بس الله يكرمك بلاش القهوة اللي بنقعد عليها دي
هي حلوة جدا وكويسة ونظيفة بس زحمة جدا ودوشة جدا
والكرنة هناك مش بطالة
عرض للطباعة
طيب بصوااا حاجة جامدة جيدا قهوه اسمها برونتو فى احمد عرابى المهندسين تشيل العدد الكبير ان شاء الله بس مش عارف اية نظام الركنه
ما فيه بحة فى امبابة
وكدة قريبة من اكتوبر
الله ينور عليك يا احمد بيك...
المعلومه دى سمعتها برضو امبارح.......ان فى بحه فى شارع ترعه السواحل...قبل المحكمه بس مش متأكد اذا كان كويس واذا كان يستوعب عددنا وفيه مكان للجلوس اصلا....
فنخلينا فى السيده أأمن..
طب بما اننا برضو فى مجتمع ديموقراطى..ولازم ناخد رأى بعض....
فخلاص...نقفل باب المناقشه والاقتراحات وهنعمل حاجه حلوه...
ايه رايكو....
اول حاجه هنتقابل امتى؟
الاجابه...
بما ان الاسكندرانيه هيتحركوا على 4 يبقى هيوصلوا القاهره على 7 وبالتالى وقت التجمع فى حدود 8..
المكان السيده زينب....
هنقعد فين بعد ما ناكل السمين ونضرب القنابل...
محدش له دعوه بالموضوع ده.....
انا بس محتاج حد يكون يعرف مكان بحه...ويضحى بساعتين من وقته...نتقابل ونتعرف على المنطقه ونشوف القهوه اللى قال عليها حبيبنا ابو صلاح...ليالى الحلميه ومكان الركنه ومفيش مانع نشوف كمان المسمط اللى قال عليه الحاج احمد ونظبط الظبابيط...
وإن شاء الله الثلاثاء اجازه وفاضى طول اليوم...
ها؟...
مين قال جى معاك..؟
طيب هو المسمط اللي الحاج احمد قال عليه ده في الحسينيه
روحوا شوفوا بقي الكلام حيمشي ازاي هناك
وفيه ايه يتعمل
ولو العمليه مكلكعه منكم
ممكن تلغوا بند الاكل خالص وتشوفولنا قهوه نقعد عليها بدل ما انتم محتاسين كده
الفكره الجايه اننا نلغي بند القهوه كمان ونقعد علي الاسفلت
ههههههههههههههههههههههههه هههههههههههههههههههههههه
خليكم محتاسين كده علشان تعرفوا قيمتي
ياعم هى حترسى فى الاخر على القعده فى البوابات مهو بيقولولك خلينا فى اكتوبر عشان تبقو قريبين وانتو مروحين غلى اساس اننا حنروح الساعه 9 مش الفجر والدنيا فاضيه
شويه شويه الموضوع حيقرب لحد ميوصل للبوابات اصبر وانت تشوف
شنورى حضر الشيشه بتاعتك وهات كام كرسى وانا حجيب عده الشاى وكام كرسى تحسبا لاى ظروف انت شايف الموضوع مش مطمئن خالص
والله فكره كويسه وعملناها فى مقابله فى اسكندريه قبل كده
بس مش حينفع لان الموضوع متراقب وفيه ناس مستنيه تعرف احنا حنقعد فين وتيجى على طول على هناك
فلازم نعلن عن مكان القعده قبل يوم الاربع على الاقل عشان الناس كلها تعرف
أبو صلاح باشا أخبارك إيه
بص يا سيدى هو فى أكتر من مكان لكن أنا بعتقد إننا لازم نركز على إن المكان يكون بعيد عن مصر الجديدة أو مدينه نصر على الرغم من توافرأكتر من مكان ويستوعبنا كعدد وبالعربيات كمان .
لكن متنساش إن المقابله يوم الخميس يعنى مصر الجديدة ومدينه نصر تقريبا بتكون مقفوله . يعنى فكرة اننا نتقابل فى ليموزين او الربوة مش هتكون عمليه .
يعنى إخواننا الإسكندرانيه هيدعوا علينا ومش هنعرف نوصل من الناصريه وهنضيع وقت كبير .
منتظر تليفون الان من أحد الأصدقاء من ساكنى المهندسين وسيوافينى بالمطلوب .
يا مسهل .
هتشرفنا يا خميس باشا انت وكل الأخوة الاسكندرانيه
وخلوا عندكم شويه ثقه فينا إن شاء الله هتنبسطوا وعموما لو زنقت قوى نستقبلكم على البوابات ودمتم :36_1_50[1]:
ومتقلقش شنطه الهوندا جاهزة لكل الأسلحه (بس هو فين الجيش اللى إحنا هنحاربه ؟) انتوا أقليه :049:
أشرف باشا
إزيك وواحشنى كتير .
أنا معاك إن شاء الله وجاهز يوم الثلاثاء لعمل أى ترتيب للمقابله
ومش عاوزين نشمت فينا أى حد وخصوصا واحد أول حرف من إسمه شنورى
أحدث المقترحات
1 - شارع أحمد عرابى فى المهندسين أوله من ناحيه شارع السودان
فى 3 قهاوى وموجودين جنب بعض ( بوناسيرا ) (فوتبول) (مارش)
وكلهم كويسين ومستواهم جيد وقدامهم أماكن لركن العربيات .
2- فى نفس الشارع فندق إسمه امون وداخل الفندق أكتر من مكان للقاعدة
وكويسه جدا لكن فى مشكله وخصوصا لإخوانا أعضاء مركز شباب الشيشه
لأن الفندق غير مسموح فيه بشرب الشيشه ، وكمان فى حد أدن للطلبات
35 جم للفرد ويفضل الحجز للأعداد الكبيرة علشان يكونوا عاملين حسابهم ).
ميزة المكان دة هو اننا هنقدر نقعد كلنا مع بعض فى مكان واحد .
3- النزول يوم الثلاثاء مع أشرف بك فتحى لعمل مسح لمنطقه الناصريه
والاماكن المحيطه واختيار المناسب من حيث ملائمه المكان للقاعدة وكذلك
وجود أماكن لركن العربيات .
منتظرين مشاركه الأخوة القاهريين اللى ناويين يشرفونا بإقتراحاتهم .