انا مش عارف اعمل ايه فى المواقف دى !!!

السلام عليكم ورحمه الله وبركاته......

انا بشوف كميه مواقف يوميا ومش عارف انا لو كنت فيها كنت هعمل ايه ؟!!!
موقف مثلا زى : كنت شايف واحدة راكبه ماتريكس لسه بلزقتها ومتلمستش المهم العربية كان ماشى وراها اوتوبيس نقل عام ومرة واحده لقيت الاوتوبيس نزل من مطب جامد ولبس فى شنطة الماتركيس ولقيت الكنبه الخلفيه فى التابلوه !!! مش عارف لو كنت مكانها كنت هاعمل ايه ؟؟؟

المهم من ربع ساعة لسة حاصل معايا موقف .... واحد بتاع ميكروباص خبطلى الاكصدام الامامى بتاعى والاكصدام متكسرش بس اتخلع من الحديدة الى راكبه فيه.. وانا قاعد فى العربية قلت هنزل اضربه ولا اقطعه .... فى الاخر قولتلو الله يسهلك !! مش عارف عملت كدا ازاى وحاسس بتأنيت ضمير ؟

المهم نفسى اعرف المفروض الواحد يعمل ايه فى المواقف دى وكمان عايز اعرف تكلفة تصليح الحاجات دى ؟ وامتى اقول الله يسهلك وامتى انزل اقولو هات فلوسك:36_1_40[1]: او حياتك :mad2:؟

اللون الاحمر مخصص للمداخلات الادارية
يرجى مراجعة قواعد المنتدى

12:00 3/12/2010
المشرف العام

من حقك تاخد منة فلوس من اتلف شىء فعلية اصلاحة وطبعا دة مش عوض زى ما بعض الناس وتقلك انت هتقبل العوض

بصراحة انا شايفه لو انت شايف الحد ده كان محترم فى سواقته والموضوع حصل من غير مايكون مستهتر خلاص انا عن نفسى هقولله الله يسهلك

اما لو حد عمال يتنطط فى سواقته ومستهتر بحياة الناس هدفعه دم قلبه مش عشان الفلوس بس عشان يعرف ان للاستهتار تمن وده ابسط تمن ليه وفيه تمن اكبر وهو حياته وحياة الناس

أنا رأيي ان الواحد لازم يدفع الغلطان ثمن غلطته لأن ده أحد أشكال القصاص اللي الهدف الاساسي منه هو تقليل الأخطاء
ولو كل واحد عمل اي حاجه غلط ودفع تمن تصليحها أكيد هيخلي باله بعد كده ومش هيعملها تاني لكن لو فضلنا نقول خلاص روح الله يسهلك ممكن جدا يكررها تاني
وطبعا دايما بيكون في مجموعة من المطيباتيه الي ملهومش في الموضوع اصلا ويفضلو يقول خلاص حصل خير بسيطة مجراش حاجه يا عم اتكل على الله
وهم طبعا مش خسرانين حاجه واللي اتخبط من غير ذنب ده هو اللي بيتحمل التكلفه لوحده في الاخر مع انه المفروض ياخد تمن تصليح اللي باظ وكمان تمن العطلة اللي هيتعطلها وتمن تشوه عربيه جديده اصبح فيها عيب عمره ما هيرجع زي الاول بسبب واحد مش مركز وهو سايق

بصراحة كل التعليقات اللي فاتت صحيحة 100 %

لكن

اللي عمله زا هيرو هوا الصح

لأنه كان هينزل من العربية مش هيعمل حاجة غير أنه يهزأ نفسه وبس "لا اقصد الإساءة" - لأنه في الآخر لو اللي هينزله حد محترم مكانش هيكلمه ولو كان حد غير محترم الواحد مش هيلاقي منه غير قلة أدب وتضييع وقت على الفاضي، ومحدش بياخد منه حق ولا باطل، لأنه ما فيش حد بيعرف يجب حقه لعدم وجود "ولي الأمر" كما يجب أن يكون، وبقت العملية بالدراع وبس، ولو هوا عمل غير كده، تبقى الحياه مأساة اكتر ما هيا عليه.
:beatdeadhorse5::70[1]::khd:
عذرًا على الإطالة
[gdwl]

"وهذه وجه نظر شخصية"
[/gdwl]

انت عملت الصح.. انا جربت الخناق مع سواقين الميكروباص.. ولسه عندي علامات ف جسمي من 4 سنين اهه

بس زي ما هو علم ف دراعي.... الاسعاف جم يسألوني هو انت خدت عين الراجل معاك كنوع من التهريج ولا هي لسه هنا في الارض ف حته... ايوه طلعت عينه بمعنى الكلمة

الله يقطع الغضب ويهدينا جميعاً... انا ملجأتش اني اعوره الا لما لقيت الموضوع وصل لسنج ومطاوي وهتقطع انا وصاحبي... وفي الاصل هو اللي كان غلطان 100%

انا امبارح سواق تاكسي كسر عليا عشان يدخل اليوترن قبلي علق الاكصدام و شالو من مكانو خالص. كان نفسي اضربو بس سبحان الله سبتو يمشي بس بعد ما مشي لحد دلوقتي مدياق معرفش لية؟؟

معلش ياجماعة انا بقالى فترة بسيطة قوى بسوق بس ملاحظ ان كل حاجة فى الشارع لازم تمشى ياما بالشتيمة ياما بالضرب والفتونة !!

