا وانا ان شاء الله هبعت رسالة خاصة لحضرتك بميعاد المقابلة ودة رقمى 0103088605 وياريت تبعتلى رقمك
طب انا عندى اقراح للجميع لو تسمحولى اقترحه عليكم ،،،، ايه رايكم نتقابل عند سوق السيارات فى فى اى وقت تحددوه وبعدها نطلع الربوة ( ده مكان جميل جداً والى هيسألنى هو فين .... ده بعد سوق السيارت اللى فى العاشر آآآخر زهراء مدينة نصر وبيطل على طريق السويس ويعتبر قريب من السوق ).
بس ملحوظة : لو هنتقابل فيه ابقوا تقلوا لحسن الجو فوق صواريخخخ . انا مرحتهوش من سنتين بس كان الجو هناك ابداع .
فاللى موافق على الاقتراح ده يقول ... هه موافقــــــــــــــــــة .
الف مبروك, بس هاحس اكتر برجوع المنتدي لما تعمل لنل كدة كام موضوع من بتوعك عشان الطاسة تتعدل.
و يا ريت لما تفضى تعمل موضوع تظبيط عفشة الهوندا تاني.
أزيكم يا شباب الهونداوية .
كلمتين على السريع كدة .
مبدأياً لحد ما سمسم يكلم الناس .
تقرر مكان اللقاء وميعاده وهيكون لرغبة الجماهير الغفيرة فى التحرير يوم الاحد اللى هوة بكرة أو الاثنين انشاء الله وهيكون فى حدود الساعة الثامنة مساءً .
اذيكوا ياشباب
بعد ماكلمت احمد امين انهاردة وتم الاتفاق مع اربع اعضاء اخرين على مكان وموعد المقابلة تم الموافقة وبالاجماع على وسط البلد يعنى اغلبية
وان شاء الله هتبقى المقابلة الساعة 8 امام كنتاكى اللى امام الجامعة الامريكية ودة عشان الناس اللى هتجيى بسيارات تقدر تقف وان شاء الله بالنسبة للمكان مافيش مشاكل لان فية مولات كتير وكلهم بجراجات وبردة اللى عايز يجى بالمترو هيبقى متاح يعنى المقابلة دية مش شرط عربيات احنا بنتقابل عشان نتعرف على الناس اللى زى العسل دية
وان شاء الله مبدأيا اللى هيكون موجود
( محمد معتوف - محمد حسن - محمود - حمدى - احمد امين - امين - طارق زين - محمد هونداوى - سامح ) وان شاء الله هكلم كام واحد كدة يمكن يقدروا يكونوا موجودين فى المقابلة
دة رقمى عشان لو حد عايز يعرف المكان اكتر 0103088605
ربنا يكرمك يا استاذ سامح..
والله كان نفسي اجي المقابلة بس للاسف عندي امتحان بكرة شفوي جراحة..
اصلا انا في 6 طب سوهاج , ان شاء الله المقابلة الجاية اكون خلصت امتحانات واكون موجود في القاهرة عشان اتعرف على كل الرجالة..
دعواتكو..