الموضوع: علب الشكمان

أولاً أنا مبسوط قوي برجوع المنتدى للحياه

انا لقيت العلبة الورانية البارومة وكلاها وبطلع صوت . روحت لمركز خدمة أبو اليزيد علشان يغيرها .كشف عل الشكمان وقالي أنه كله عاوز يتغير.
طبعا أنا قلتلو أعمل الضروري بس فيه .فغير العلبتين إل ورا وكان فية نوعين نوع يعمل370بالتركيب والأخر يعملو بتاع 650 حاجة كده بس كان فيه فرق واضح في الخامة للأمانة . المهم أنا أخترت الأرخص مش عارف كدة صح ولا إيه؟ ويترى الأرخص ده يفرق في إيه عن الأغلى؟

في حاجو تانية عاوز رأيكو فيها وهو بيشوف علبة البيئة لقها فاضية من جوة (مع أني شاريها مستعملةمن 5 سنوات وأنا ماعرفش) فكان مصر أنه يستيدلها بحاجة أسمها علبة رنان ودي كانت بتعمل أزيد من 300 جنية وقالى أنها هتفرق في صوت العربية جامد. مش عارف أبدلها ولا أغير القطعة الأولي بأكملها (لآنها مصدية خالص) بقطعة بتاعة لانوس عادية وبالتالي ألغي نوضوع علبة البيئة ده خالص؟

المشاركة الأصلية كتبت بواسطة memoo305

طبعا أنا قلتلو أعمل الضروري بس فيه .فغير العلبتين إل ورا وكان فية نوعين نوع يعمل370بالتركيب والأخر يعملو بتاع 650 حاجة كده بس كان فيه فرق واضح في الخامة للأمانة . المهم أنا أخترت الأرخص مش عارف كدة صح ولا إيه؟ ويترى الأرخص ده يفرق في إيه عن الأغلى؟

العلبه الغاليه بيكون الصاج فيها محمل وبالتالى عمره الافتراضي اطول من العلبه الرخيصه اللي صاجها عادي , ولكن الحشوه الداخليه هي هي بالظبط في الاتنين , وانا شخصيا من كام شهر ركبت وصله اماميه (من الموتور لغايه العلبه الوسطى مع الغاء علبه البيئه) + العلبه الخلفيه , والاتنين كانوا من الصاج العادي والحمد لله مفيش اي مشاكل , ومن ايام بردو غيرت العلبه الوسطى وجبت الصاج العادي , يعني كده الشكمان كله صاج عادي

المشاركة الأصلية كتبت بواسطة memoo305

في حاجو تانية عاوز رأيكو فيها وهو بيشوف علبة البيئة لقها فاضية من جوة (مع أني شاريها مستعملةمن 5 سنوات وأنا ماعرفش) فكان مصر أنه يستيدلها بحاجة أسمها علبة رنان ودي كانت بتعمل أزيد من 300 جنية وقالى أنها هتفرق في صوت العربية جامد. مش عارف أبدلها ولا أغير القطعة الأولي بأكملها (لآنها مصدية خالص) بقطعة بتاعة لانوس عادية وبالتالي ألغي نوضوع علبة البيئة ده خالص؟

العلبه الرنانه دي بتكون اصغر من علبه البيئه الى حد ما وجواها الياف حراريه لتقليل الصوت شويه , وانا شخصيا شايف انها ملهاش اي لازمه , لاني لغيت علبه البيئه خالص ومش حاسس بفرق مزعج في الصوت , ده بالاضافه الى ان العربيه فاقت بعد الغاء علبه البيئه