بمناسبه رجوع المنتدى -ارخص و اسهل تعديل -

السلام عليكم ورحمة الله وبركاته

الاول حمد لله على رجوع المنتدى

تاني حاجة لو فاكرين كنت عملت الموضوع ده قبل ما المنتدى يقع و ماكنتش حطيت الصور و كتير طلبوا الصور فجهزت الموضوع ده عشان نستفيد كلنا

الاول دي بداية الفكره
http://www.nilemotors.net/Nile/186086-a.html

تاني حاجة الفكره باختصار
هانعدل ميعاد الشراره و كميه البنزين اللى داخله

اللى بتحكم في ميعاد الشراره هوه الكونترول و ده بناءا على قراءه حساس الهواء اللى راكب على خرطوم العمه
و ده اسمه Intake Air Temp. IAT
وفيه في عربيات تانيه و اسمه Mass Air Flow MAF

طيب
ايه وظيفه الحساس ده

http://img33.imageshack.us/img33/4127/capturezl.jpg

زي ما هوه مكتوب في كتالوج النوبيرا مسئول عن توقيت الشراره

طيب هوه عباره عن ايه الحساس ده
ده عباره عن مقاومه حراريه
يعني قيمه المقاومه بتتغير حسب درجة الحراره

يعني مثلا كل ما كانت درجة الحراره ابرد كل ما كانت المقاومه كبيره و بتالي يتم تقديم ميعاد الشراره
يبقى توقيت الاشعال بيتقدم كل ما الهواء اللى داخل بيكون ابرد

طيب هانعمل ايه

هانخدع الكونترول بتاع العربيه و نقوله ان الهواء اللى داخل بارد عشان يقدم توقيت الاشعال + تزويد كميه البنزين

الطريقه بسيطة جدا و مش مكلفه اطلاقا

هانجيب مقاومه عاديه اللى جبتها كانت حوالي 9 كيلو اوم و بكده الكونترول يعتقد ان الهواء اللى داخل درجه حرارته 0 درجه سيليزيه

دي صوره المقاومه
http://img823.imageshack.us/img823/2070/001pls.jpg


دي قيمتها على الاوميتر
http://img100.imageshack.us/img100/7043/002sdl.jpg


لحمتها بسلك عشان اعرف اركبها في الفيشه
http://img823.imageshack.us/img823/9867/003vys.jpg


ده حساس الهواء راكب على الخرطوم من العمه للمانيفولد الوضع الطبيعي للعربيه
http://img132.imageshack.us/img132/9159/004uem.jpg


دي الفيشه بعد ما اتشالت من الحساس
http://img196.imageshack.us/img196/5350/005nwt.jpg


دي المقاومه و هيا واصله مكان الحساس
http://img34.imageshack.us/img34/6361/006rnl.jpg

http://img140.imageshack.us/img140/4938/007iq.jpg


طبعا انا جربت الموضوع ده من اكتر من شهر
و النتيجة
التسقيف مافيش نهائيا
الاداء في الاول كان عادي لكن في الايام دي و مع الجو البرد ده و الهواء اللى داخل فعلا بيكون برد العربيه آداءها اتحسن كتير جدا
استهلاك البنزين داخل البلد يعني من 6 ل 8 كيلو
استهلاك البنزين في الطرق السريعه 16 كيلو

طبعا الموضوع ده للي عايز يجرب بنزين 80 مع اي عربيه
و برده لازم كل واحد ياخد باله لو هايجرب ان مش كل العربيات الحساس بيكون زي ده
ممكن يكون واصل داخل فيشه حساس الماف مثلا زي التويوتا كورولا

فى الاول احييك على الفكرة و هو طبعا الموضوع مغرى انى اجربه بس انا عندى رأى و هو ان العربيات معموله انها تدى احسن اداء ليها عند درجة حرارة معينه و اكبر دليل على دة العربيه الاوبل
اللى اقصدة ان مش معنى انى حسست ان الكونترول يونت ان الحرارة قليله يبقى الاداء هيزيد و لو حصل فممكن يكون على حساب حاجة تانيه اهمها ان الموتور هيكون شغال تحت ضغط اغلب الوقت عشان يوصل لدرجة حرارته المثاليه الكلام اللى عمرة ما هيحصل طول ما المقاومة محطوطة

محمد باشا اهلا بيك

لاء انا قصدي غير مانت فاهم

اللى اقصده ان الكونترول بيعتمد على درجة حراره الهواء اللى داخل من فلتر الهواء - عشان كده الحساس ده على الخرطوم قبل المانيفولد - مالوش علاقه بدرجة حراره المكنه و اللى بيتم قرائتها عن طريق الترموستات

بس في حاجة:
حضرتك خدعت كمبيوتر العربية ولو عرف هيبهدلك ههههه

بهزر معاك..

بجد حضرتك خدعت كمبيوتر العربية وقولتله ان الهوا بارد تمام..
الكمبيوتر على اساس كده بيظبط توقيت الاشتعال تمام..
في الحقيفة الهوا مش بارد يعني بيحتوي على كمية اوكسجين اقل من اللي الكمبيوتر ظبطها في حساباته على المقاومة اللي حضرتك ركبتها...

مش عارف النتيجة هتكون ايه بس اعتقد الافضل تسيبه زي ما هو...

شكرا على نقل التجربة...

اقتباس:

---

المشاركة الأصلية كتبت بواسطة bedo13

بس في حاجة:
حضرتك خدعت كمبيوتر العربية ولو عرف هيبهدلك ههههه

بهزر معاك..

بجد حضرتك خدعت كمبيوتر العربية وقولتله ان الهوا بارد تمام..
الكمبيوتر على اساس كده بيظبط توقيت الاشتعال تمام..
في الحقيفة الهوا مش بارد يعني بيحتوي على كمية اوكسجين اقل من اللي الكمبيوتر ظبطها في حساباته على المقاومة اللي حضرتك ركبتها...

مش عارف النتيجة هتكون ايه بس اعتقد الافضل تسيبه زي ما هو...

شكرا على نقل التجربة...

---

كل الحكاية هايقدم توقيت الاشعال
و هايزود كميه البنزين اللى داخله
وبجد فرقت في الاداء
و ان شاء الله هاعمل تجربه من 0 ل 100 في الحالتين عشان اثبتلكم فرق الاداء بس الاقي وقت بس و مكان اعرف اجري فيه

انا معاك في قصة الهواء الباردة (او زيادة الشرارة ) بس مش بالطريقة دي لان زي ما قال bedo13 ( عبد الرحمن ) نسبة الاوكسجين اللي الكمبيوتر بيقراها بتكون غلط ودي ممكن ميكنش ليها تاثير في اليومين دول او البرد لاكن يكونلها تاثير في الحر والصبف وكمان السفريات الطويلة ------- دا مجرد رأي

جربتها يامحمد من كذا سنة وعلي نوعين مرة الألفا روميو والتانية كانت علي 535 والنتيجة كانت غير مرضية ليه!
-شوية الأداء تحفة نتيجة أنها تصدف أن الجو كدرجة حرارة وضغط جوي متوافق مع التعديل
-ده غير النتيجة مابتبقاش مرضية وثابتة لأ بتختلف حسب السرعة والتحميل علي الموتور والتوب أسبيد
-عايزها تظبط معاك شوية تبقي مقاومة متغيرة بتتحكم فيها بمفتاح من عندك في التابلوه
علي فكرة ممكن المقاومة تركب علي حساس الميه
المقاومة دي بقالها كذا سنة بتتباع علي الأيباي وحصل عليها جدال جامد ألي يقول كويسة وألي يقول مجرد نصب

أنا رأي بلاش أحسن والبديل شيباية بتركب علي كمبيوتر العربية بتظبط الموضوع بطريقة متوازنة حسب الأداء ألي أنت عايزه (توب سبيد ولا تسارع)
علي الله ماكنش طولت عليكم

هاقولك علي فكرة ياباشا ممكن تعملها علي المقاومة ألي عندك
مفتاح كهربا 3 تكة وتخلي فردة ديركت وفردة بتعدي علي المقاومة الأول
عايز تشغل المقاومة أو تفصلها في أيدك

http://shop.ebay.com/i.html?_nkw=car+performance+chip&_sacat=0&_odkw=ca r+chip&_osacat=0&
_trksid=p3286.c0.m270.l1313

وده لينك للأيباي

ودي الشباية للبي أم ومشاكلها أقل لأنها بتغير في مخ الكمبيوتر نفسه

bmw performance chip items - Get great deals on eBay Motors items on eBay.com!

اقتباس:

---

المشاركة الأصلية كتبت بواسطة otefa

جربتها يامحمد من كذا سنة وعلي نوعين مرة الألفا روميو والتانية كانت علي 535 والنتيجة كانت غير مرضية ليه!
-شوية الأداء تحفة نتيجة أنها تصدف أن الجو كدرجة حرارة وضغط جوي متوافق مع التعديل
-ده غير النتيجة مابتبقاش مرضية وثابتة لأ بتختلف حسب السرعة والتحميل علي الموتور والتوب أسبيد
-عايزها تظبط معاك شوية تبقي مقاومة متغيرة بتتحكم فيها بمفتاح من عندك في التابلوه
علي فكرة ممكن المقاومة تركب علي حساس الميه
المقاومة دي بقالها كذا سنة بتتباع علي الأيباي وحصل عليها جدال جامد ألي يقول كويسة وألي يقول مجرد نصب

أنا رأي بلاش أحسن والبديل شيباية بتركب علي كمبيوتر العربية بتظبط الموضوع بطريقة متوازنة حسب الأداء ألي أنت عايزه (توب سبيد ولا تسارع)
علي الله ماكنش طولت عليكم

---

اقتباس:

---

المشاركة الأصلية كتبت بواسطة otefa

هاقولك علي فكرة ياباشا ممكن تعملها علي المقاومة ألي عندك
مفتاح كهربا 3 تكة وتخلي فردة ديركت وفردة بتعدي علي المقاومة الأول
عايز تشغل المقاومة أو تفصلها في أيدك

http://shop.ebay.com/i.html?_nkw=car+performance+chip&_sacat=0&_odkw=ca r+chip&_osacat=0&
_trksid=p3286.c0.m270.l1313

وده لينك للأيباي

---

والله يا بشمهندس سعيد بمشاركتك و رايك

بس انا بجد حاسس بفرق في الاداء و التسارع عن الاول يمكن عشان الجو و الهواء كده كده بارد

و استهلاك البنزين مازادش ولا حاجة

الله يخليك يابيه..........نتنفس شوية بقه بعد زنقة الساحة المؤقتة ههههههههه
ماهو بيفرق ده أكيد ياباشا طالما مختار مقاومة مناسبة
بس هاتلخبط معاك في الصيف في الأغلب لأن زي ماوضحوا الجماعة أنت بتضحك علي الكمبيوتر وبتفهموه أن العربية باردة فا بيضخ بنزين زيادة عن طريق البالث ويدث للرشاشات وده هايعمل مشاكل في الأغلب في الحر الجامد

طب ما بدل ما نحسس الكومبيوتر ان دخله هواء بارد نديله هوا بارد بجد الحكايه كلها فلتر سبور و ماسورة استانلس و خلص الكلام.
هو طبعا فكرة التعديل كويسه و تستحق التجربه خصوصا ان النوبيرا الاتوماتيك سحبها مش قد كدة و الواحد نفسه ان العربيه تفوق شويه بالذات فى الطلعة.

احييك على الفكرة دى

الموضوع حلو بس عايز دقة فى التنفيذ

الناس اللي بتهاجم

ما الكلام ده موجود في الاسبراتير العادي في العربيات القديمة وكان بيعتمد علي تقديم وتأخير الشرارة

قبل الحسسات والكمبيوتر

والعربيات ده عاشت مواتيرها 30 و 40 سنه ومحصلش مشاكل

زي المرسيدس المعدلة والبيجو 504 والفيات القديم والادا

ولا حد عنده راي تاني

اقتباس:

---

المشاركة الأصلية كتبت بواسطة mohamed_rhem

الناس اللي بتهاجم

ما الكلام ده موجود في الاسبراتير العادي في العربيات القديمة وكان بيعتمد علي تقديم وتأخير الشرارة

قبل الحسسات والكمبيوتر

والعربيات ده عاشت مواتيرها 30 و 40 سنه ومحصلش مشاكل

زي المرسيدس المعدلة والبيجو 504 والفيات القديم والادا

ولا حد عنده راي تاني

---

أنت جاوبت علي نفسك بتفدم وتأخر حسب الأحتياج الفعلي للموتور
أنما ألي بنتناقش فيها المقاومة الثابتة وليست متغيرة
قدرت تخليها متغيرة حسب الظروف التشيغلية خير وبركه وده ألي بتعمله الشبية ألي بتيجي جاهزة وتركب علي الكمبيوتر
أتمني تكون وضحت الصورة

اقتباس:

---

المشاركة الأصلية كتبت بواسطة otefa

أنت جاوبت علي نفسك بتفدم وتأخر حسب الأحتياج الفعلي للموتور
أنما ألي بنتناقش فيها المقاومة الثابتة وليست متغيرة
قدرت تخليها متغيرة حسب الظروف التشيغلية خير وبركه وده ألي بتعمله الشبية ألي بتيجي جاهزة وتركب علي الكمبيوتر
أتمني تكون وضحت الصورة

---

حضرتك فاهم الموضوع غلط

احنا بنظبطها مرة في الصيف ومرة في الشتا

بتبقي عن طريق مفتاح 10 وبنلعب في توقيت الشرارة

بس كده يعني مش كل يوم ولا حاجه

عموما التعديل مفيد في الشتاء للي عايز يجرب

اقتباس:

---

المشاركة الأصلية كتبت بواسطة mohamed_rhem

حضرتك فاهم الموضوع غلط

احنا بنظبطها مرة في الصيف ومرة في الشتا

بتبقي عن طريق مفتاح 10 وبنلعب في توقيت الشرارة

بس كده يعني مش كل يوم ولا حاجه

عموما التعديل مفيد في الشتاء للي عايز يجرب

---

حضرتك مابتتكلمش غلط بس الصورة عندك مش مكتملة
حتي في النظام القديم فيه تايمنج كونترول بيتغير علي حسب التحميل علي الموتور والضغط الجوي عن طريق الفاكيوم لمانيفولد Air Intake Manifold وطبعا ليس بكفائة وحساسية أنظمة الأنجكشن الحديثة

Setting the correct ignition timing is crucial in the performance of an engine. The ignition timing affects many variables including engine longevity, fuel economy, and engine power. Modern engines that are controlled by an engine control unit use a computer to control the timing throughout the engine's RPM range. Older engines that use mechanical spark distributors rely on inertia (by using rotating weights and springs) and manifold vacuum in order to set the ignition timing throughout the engine's RPM range

نرجع بقه لموضوعنا لو تم أستعمال مقاومة ألي بيحصل أن الكمبيوتر بيشوف أن الهواء أبرد أو درجة حرارة الموتور أبرد حسب مكان السينسور ألي نويت تركب عليه المقاومة وبالتالي الكمبيوتر هايدي أمر للرشاشات بزيادة الفترة ألي بتفتح فيها لتوفير بنزين أكتر للحريق(ماهو الكمبيوتر فاكر العربية باردة=زيادة في البنزين ألي أن تصل لدرجة الحرارة المظبوطة) ودي علاقة مباشرة وخصوصا في حالة توصيل المقاومة علي الكولانت سينسور.....نفس المبدأ و الحكاية علي سينسور الهواء بس بلفة شوية.
طيب أيه الضرر السريع ألي هاتشوف نتيجته بسرعة!...........البوجيهات هاتكربن(هاتهبب) بسرعة والشرارة هاتتأثر ......وألخ من المشاكل المتتابعة للموتور.
ماهو أصل المهندسين ألي صمموا العربية تعبوا قوي لغاية ماوصلوا للتوازن مابين الأداء ومراعاة تلوث البيئة وعمر الموتور
الأمثل.

