اللادا و نمر العربية

**SunSet** · 01-12-2010 05:51 PM

النهاردة وانا راجعة من الشغل

وقفت تاكسي

انا دايما مش بأحب اتكلم خالص مع السواقين

ودايما بأحب يبقى معايا فكة عشان ما يستغلوش ان هم اللي حيرجعوا بقية الفلوس

المهم ركبت وانا مش واخدة بالي ان مش معايا فكة فسألت السواق يفك لي

طبعا كالعادة في الموقف ده بيستغل الوضع

المهم انا قلت له خلاص مش حاتكلم في الزيادة دي

وخلاص سكت ونهيت الحوار لان اصلا انا كنت مخنوقة من غير حاجة

لكن فجأة لقيت فيه حوار بينه وبيني وكلام على التاكسيات و صحابها واللي بيشتغلوا عليها

انا باقوله بيبقى في فرق في التعامل بين صاحب التاكسي او واحد شغال عليه

المهم قعد يقولي بالعكس ده صاحب التاكسي حيبقى عاوز يرجع ال 120000 جنيه تمن التاكسي

120000 ايه؟

دي لادا يا استاذ

وهو مصمم ان انا مش بافهم في العربيات وان اللادا ب 120000

وانا اقول له ليه هي سيراتو مثلا

!!!!
مع العلم ان التاكسي مش كان جديد

المهم هو عارف اخدني من اي مكان فالمفروض يتوقع مستوى الثقافة

فسألني طالبة ؟ قلت له لا اتخرجت

وسألني عن تخصصي

المهم هو مصمم يوصل لي ان انا ما اعرفش حاجة ( برغم استفساراته السابقة ) فيقولي ده النمر بس في المرور بيكلف 65000

!!!!!!!!!!!!!!!!!!!!!!!!!!!!!!

يا جماعة بجد الحوار مع الشخص ده خنقني جدا وماكنتش عارفة اقفله وكان مستفزني اخر حاجة

هل هو عنده حق في الارقام دي اللي انا اعترضت عليها ؟؟؟؟

**kimocyc** · 01-12-2010 05:57 PM

هو كلامو صح الى حد ما لسبب ان النمر الاجرة غالية فعلا وممكن توصل ل 65000 جنيه لوحديها فقط او تعديها .. - التراخيص للاجرة واقفة - يعني اللوحتين بس في ايديك.. وطبعا الباقي ثمن السيارة ... (بس انتى بتقولي انها لادا قديمة)... ولا من سنتين فاتو مثلا ؟؟

وبعدين .. حضرتك بتقولي انك معرفتيش تقفلي الموضوع.. يبقى ايه سبب فتحو من الاساس.. ؟؟؟

ولتتذكرى القاعدة Most of talk.. smoke..

**mahmoud_magdy** · 01-12-2010 05:58 PM

ايون ده حقيقي
العربيه بتمنها العادي
والنمر بفلوس كتيييييييييييير حوالي 60 الف جنيه
يعني فعلا التاكسي ممكن يعدي 120 واكتر كمان على حسب سعر العربيه طبعا
وبيقسطو النمر مع المرور

**SunSet** · 01-12-2010 06:00 PM

يعني انا ظلمته في نفسي

**SunSet** · 01-12-2010 06:08 PM

المشاركة الأصلية كتبت بواسطة kimocyc

هو كلامو صح الى حد ما لسبب ان النمر الاجرة غالية فعلا وممكن توصل ل 65000 جنيه لوحديها فقط او تعديها .. - التراخيص للاجرة واقفة - يعني اللوحتين بس في ايديك.. وطبعا الباقي ثمن السيارة ... (بس انتى بتقولي انها لادا قديمة)... ولا من سنتين فاتو مثلا ؟؟

وبعدين .. حضرتك بتقولي انك معرفتيش تقفلي الموضوع.. يبقى ايه سبب فتحو من الاساس.. ؟؟؟

ولتتذكرى القاعدة most of talk.. Smoke..

السبب هو التبرير

مش فاهمة الاديوم اللي حضرتك إستخدمتها

العربية مش جديدة ممكن نقول 10 سنين مثلاً

**black_cres** · 02-12-2010 10:37 AM

ايوا حقيقي ان النمر بتبقى غالية وبيسموها العداد وتلاقي الي تحت ايده عريية اجرة تاكسي مثلا وعاوز يبيعها لو مالقاش السعر اللي عاوزه بيبيع العداد لوحده والعربية يقلبها ملاكي ويبيعها

**Salamonti** · 06-12-2010 06:16 AM

النمر الأجرة فعلا أسعارها بقت في ارتفاع رهيب من أول ما منعوا التراخيص الجديدة للأجرة
أفتكر من سنتين ولا تلاتة كانت في حدود 35 - 40 ألف جنيه
ده عشان تشوف واحد معاه تاكسي كحيان ويتنازللك فقط عن النمر وياخد عربيته هو يعمل بيها أي حاجة وانت تاخد النمر تحطها على عربيتك

واللي يتابع سوق البيع والشراء ممكن يشوف فيه ناس مثلا عارضة تاكسي للبيع ويشوف الأرقام العجيبه اللي بتتحط
لو 128 مثلا ممكن يطلب 60 ألف على أقل تقدير
العربية نفسها ماتسواش 10 بواكي بس الباقي عشان النمر !!

**M.Zaher** · 06-12-2010 11:10 AM

سالت سواق تاكسي في طنطا مره على سعر النمر عندهم قاللى 120 الف

**SunSet** · 07-12-2010 02:10 AM

شكرا ليكم كلكم

فعلا كل يوم بأتأكد اني مش عايشة في الدنيا

كنت من كذا شهر بسأل خالي على العربيات وبعدين في وسط الكلام قالي ينفع تاكسي يتحول ملاكي لكن مش العكس

وفضلت شهور شايفة انه اكيد كان يقصد العكس

الظاهر الموضوع كبير والواحد ولا حاسس

**Ahmed73** · 07-12-2010 12:19 PM

عندنا فى تبرع 100 ألف قبل أى كلام تانى

الموضوع: اللادا و نمر العربية

LinkBack

أدوات الموضوع

عرض

اللادا و نمر العربية - انشر الموضوع فى :

-

-

-

-

-

-

-

المواضيع المتشابهه

ساعهة العربية اللادا 2107 لا تعمل

سخونة العربية اللادا

تفاصيل عن تعلية العربية اللادا

انا بكره العربية اللادا وهذه اسبابي

بيض المقصات في العربية اللادا......!!!!

الكلمات الدلالية لهذا الموضوع

المفضلات

المفضلات

ضوابط المشاركة