بفضل الله وحمده....

غيرت الكاسيت والسماعات...


الكاسيت : Kenwood KDC-4047UM






والعلبة...





وزى ما مكتوب على الكاسيت والعلبة 50w X 4

ولو انى مش عارف معنى الكلام ايه ,,,بس مش مشكلة...



مميزات الكاسيت ::

بيقرا فلاشات (وده السبب الرئيسى اللى خلانى اجيبه)....

سى دى ....

AUX

خرج الصوت بتاعه ممتاز ولله الحمد...

اضاءة حمرا شكلها تحفة بالليل....

الشاشة بتاعته فى عز النهار مبينه كل حاجة (على عكس القديم طبعا)....

ال options & settings بتاعت الكاسيت سهلة جدا....

2 مستوى لل BASS BOOST

اكتر من اختيار فى قراءة الملفات (اسم المغنى/اسم الفولدر/ال title/الساعة/الوقت ورقم التراك)

بيقرى الفولدرات والملفات ابجدى...


واكتر ميزة اكتشفتها بالصدفة ان البحث اللى فى الكاسيت عميق شويه,,,بمعنى...


انا كنت فاكر ان السيرش ده مجرد بحث فى الفولدر اللى انا مشغل منه الاغانى وبس...

وبالصدفة اكتشف ان انا ممكن اكون مشغل اغانى فى فولدر معين,,,واعمل سيرش على فولدر تانى خالص واختار من

جواه التراك اللى عايزه واشغله....


الراديو بيجيب اسم المحطة :) ,,,المفروض يعنى,,,بس مش جايب لى غير اسم نجوم اف ام وبس :(


الصوت من 35 درجة....


الوش بيتفك وبييجى معاه جراب للوش...



مهم جدا :: ومن المميزات الجامدة اوى اللى فيه....انك بتظبط ال options بتاعت الكاسيت زى ال BASS وال

TREBLE لكل حاجة لوحدها,,,,يعنى السى دى ليه ظبط لوحدة والفلاشة ليها ظبط لوحدها والراديو ليه ظبط لوحده



العيوب ::


فيه حاجات كتير جدا مش فاهمها فى الاوبشنز بتاعت الراديو,,,,ولما جربت افهمها من المانيوال بتاعه معرفتش :(


كنت مستنى تحكم اكتر من الريموت ,,,,بس الحاجات اللى بيعملها الريموت تعتبر محدودة جدا (بالنسبة لىَّ)...





السماعات : Pioneer TS-A6971E


















3 واى...

4 اوم...

350w

وتقريبا لو انا عارف اشوف من الصورة ف ال RMS بتاعها 80w


السماعات مش جديدة ولا حاجة زى ماهو باين من الصور :)

دى معونة انسانية من اخويا الكبير :)



....فعلا صدق استاذ محمد ممدوح لما قال ان الواحد بيبقى عاجبه صوت السماعات الفبريكة لغاية ما يغيرها ويعرف انها كانت .........


طبعا الصوت ولله الحمد شتاااااااان بين السماعات الفبريكة والسماعات الجديدة اللى هى مش جديدة :)








نيجى بقى للتركيب والاسعار.....

الكاسيت ب 675 جنيه,,,,,وواثق ومتأكد ملييييييييييار فالميه ومن غير ما اسأل انه اغلى من سعره الطبيعى...

والسبب البسيط فى كده ان انا المفروض فى اليوم اللى كنت نازل اشترى فيه كنت حروح ادريان وكان يومها قافل
فاشتريته من اكتوبر... :(


السماعات ببلاش.... :)


تركيب الكاسيت 20 جنيه واتخصمت من تمن الكاسيت (السعر كان شامل التركيب)...

تركيب السماعات 20 جنيه....

والحمد لله السماعات اتركبت من غير تخريم فى الصاج...

الراجل اللى انا بتعامل معاه قاللى ((حنسقطها))....

يعنى السماعات اتركبت من تحت مش من فوق....

15 جنيه سلك معرفش ايه كده عشان السماعات....



عندى تساؤلين....



الريموت فيه زرار اسمه ATT لما بدوس عليه الصوت بيوطى...

حد عارف يعنى ايه ATT او ايه الوظيفة الفعليه ليها ؟؟؟





تانى حاجة...

المعونة الانسانية بتاعت اخويا كانت شاملة السماعات + جى ام بايونير 250w ومعرفش كام way

هل يفضل انى اركبه ولا اسيب الحال على كده ؟؟؟؟؟



وبس كده....



تحياتى....