فهل صح كدا ولا انا الى مش واخد بالى وغير كدا كمان !!!! فى ناس طيبة ومتعرفش تصرف يعنى انا اخويا مثلا لو حد خبطو ممكن يسيبو يمشى ويقلو ربنا يسمحك .... واحد زى حصل معايا موقف للحظات فقد السيطرة على نفس وكنت هاعمل مصيبة فى واحد خبطنى من ورا ومعرفتش اوقفو ولقيتوا عمال يتكلم معايا وانا مش مركز خالص كل همى ازاى اموتو والله استنيتوا يعدينى وكنت حخبطو فى الجنط الورانى (ممكن تقول مجنون) بس انا عمرى ما سقت قبل كدا ومعرفش الناس بتصرف ازاى فى المواقف الى زى دى ......بس الحمد لله استعدت وعى ومعملتلوش حاجة مع العلم انى كنت بغلى من جوا

وعايز اعرف انزل هوا لو الواحد ربنا مديلو شويه قوة ينزل يفترى على الخلق ولا ايه ؟

انا حصل معايا موقف برضوا باص من الي هما بتوع الجمعية دولت دخل في الرفرف الامامي
انا نزلت له وهما كانوا كتير وكنت انا وواحد قريبي ..

المهم هو الي غلطان علشان رمي عليا فجاءة


قالي والله يا باشا ماقصدش الي علي يميني رمي عليا ومش عارف اية والله يا باشا لو عايزيني اعملها لك نروح للسمكري دلوقتي وماعنديش مانع ومش عارف اية .. لقيتة محترم ولقيت الخبطة مش مستاهلة اوي .. فسبتة ..


--------------------



ده فية مواقف تانية بقي زي مثلا تخلي واحد يستناك علشان تلف العربية 360 درجة في شارع ضيق وترجع تاني او تركن ..

تلاقي واحد محترم مستني .. او تلاقي واحد بارد يفضل يزمر ويدي نور كان الدنيا هاتطير ..

لاقيت واحد من يومين بلف انا وفية طوب في الشارع وابص للراجل واقولة معلش اصلي في طوب لاقيتة بيبص لي كدا بصة مش كويسة وكانة قرفان انة مستني وحط ايدة علي خدة كانة مل من الانتظار والله خلاني اشتمة وعطلتة علي قد ما اقدر ..

اقتباس:

---

المشاركة الأصلية كتبت بواسطة rerii

بصراحة انا شايفه لو انت شايف الحد ده كان محترم فى سواقته والموضوع حصل من غير مايكون مستهتر خلاص انا عن نفسى هقولله الله يسهلك

اما لو حد عمال يتنطط فى سواقته ومستهتر بحياة الناس هدفعه دم قلبه مش عشان الفلوس بس عشان يعرف ان للاستهتار تمن وده ابسط تمن ليه وفيه تمن اكبر وهو حياته وحياة الناس

---

الكلام دا مظبوط ليه بقا هقولك انت عشان تنزل تكلم واحد سواق ميكروباص مش هينفع تقوله ايه اللي عملتوه دا الاسلوب دا مينفعش يبقا لازم تنزل من عربيتك تفتح بابه وتلطشله على طول ماتيدلوش فرصة يهمس لو تقدر تعمل كدا يبقا تمام مش هتعرف يبقا تحترم نفسك ومتكلمش معاه لان مينفعش معاهم كلام عشان لسانهم طويل وخصوصا لو معاك المدام والولاد

انا عن نفسى مش بقبل العوض لأنى باعتقد ان أى حاجه وحشه بتحصل للبنى أدم ده بيبقى نتيجه ذنب هو عمله وده عقاب من ربنا على الذنب ده

