أحلى نكتة سمعتها من زمن بصراحة
ههههههههههههههههههههههههه ههههه :vctry:
الحقيقة مش بقتنع بالكلام ده فى النقطة دى ..
ليه؟؟
لأن أصلا اللى ماتوا دول مش مؤمنين بعقيدتنا الإسلامية ... و ممكن يكونو أصلا ناس من جواها كويسين .. و عملوا خير .. و أتقنوا عملهم .. و مأذوش حد .. و ربنا قال إنه من يحسن عمله ربنا بيجازيه .. و موضوع المسألة العقائدية دى حاجة بين العبد و ربه و حاجة ملناش دعوة بيها ...
و لو ربنا فعلا حب يعاقب هيعاقب المسلم إللى سامح بالدعارة فى شرم الشيخ .. الدعارة و القمار فقط ..
و مش الخمر و المايوه .. لسبب .. إن أهل مصر 10% منهم مسيحين .. ماينفعش تفرض عليهم ما لا يؤمنوا بيه فى عقيدتهم ... و مسموح لهم شرعا إن إحنا منفرضش عليهم عدم شرب الخمر ... و مش مسموح لينا إننا نمنعهم إنهم يجيبوه خمر و يبيعوها للمسيحيين و الديانات الأخرى ..
إمتى نعمل كده ؟؟؟ لما يكونوا ناس اجانب ضيوف .. يقعدوا و يحترموا حياتنا ..
لكن المسيحين إللى فى مصر .. دول أهلنا ..
فالموضوع متشابك إلى أقصى درجة .... و مش كل مشكلة تحصل ده عقاب ربانى على الموبقات ..
ممكن يكون عقاب قوانين الطبيعة .. عقاب قوانين الفيزياء ... عقاب قوانين الفلك و الإحتباس الحرارى
حاجات كتير ... مظنش إن ربنا هيبعت سمكة قرش تموت الناس عقاب .. سائحة مثلا
لأن العبارة بردو الناس إللى نطوا فى المياه أكلهم سمك القرش ...
أنا متفق معك إن الموضوع مش شرط يبقى عقاب ، ولله حكمة في ذلك الحادث لا يعلمها إلا هو.... مش شرط يبقى عقاب مباشر للناس اللي ماتوا... قد يكون عقاب غير مباشر للمسئولين اللي هناك مثلا ، ويتهموا بالتقصير ويفصلوا من عملهم ... وممكن يكون جواب رباني للمسلمين اللي بيروحوا هناك وبيندمجوا مع السياح إن ممكن يكون مصيرهم مثل مصير هؤلاء.... وممكن يكون عقاب بشكل أكبر شوية زي ضرب السياحة في مصر ... في النهاية الله أعلم ولله الحكمة البالغة ... أما كون القرش ده جندي من جند الله فده مش معناه إنه ربنا سخره لعقاب ناس معينة ، ممكن لحكمة معينة.
أسمحولي أطرح قناعاتي للموضوع والله أعلم
الأنسان ألي مثلا بكهوف بالقطب الشمالي ولم تصله دعوة لأية ديانة حسابه أزاي!
علي الفطرة الأنسانية السوية التي خلق الناس عليها
بمعني ترضي حد يسرق مالك.............بالطبع لأ يبقي ماتسرقش مال الناس
ترضي حد يخون أمانتك......................بالطبع لأ يبقي ماتخونش أمانات الناس
وهكذا الفطرة السليمة ألي هايجتمع عليها غالبية البشر بتقود ك للصح والغلط الفطري
طالما لم تصل أليهم الدعوة لدين الله.........فليس عليهم حرج دينيا والتقصير علي عاتق الدعاه
والله أعلم
موضوع القرش والسياح و السياحه لا احب ان اعلق عليها , كل ده ممكن يكون لحكمه لا يعلمها الا الله
لكن احب اصحح لحضرتك ان شرب الخمر للأقباط (المسيحيون الارثوذكس المصريين ) الخمر حرام عليهم شربها حتى البيره ذات محتوى كحولى منخفض واللى بيعمل كده اثم
ولى الكثير من الاصحاب والمعارف من المسيحيون لايشربون الخمر
اعتقد ان الاصل للتشريع فى الاديان الكتابيه واحد
اليهود ايضا لايأكلون لحم الخنزير , وشفت اكتر من واحد يهودى بيطلب على الطائره وجبه مسلم وبيأكلوا لحوم فى اوروبا فقط فى مطاعم يهوديه او مسلمه (حلال)