يا اهل الدايو حد يفيدنى

**mero5005** · 23-03-2008 01:02 AM

انا خلاص قربت اتجنن انا نفسى اعرف 3 حاجات عن الانوس وكل مره حد يقول حاجه شكل
1- التكييف قوى ولا ضعيف ؟؟؟؟؟؟
2- مع تشغيله اخبار سحب العربيه ايه؟؟؟؟؟؟؟؟؟؟؟؟
3-هى حريقه بنزين وزيت وفريون زى ما بيقولوا ولا؟؟؟؟؟؟؟
اصلهم قالو ان شفروليه افيو هى هى الانوس والفرق بينهم فى السعر مبالغ فيه شويه لو كانوا زى بعض (7 الاف+ان الافيو شاحه موووت دلوقتى ولازم تحزها قبلها ب 3 شهور)
الله يرضى عنكم عايز جواب على التلت اسئله دول ورأيكم مين احسن مع العلم ان الانوس اى ميكانيكى بيفهم فيها وقطه غيارها موجوده فى كل حته لكن الافيو لا التوكييييل بس

**أبو ياسين** · 23-03-2008 09:39 AM

براحه هدى نفسك انا معايا لانوس 14 الف كيلو
1 - التكيف معايا معقول مش وحش بس بحس ان القاعد وره مش بيحس بيه اوى
2-سحب العربيه كويس لما تشغله مباحسيش بيه خالص على السرعات انما بحس بيه فى الطلعه بس و ده مش فى كل وقت فى غز الحر يعنى السحب طبيعى
3-كبنزين بتعمل معايا 240 ك /صفيحه جوه البلد
و 320 طولى(110 ك /س)
و 220 طوالى(140 ك/س)
اما الزيت فاحيانا بيحصل تسريب و كان فيه موضوع عن علاج كل مكان ممكن يحصل منه تسريب

انا كنت فى حرتك بس كان الفرق بين الانوس و الافيو 10 الف
و طبعا قررت اشترى لانوس

**amrokhafagy** · 23-03-2008 11:38 AM

التكييف ممكن تديله جيد جدا للخلفى وتلاجةز للى قاعد قدام
السحب فى فرق يكاد لا يذكر
الزيت مافيش مشكلة
بالنسبة للبنزين 200ك-الصفيحة داخل البلد /180ك مع التكييف
خارج البلد 300ك

**kemoelord** · 23-03-2008 07:53 PM

السلام عليكم : انا معايا لانوس مو 99 هي اولا علشان نكون متفقين هي عربيه اقتصاديه جدا في مصارفيها وقطع غيارها واستهلاكها للبنزين .
ثانيا : انا متفق جدا مع الاخ abzaky في ان المكيف لما بكون مشغله العربيه بتتاثر بس في الطلعه بس انا عندي مشكله في التكييف وارجو لو حد يعرف اتصرف ازاي معاه يقولي وهو انا عندي المكيف ضعيف جدا وقوه تبيرده مش عاليه فلما روحت لواحد تبع مكيفات وكده قعد قالي ان دائرة التبريد عاوزه تتنظف ويتزود فيرون وانت هتلاقي الميكف ده حاجه تانيه خالص حتى الناس الي هيقعدوا بالخلف هيحسوا بالفرق بس طبعا انا ما عملته بسبب المبلغ المبالغ فيه الي طلبوه مني وهو 500 ج مش عارف لييييييييه ؟؟!! فأرجو الافاده

**محمد فريد** · 24-03-2008 01:28 AM

التكييف عندى ثلاجة والحمد لله مع انها 2004
السحب معقول مع تشغيل التكييف بالرغم من انى مغير صباب بعد ما سير الكاتينة اتقطع وجوان وش سلندر وأيضا مغير طقم دبرياج كامل وده ميعباش.

مين قال لحضرتك انها حريقة بنزين وزيت وفريون مفيش كلام من ده أبدا
هو الاستهلاك بيزيد مع القرص والشد بطريقة ملحوظة
بنزينها 90 عادى جدا.
الزيت hxp 3000 وساعات mobil 1500 الابيض.

**محمد فريد** · 24-03-2008 01:37 AM

المشاركة الأصلية كتبت بواسطة kemoelord

انا عندي المكيف ضعيف جدا وقوه تبيرده مش عاليه فلما روحت لواحد تبع مكيفات وكده قعد قالي ان دائرة التبريد عاوزه تتنظف ويتزود فيرون وانت هتلاقي الميكف ده حاجه تانيه خالص حتى الناس الي هيقعدوا بالخلف هيحسوا بالفرق بس طبعا انا ما عملته بسبب المبلغ المبالغ فيه الي طلبوه مني وهو 500 ج مش عارف لييييييييه ؟؟!! فأرجو الافاده

500 جنيه حراااااااااااااااااااااام ليه؟
وبعدين شحن الفريون مش غالى ابدا - ده اكيد واحد نصاب حتى باين من كلامه مع حضرتك كله مبالغة - سيبك منه خالص
جرب حضرتك تنظف الفلتر وكمان تغير مياه الريداتير بمياه خضراء وتنضف الريداتير بالهواء المضغوط وان شاء الله خير

**mero5005** · 24-03-2008 02:52 AM

والله حاجه تحير يعنى لو تقارنها بالافيو مع الاعتبار لفرق السعر 7اللاف جنيه تختار مين؟؟؟؟؟ وبعدين يا جماعه انا مش فاهم حكايه الجردل والصفيحه بتاعه البنزين دى وعايز اشترى عربيه واريح دماغى مش كل يوم تطلعلى فيها مصيبه؟؟؟؟؟؟؟
والتكييف عندى حاجه اساسيه وشكرا على ردودكوووووو

**MMamdouh** · 24-03-2008 12:39 PM

روح لامجد بتاع التكييفات اللى فى ضهر السوق الحرة اللى فى جامعة الدول

او روح للمراكبى فى جسر السويس قبل دخلة احمد عصمت بحوالى 100 متر امام بوابة نادى الشمس رقم 5

MMamdouh