السلام عليكم
طبعا لازم تكون واحد اعصابه هادية
طب انا مره كنت ماشى على الدائرى رايح الشغل والطريق كان مهدى يعنى وانا العربية على قدها الحمد لله
علشان امشى من نقله الى نقله عاوزه وقت شويه
فى واحد وراى يعطى انوار واناماشى مش بعمل حاجه واناس كلها تعنى فى الحاره المجاورة وبتمشى (انا كنت ماشى على الحاره الشمال اى جنب السور) المهم لقته عادنى وقام هادى امامى وماشى برحه انا كنت عاوز اعدى فى الحارة المجاورةمعرفتيش فضلت ماشى وراه الى حد ما هو اكتفى ومعانه معه مراته المهم طبعا انا اديقت شويه (معالعلم انا عصبى ) المهم رحت ماشى بسرعه عاوز اعدى معالعلم وانا بمشى دائما على 80 او 90 احيانا وساعات لو الطريق فاضى 100 المهم طلع على الكوبى المريوطيه وانابرده طالع معه المهم عاديته بعد ذلك الطريق هدى لقته جية جنبى واناالطريق اماى فاضى شويه وهو مش فاضى المهم بصيت لقته بيبص عليا انا معربتوش مشيت وسيبته انا قلت انه عيل كبير مش راجل يعمل الحكرات ديه
بس الحمد لله
واسف على الطاله
اناعلى نفسى والواحد سوف يحافظ على نفسوا ويقول الحمد لله ويحتسبه عند الله

شوف بقى انت لو لبست في الميكروباص دا حتى لو غصب عنك هايسيبك اخويا كان سايق الاسبوع اللي فات على الكوبري وسرح لمده ثنيتين ولبس في تاكسي شاهين نزل راجل كبير في السن تخيل الخسائر كان ايه اكسصدام اتشرخ او وقع ووش فانوس اتكسر دي خسايره وخسيارنا في العربيه محتجه اكصدام ب 500 جنييه استيراد تخيل و كان عايز منه 300 رسيت على 120 جنيه ليه بقى سواق التاكسى بقى مالقش لاخويا روح ربنا يسهلك هل لانه غلطان بس غصب عنه ولا سرح ولا كان تعبان ولا عشان هو سواق تاكسي وطالع ياكل بيها عيش ؟؟؟؟
بص ياريس العفو عند المقدرة ومن حقك تاخد تعويض مناسب
والسماح ياهل السماح ههههههههههه من شيم الكرام

تخيل ادلوقت انت لو كنت اتعورت ولا حصل لحد حاجة في الخبطه اللي حصلت لك كنت بعد كذا يوم هاتتضايق لانك سبت سواق المكروباص يفلت بعملته
ولا لا قدر الله الخسائر كانت اكبر من كدا كان ممكن تتضايق وتاخد تعويض
( بص حاجه فدت حاجه الله اعلم
طالما بتعمل خير ربنا هايحفظ ويسلم طريقك والسماح والعفو عند المقدره خير وماتقلش عليا مطيباتي
وانك تاخد تعويض دا برضه من حقك
اهم شي لازم يبقى عندك ميزان تمشي بيه الامور )
يعني اذا سامحت في حقك خلاص ماتزعلش وسامح بنفس راضيه
واذا اخدت تعويض ماتجحفش باللي قدامك عشان تعلمه الادب في الاخر احنا بشر وبنغلط ودا مايمنعش انه تاخد حقك كامل بطريقة مناسبة
والحمدلله جت سليمه واللي يجي في الشيش بقشيش

اقتباس:

---

المشاركة الأصلية كتبت بواسطة rasim

السلام عليكم
طبعا لازم تكون واحد اعصابه هادية
طب انا مره كنت ماشى على الدائرى رايح الشغل والطريق كان مهدى يعنى وانا العربية على قدها الحمد لله
علشان امشى من نقله الى نقله عاوزه وقت شويه
فى واحد وراى يعطى انوار واناماشى مش بعمل حاجه واناس كلها تعنى فى الحاره المجاورة وبتمشى (انا كنت ماشى على الحاره الشمال اى جنب السور) المهم لقته عادنى وقام هادى امامى وماشى برحه انا كنت عاوز اعدى فى الحارة المجاورةمعرفتيش فضلت ماشى وراه الى حد ما هو اكتفى ومعانه معه مراته المهم طبعا انا اديقت شويه (معالعلم انا عصبى ) المهم رحت ماشى بسرعه عاوز اعدى معالعلم وانا بمشى دائما على 80 او 90 احيانا وساعات لو الطريق فاضى 100 المهم طلع على الكوبى المريوطيه وانابرده طالع معه المهم عاديته بعد ذلك الطريق هدى لقته جية جنبى واناالطريق اماى فاضى شويه وهو مش فاضى المهم بصيت لقته بيبص عليا انا معربتوش مشيت وسيبته انا قلت انه عيل كبير مش راجل يعمل الحكرات ديه
بس الحمد لله
واسف على الطاله
اناعلى نفسى والواحد سوف يحافظ على نفسوا ويقول الحمد لله ويحتسبه عند الله

---

صراحة حضرتك غلطان انت ماشى برحتك فى طريق سريع على الشمال ؟ ازاى؟
عاوز تمشى براحتك يا فى النص يا على اليمين!
الحارة الشمال دى للتجاوز تعدى مثلا الى قدامك فيها و ترجع المنتصف تانى
ياما تمسكها فى حالة ال زحمة و يكون الطريق منيل مفهوش ولا يمين ولا شمال!
و اكيد الراجل دة كان جى بسرعة من ورا و بيقلبلك وانت موسعتلوش! :khd: