الموضوع: مش عارف أنام بسبب مشكلة جامدة جداً

السلام عليكم و رحمة الله و بركاته

لو كان الملف اتبعت فعلا , قوله هات , رقم و تاريخ الصادر عشان تروح المرور اللى أنت عمال تاخد منه تصاريح مؤقتة و تطلع عنيهم .

و لو مش لاقيين الملف فى الادراة الجديدة , ابعت شكوى باسمك على الادارة العامة للمرور اللى فى مدينة نصر و يا سلام لو تروح تسلم الشكوى بنفسك , هتلاقى الملف طلع من تحت الأرض .!!!!!

مازيراتى كواتروبورتيه

المشاركة الأصلية كتبت بواسطة falak

أشكرك يا أستاذمازيراتى
هم كتبوا لي على ظهر الاستعجال كالآتي بالظبط :
تم إرسال الملف إلى مرور حلوان بتاريخ 14 /11 / 2009
برقم ص ف ق 851
وهذه هي أرقام اللوحات المعدنية الجديدة بالفعل
لكن مش كاتبين رقم الصادر ده
كاتبين التاريخ فقط
والحاجة اللي مخلياني مش مطمن .. إن الكلام ده كان مكتوب عندهم في غلاف السجل ( على جلدة السجل الكبير )
مش مكتوب في السجل من جوه على أحد الأسطر زي باقي الملفات
لكن كان مكتوب كل بيانات السيارة مظبوط ( رقم الموتور والشاسيه )

السلام عليكم و رحمة الله و بركاته

مفيش أى مستند بتخرج من أى مصلحة حكومية و تروح أى مصلحة تانية الا ادا كانت متقيدة فى دفتر الصادر برقم معين فى المصلحة اللى خارجة منها و مفيش مستند بتخش أى مصلحة حكومية الا ادا كانت متقيدة برقم معين فى دفتر الوارد بتاع المصلحة الحكومية اللى ورد ليها المستند ده .

اطلب من المرور اللى بعت الملف حاجة واحدة بس و قولهم أنك عاوز الرقم ده عشان أنت لما روحت تشتكى فى الادارة العامة للمرور , قالولك هات رقم الصادر و تاريخه و عشان كده أنت رايحلهم عشان تاخد رقم الصادر و تاريخه و بعد ماتقول الكلام ده , اسكت و ماتقولش أى حاجة تانية , لااااااااااااااااااازم يديك رقم الصادر, دى مفيهاش هزار.

سيب الموظف يتكلم زى ما يتكلم و بعد مايخلص كلاااااااااااااااااااام , قوله, هات رقم الصادر و لا أنتوا بعتوا الملف من غير رقم صادر؟؟؟؟

مازيراتى كواتروبورتيه

المشاركة الأصلية كتبت بواسطة falak

أشكرك مرة أخرى يا أخي الكريم
إن شاء الله هاحاول أوصل لرقم الصادر ده
بس أنا جوايا سؤال وخايف من إجابته
لو لا قدر الله الملف ضاع
إيه العمل ساعتها ؟؟؟؟

السلام عليكم و رحمة الله و بركاته

اللى أنا أعرفه , أن ملف العربية لو ضاع مش هى دى المشكلة أدام معاك اللى يثبت أنه ضاع, لأن ملف العربية فى حد داته ليس الا شوية ورق بينضاف ليهم كل تجديد , شوية ورق تانيين .

أنا فاهم اللى حضرتك تقصده , أن لو الملف ضاع , يبقى العربية أصبحت بدون ملف, يعنى , ماترخص تانى , لأ , ماتخافش , أدام العربية معاك ليها رخصة و متقيدة على جهاز الكومبيوتر بتاع الادارة العامة للمرور, خلاص مش مشكلة و كمان أنت كل الورق و خطابات الاستعجال اللى أنت بتاخدها , صورها و صور أى ورق ييجى فى ايدك أدام عليه ختم و امضاء الموظف المصرى الأصيل بتاع أى من ادارتى المرور المعنيتين , الكلام ده فى أسوأ الأحوال لو الملف -لا قدر الله ضاع- لكن الغالب أن الملف لا ضاع و لا حاجة , غالبا هتلاقيه أدام اتبعت من سنة , أنه راح فعلا ادارة المرور اللى كان مبعوت ليها و هما هناك راكنينه فى أى مصيبة تاخدهم .

أهم حاجة , هات رقم الصادر بتاع الملف اللى اتبعت بيه و هما أصلا فى ادارة المرور اللى بعتت الملف , عشان ينجوا نفسهم , لازم يقولولك, الملف بتاعك طلع من عندنا يوم كدا برقم كدا ( رقم الصادر ) و وصل مرور الدقى يوم كدا برقم كدا ( رقم الوارد ) و بالتالى لو حصل للملف حاجة , اصبحت مش مسئوليتنا, اللى بيفصل فى الموضوع ده ايييييييييييييييييييييه ؟؟؟؟

رقم الوارد, لأن أى موظف بياخد الملف من مرور حلوان لمرور الدقى بيستلمه من الموظف بتاع الملفات اللى فى مرور حلوان برقم صادر عشان يخلى مسؤولية بتاع الملفات اللى فى مرور حلوان و بعد كده يحط الملف تحت باطه و يمشى لحاااااااد مرور الدقى , يسلمه هناك , طاب ايه اللى يثبت أن الملف اتسلم هناك فى مرور الدقى و أن الموظف اللى كان بينقله ماضيعهوش؟؟؟؟, أن الموظف بتاع الملفات اللى فى مرور الدقى بيمضى للموظف -اللى كان شايل الملف تحت باطه عشان يوديه مرور الدقى- بأنه استلمه منه و يعطيه الرقم اللى الملف اتورد بيه فى أرشيف الملفات بتاع مرور الدقى و بالتالى , يبقى الموظف اللى كان بينقل الملف من حلوان للدقى , أصبح خالى المسئولية و أصبح الملف مسئول من موظف الأرشيف بتاع ملفات مرور الدقى .

هناك احتمال من 3 لا رابع لهم :

1 - أن الملف أصلا ماخرجش من مرور حلوان طالما أن ليس ليه رقم صادر و الحاجة الوحيدة اللى تعتق الموظف بتاع أرشيف الملفات فى حلوان ان يقولك رقم الصادر أهوه يا باشا .

2 - أن الملف خرج من حلوان و ماوصلش الدقى و ده هيبقى مسئولية الراجل اللى كان بينقل الملفات و الحاجة الوحيدة اللى هتعتق الراجل ده, أن يقولك ,لا يا باشا , انا مورد الملف برقم كدا و بتاريخ كدا فى أرشيف الملفات اللى فى مرور الدقى .

3 - و ده الاحتمال الأرجح , أن الملف وصل مرور الدقى فعلا لكنهم راكنينه فى أى مكان هناك و ده هيثبت بحاجة واحدة , أن يكون هناك رقم صادر و رقم وارد.

أدام الملف اتصدر من أكتر من سنة, يبقى لازم يكون مكتوب فى الدفاتر رقم الصادر اللى بيه الملف طلع من حلوان و رقم الوارد اللى بيه الملف اتورد فى الدقى لأنه مش هياخد أكتر من سنة عشان يتنقل من حلوان للدقى.

الأهم , أنك تجيب على الأقل رقم الصادر .

مازيراتى كواتروبورتيه

المشاركة الأصلية كتبت بواسطة falak

إن التصاريح خلاص اتلغت
وإن يحق ليا أن استخرج ترخيص على طول

السلام عليكم و رحمة الله و بركاته

ان شاء الله يكون الكلام ده صحيح و تطلع ترخيص عالطول من غير ماتضطر أنك تطلع تصاريح تانى .

أصل فعلا , موضوع التصاريح ده مقرف , كفاية أنى كنت بضطر أروح مرور الدقهلية عندنا هنا فى المنصورة كل 6 شهور .

المفروض يخلوا الفحص و التجديد كل 20 سنة , هما مفكرين الناس بتحب تروح المرور , هما مايبصوش لنفسهم فى المراية و لا ايه !!!!

ان شاء الله , ربنا ييسر الأمور و المشكلة تتحل يوم السبت الساعة 8 الصبح و ربنا قادر على كل شئ .

مازيراتى كواتروبورتيه