-
تحذير من الشبوره
سلام عليكم
أولا الحمد لله رب العالمين و مبروك رجوع المنتدي
ثانيا يا ريت كل اللي مسافر ياخد باله وبلاش بالليل لأن الشبوره بقالها كام يوم صعبه جدا
ابتدت من يوم السبت اللي فات واتدبست فيها انا علي الطريق الزراعي مع ان الساعه كانت 12 بالليل لكن الشبوره كانت وحشه جدا ، وبعدين اتحسنت شويه اليوم او الاتنين اللي بعدها ورجعت تاني من امبارح سيئه جدا وانهارده برضو نازله طول النهار
واللي يتدبس فيها مينساش يشغل المساحات باستمرار علي السرعه البطيئه لأن بشوف ناس كتير جدا مش مشغلينها وطبعا مش شايفين حاجه فاكرين انه من الشبوره لكن هي بتكون متكثفه علي الزجاج بشكل وحش وبتمنع الرؤيه تماما ، وبرضو بلاش النور نهائي ولا الواطي حتي ، السهاري مع انتظار فقط
ربنا يسترها معانا جميعا و بلاش السفر بالليل
-
شكرا على النصيحة يا باشا و فعلا الشبورة صعبة في المدينة فما بالك بطرق السفر
ربنا يسترها على الجميع
-
-
وفيه حاجة كمان لو الطريق منور وفيه نور اطفي نور العربيه عشان لما بتشغل النور الشبوره بتعكسه و مابتشوفش حاجة
-
انا امبارح مكنتش مصدق نفسي وانا راجع من داندي على الصحراوي... ربنا يستر طريق الجميع
-
الشبورة فعلان جامدة جدا
و بالذات على الدائرى و اول طريق السويس
-
الشبوره كثيفه في المنصوره برضه , شبوره في "الشتا" و الجو حر هههههههه :) دنيا
-
اليومين دول الطرق الصبح مرعبة وخصوصا اني بسافر الاسبوع دا كتير
امبارح الساعه 6 ونص صباحا علدائري قبل نزلة طريق اسماعيلية كان الطريق وهم.. مكنتش شايفة الاتجاه التاني حتي...وحوالي 3 حوادث علدائري..وتلاتة فطريق اسماعيلية
-
فعلا الشبورة بشعة الصبح والناس بتبقى مستعجلة علشان يروحوا الشغل والواحد لازم ياخد باله كويس وربنا يستر
-
والله ياجماعة كان عندى مشوار مهم فى اسكندرية وقررت أسافر يوم الاحد الماضى
وبالفعل انطلقت من القاهرة الساعة 7 صباحا ووصلت اسكندرية بحمد الله الساعة 12 ظهرا !!!!
وده كان بسبب الشبورة وايضا بسبب التحويلات على الطريق لتطويره
والحمد لله رجعت فى نفس اليوم
واخدت تانى يوم نوم فى البيت !!!!!!!!!
ربنا يستر
وياريت كل الاعضاء ياخدوا بالهم كويس ويتوقعوا الخظأ من الاخريين
Content Relevant URLs by
vBSEO 3.6.0 PL2