نشكر ربنا العربية مشتغلتش اليوم
وهروح اوديها للميكانيكى
انا كلمتة قالي نجيب بوجية 3 شمعة ب 65 جنية
اة رايكم يا شباب
عرض للطباعة
نشكر ربنا العربية مشتغلتش اليوم
وهروح اوديها للميكانيكى
انا كلمتة قالي نجيب بوجية 3 شمعة ب 65 جنية
اة رايكم يا شباب
معلش استحملوني في اسالتي
1 سعر طقم البوحيهات اليباني
2 سعر الابلتين والكوندنسر
3 فلتر هواء وبنزين
4 سير الدينامو والكاتينة
واسف علي كتر الاسألة
واضح جدا ان الميكانيكي بتاعك مفتي طحن ومابيفهمش كمان. البوجيه الـ 3 شمعة ده مايركبش لأي عربية ولو ركبته عندك هيبرجل العربية ومش هتبقى مضبوطة وهتبقى زودت مشكلة جديدة لمشاكلك. انا بقول كده عن تجربة ... الميكانيكي بتاعي زمان افتى وخلاني ركبتهم في العربية القديمة وخلاني احلم بالسحب الجبار والأمركة وتوفير البنزين الخرافي. طبعا الكلام ده كله طلع كلام فارغ والعربية سحبها بقى زي الزفت وبقت بتغيب في الدوارة وبتنتش وهي ماشية وبتضرب مدافع كمان. وديها عند ميكانيكي تاني يكون بيفهم وخليه يراجع على طريقة تركيب سير الكاتينة ووش التقسيمة لأن غالبا هتكون دي سبب مشاكلك كلها وبالمرة يراجع على الشغل اللي عمله الميكانيكي ده.
نصيحة اخ اطلع بيها التوكيل احسن
احنا ل الاسف كلنا هنا مقدرناش نرجح حد عدل يعرف يشتغل فى الماروتى وكل الناس بتشتكى من كهربة الماروتى لو حد لعب فيها وزى ما حازم قالك فى سيور بتتغير على 40 الف ولما كنت فى التوكيل اخر مرة قالى هنغير سير كاتينة على 45 الف
وبصراحة حرام عليك تسيب العربيى لحد الرقم ده من غير اى صيانة
فتاي كبييييييير واوعى تسمع كلامه هتبهدلك الدنيا لان الشعله هيا هيا بتطلع من الموبينا وهتتقسم في كل بوجيه على 3
غير الميكانيكي فورا فورا فورا
طقم البوجيهات الان جي كي بتوعها ب 25
مش عارف سعر الابلاتين والكوندنسر
فلتر الهوا ب 10 المصري والاصلي كان حد قال في التوكيل ب 40
فلتر البنزين ب 10 جنيه تايواني والياباني ب 20 والمصري ب 5
السيور مش عارف
واحنا تحت أمرك في الاسئله
واسمع كلامي واياك تروح للميكانيكي ده تاني والله اعلم هوا غير سير الكاتينه فعلا ولا لأ لانه جوا جيب محفوظ فلو اداك القديم يبقى غيره لو مداهولكش يبقى حضرتك تروح تاكله بايديك الاتنين وسنانك وتدوس عليه برجلك ولو محتاج مساعده اجيلك افتحله بطنه
هههههههههههههههههههههههه
تحياتي
انا عندى مشكلة مشابهه اليومين دول بس طلعت المشكلة فى الابلاتين
جرب كدة و غير الابلاتين و شوف ايه اللى هيحصل مبلغة مش كبير بس ممكن يحل لك مشكلة كبيرة
تأخير الدوارة وتقطيع العربية إما لان العربية مأخرة كهرباء او لان الميكانيكى ركب سير الكاتينة مرحل
لو مأخرة كهرباء فالأمر سهل لأقصى درجة ولا يستغرق سوى 3 دقائق عمل وممكن تعملها بايدك وباستخدام مفتاح 12 فقط، تهوى صامولة كونتر السبراتير وتلف بدن السبراتير كله هبابة (هبااااااااااااااااابة، اللى هى بتاعة احمد بدير فى مسرحية ريا وسكينة ) فى عكس اتجاه عقارب السعة وبعدين ترجع تربط الصامولة تانى ، لو ده حل معاك المشكلة يبقى العربية كانت مأخرة كهرباء وخلاص، لو محلش المشكلة لحد آخر مجرة صامولة كونتر السبراتير يبقى عندك مشكلة فى سير الكاتينة ودى لابد لها من مراجعة ميكانيكى فاهم وامين او فى التوكيل لأنها من الصعب التعامل معاها تحت البيت , ومع ذلك فطريقة مراجعة سير الكاتينة علشان لو عايز تقف على دماغ الميكانيكى هى ان طارة عمود الكامة بيكون فيها علامة عادة بتكون على شكل زنبة( حاجة زى بروز فى سمك عود الكبريت وطوله مللى او اتني) وفارغة (علبة) عمود الكامة بيكون فيها زنبة مماثلة، مفروض نجيب الزنبتين قصاد بعض (باليد) ونرفع المكبس رقم 1 الى أقصى وضع له(إما باستخدام المارش او بتعشيق السيارة على الرابع وهى مبطلة ودفعها ومتابعة حركة المكبس من خلال دفع مفك من فتحة البوجيه حتى يصل لأعلى وضع له، ويتم التركيب على هذا الوضع
بالمناسبة إوعى تركب بوجيهات 3 شمعة فى الماروتى
ركب لها إن جى كيه شمعة واحدة المخصص لسيارات الكاربراتير (بدون مقاومة داخلية- لا يوجد فى رقم التصنيف الخاص به حرف آر الانجليزى) أو ما يماثله من الماركات الأخرى زى دنسو أو بوش أو شامبيون
انا رجعت للميكانيكي بالعربية بس بعد ما سايستها علشان اعلرف امشي
ورجعنا علب كل حاجة جديدة ركبت
لغاية ما شلنا الكوندنسر (هو عبارة عن حديدة مغلقة طالع منها سلك واحد فقط
وحطيت القديم العربية حالها اتغير كانك مش مدور العربية
مفيش هز مفيش تقطيع كلة كويس والدوارة كمان
بس حسيت ان السحب كش قوي
المهم ام الكوندنسر مدموغ علية صنع في اليابان
ولركبت القديم
سبعاوي بيك
ياريت تقولي رقم بوجيهات الان جي كي بالتحديد المناسب للماروتي وجزاك الله عنا خير الجزاء
تحياتي