بس يا بشمهندس ماعتقدش ان كده هايبقى فيه ضرر على الموتور لما نظبط التوقيت بتاع الشراره عشان اللى بيستخدم بنزين 80

اقتباس:

---

المشاركة الأصلية كتبت بواسطة m.zaher

بس يا بشمهندس ماعتقدش ان كده هايبقى فيه ضرر على الموتور لما نظبط التوقيت بتاع الشراره عشان اللى بيستخدم بنزين 80

---

مش فاهم ممكن توضح أكتر ياباشا

اقتباس:

---

المشاركة الأصلية كتبت بواسطة otefa

مش فاهم ممكن توضح أكتر ياباشا

---

اللى اقصده يا بشمهندس
ان لما نعدل المقاومة اللى بيقراه الكونترول علشان تكون كبيره فالبتالي هايقدم توقيت الشراره و بالتالى مع استخدام البنزين 80 كل ما التوقيت اتقدم التسقيف راح كانك بتظبط الاسبراتير بتاع العربيات القديمة
مع الاخذ في الاعتبار ان الكونترول مابضخش بنزين اعتمادا على قراءه حساس الحراره بس فيه حساس الماب و حساس البوابه و حساس الاوكسجين

توقيت الشرارة ليه علاقة مباشرة مع الكام والكرانك سينسور والنوك سينسور كمان
ألي بيتأثر ببرودة وكثافة وحجم الهواء وحرارة الميه الأنجكشن سيستم

امممممم أنا عندي سؤال
حضرتك كده بدلت المقاومة المتغيرة علي حسب درجة الحرارة بمقاومة ثابته تمام...
طبعآ كمبيوتر العربية بالتالي هايزود نسبه البنزين إللي بيضخها ويقدم معاد الشرارة صح?...
السؤال هنا بقي كل ده ليه?
علشان تزود أداء العربية مع البنزين العادي "قصدي 90 أو 92"?
ولا علشان تستخدم بنزين 80 فالعربيات الجديدة علشان الموتور مايسقفش?
سؤال غبي مش كده بردو? :))
وبالنسبه للحساس
إحم.... أنا معنديش حساس هواء أصلآ فالبومة :) تقريبآ شغالة بالبركة

اقتباس:

---

المشاركة الأصلية كتبت بواسطة xander2010_evo

امممممم أنا عندي سؤال
حضرتك كده بدلت المقاومة المتغيرة علي حسب درجة الحرارة بمقاومة ثابته تمام...
طبعآ كمبيوتر العربية بالتالي هايزود نسبه البنزين إللي بيضخها ويقدم معاد الشرارة صح?...
السؤال هنا بقي كل ده ليه?
علشان تزود أداء العربية مع البنزين العادي "قصدي 90 أو 92"?
ولا علشان تستخدم بنزين 80 فالعربيات الجديدة علشان الموتور مايسقفش?
سؤال غبي مش كده بردو? :))
وبالنسبه للحساس
إحم.... أنا معنديش حساس هواء أصلآ فالبومة :) تقريبآ شغالة بالبركة

---

هوه في الاول فكرت فيه عشان حكايه الاداء لكن الكونترول بيظبط البنزين بناءا على قراءات حساسات تانيه
فالاستخدام الامثل دلوقتي للمقاومه دي عشان تقدم الشراره عشان التسقيف

ومعتقدش ان عربيتك مافيهاش الحساس ده ممكن تلاقي عندك حساس الماف