انا استلمت الايفو من 3 اسابيع و احب اقولك ...مش هاتندم لو جبتها
بالنسبة للكاسيت في pk1 هو نفسه في pk2 ....بيشغل سي دي و MP3 ده غير طبعا انك ممكن تشغل الااغاني من فلاشة تتوصل علي العربية علي طول
بالنسبة للازاز ...للاسف مفيش وحدة رفع للازاز الكهربا اللي قدام يعني ما ينفعش تقفله بعد ماتنزل من العربية....كانت عندي الخاصية دي في السبيرانزا و بصراحة مش ضرورية قوي...كنت باعملها مع بنتي (3 سنين) زي لعبة...اسيب الازاز مفتوح و بعد ما ننزل من العربية اقولها قولي اقفل بصوت عالي و اروح قافله بالرموت و هيا فاكرة ان العربية سمعت كلامها
الفرق بين pk1 ,pk 2
فاميه خلفي
جنوط مختلفة
مثبت سرعة
بلو اند مي وده افضل ما في العربية لانها تعتبر جيل جديد من العربيات المزوده ببرنامج معمول حصري لفيات من مايكروسوفت...البلو اند مي بيسمحلك تتحكم في الاغاني اللي شغالة و اجراء المكالمات من خلال ازرار في الدركسيون او عن طريق voice control
يعني ممكن تقول وانت سايق تقول...Call wael .... تلاقي وائل بيقول الووووووو...و انا شخصيا شايف ان الخاصية دي مش رفاهية وبس لا ده امان زيادة لك لان مكالمات الموبايل من اكبر اسباب الحوادث
نصيحة مني لك و قلتها قبل كده ....هات pk2 لان الكماليات الزيادة دي تستاهل ال 9 الاف جنيه الزيادة...لو مش معاك استني شوية او استلفهم لان حرام تحرم نفسك من التكنولوجيا و الرفاهية دي
المفضلات