من شويه بكلم اخونا محمد غازي علشان اقوله علي اني جاي القاهره واشوفه
لقيته زعلان وبيقولي يعني اعمل عمليه من 5 ايام ومحدش يسال عليا
بجد انا زعلت جدا
وليا عتاب ولوم علي الناس كلها وانا اولهم
ربنا يقربنا من بعض اكتر ونسال علي بعض
العمليه بسيطه هو كان بيشيل المسامير بتاعه الجراحه القديمه وهو كويس والحمد لله
بس برضه العتاب واللوم قائمين
عنده حق طبعا يزعل
لكن العتب على اي حد يكون عرف ومعملش موضوع علشان الناس تعرف
شنر ابعت لي نمرة غازي في رسالة خاصة علشان اكلمه لان رقمه مش معايا
مايصحش طبعا
ده كده نعمل له زيارة مخصوص..
بس أنا متخيل إن أبو إياد كان المفروض يكون عارف بموضوع العملية..علشان بيسهروا مع بعض كتير
ويعرفنا
المهندس غازي من الناس المؤدبة جدا
بس ماكناش هنعرف من نفسنا
حمدالله على سلامته
يا خبر ابيض
والله انا كان عندي علم انه هيعمل العملية بس مكنتش اعرف الميعاد
كمان الظروف اللي حصلت للمنتدى الفترة اللي فاتت لخبطت الواحد شوية ومكنتش عارف مين موجود ومين مختفي
انا عارف طبعا ان دي كلها مش مبررات ... الف سلامة عليك غازي باشا .... وتقبل اعتذاري
تصدوقوا فعلا الواحد حس بالتقصير من ناحية غازي بس الفتره اللي فاتت المنتدي مكنش مستقر وكان دائم الوقوع وان شاء الله يقوم بالسلامه شفاك الله وعفاك بشمهندس غازي وان شاء الله تيجي المقابله من غير صديقك اللي كان ملازم ليك
الف سلامة عليك يا غازي وان شاء الله نشوفك ف الملاعب قريب
ومتهيألي الموضوع هيتظبط لو حضراتكم لميتوا العصابة ورحتوا زرتوه فجأة.. وطمنونا عليه
انا قبلت المهندس غازى صدفة فى المستشفى بعد لما خلص العملية وكان ماشى والحمد لله شكله كان كويس وسلمت عليه
بس للاسف انا باردوا ساعتها والدتى كانت بتعمل عمليه فى نفس المستشفى وكان عندى امتحانات كمان فا ما قولتش لحد على الموضوع دا
وان شاء الله يكون بخير ويقوم بالسلامة
الف سلامه عليه يارب يكون بخير
الف سلامة عليك يا باشمهندس غازي
الف سلامة غازى
ان شاء الله تكون بخير وكلنا نطمن عليك قريب
غغغغغغغغغغغغغغغغغغغغغغغغغ غغغغغغغغازى حمد الله على السلامه يا بشمهندس ,, وكويس انك بخير الحمد لله
الف سلامة ياغازي
والله انا النهاردة بقول ماله مختفي ليه بس قلت اكيد شغل
انا لسه عارف حالا واكيد لو كنت اعرف كنت هابلغكوا
حمد على سلامتك ياغازى وسامحنا لو ظروف حياتنا شغلتنا عنك
هو ايه اللي بيحصلنا ده سرفر يضرب وناس تتعب وتخش مستشفي
حد ياجماعة يشوف حد يبخر المنتدي لاحسن كده احنا هننقرض
والف سلامة عليك يا استاذ غازي
شنورى ابعت لى نمرة غازى لو سمحت
والله يا جماعة انا معرفش المهندس غازى
بس 10000000000 حمدلله على سلامتك ويارب نسمع عنه وعنكم كلكم سمع خير يارب
الف سلامه عليك يا باشمهندس
ان شاء الله تكون بخير
ألف مليون سلامة عليك يا غازى
و ربنا يشفيك و ترجعلنا بالسلامة
حمد الله على سلامته وليه حق يزعل بس اللوم على اللى يعرف ومقلش
1000 حمد الله علي السلامة غازي باشا
الف سلامة عليك يا باشمهندس و ربنا يتم شفاك على خير ان شاء الله
عملية ازالة المسامير دي عملية صغيرة فعلا بس برضو متعبة لانها فتح زيها زي اي عملية
بس مادام وصل لمرحلة انه يشيل المسامير دي علامة كويسة جدا و ان شاء الله يرجع احسن من الاول
ياريت اللي يكلمه يوصله سلامنا جميعا و يطمننا عليه
عملية ايه ياجماعة طمنونا
الف سلامة عليه انا والله ما عارف فيه ناس اختفت ومش عارف ارقامها ولا اعرف حتى اخبارها
الف حمد لله بالسلامة ليك يا غازي وربنا يتم شفاؤك بأذن الله
الف سلامة يا غازي
شفاك الله وعافاك
...
لكن فعلا المفروض ان اللي يعرف حاجة زي كدة يبلغنا علشان نطمئن ونسأل عليه
غمتى ده حصل وإزاي محدش يقول يا ريت حد يبعتلي نمرتة على الخاص
اقتباس:
المشاركة الأصلية كتبت بواسطة SHNORY
اقتباس:
المشاركة الأصلية كتبت بواسطة A7MED_PHARMA
اقتباس:
المشاركة الأصلية كتبت بواسطة أبو إياد
اقتباس:
المشاركة الأصلية كتبت بواسطة Sharky
حد فيكم يتكرم ويتعطف ويبعتلي رقم الراجلاقتباس:
المشاركة الأصلية كتبت بواسطة yoko
ضروري يا جدعان لان كده عيب
A.Yakout
خلاص يبئى يا جماعه غزو يوم الخميس بالاكل والشرب عند غازى عشان نعمل معاه الواجب
السلام عليكم و رحمة الله و بركاته
والله العظيم يا جماعه انا مش زعلان من اي حد لاني عارف ان مافيش
حد كان يعرف و المنتدى كان بقاله فتره واقع و بالتابعيه التواصل كان اقل,
و انا عاذر كل الناس لاني عارف ان الدنيا مشاغلها كتييير و مش بتخلص
و ربنا يكون في عون الجميع, و ابواياد ماكانش يعرف بردو موضوع العمليه
و لا اي حد تاني فعلاً...
شكراا يا شنوري على اهتمامك الكبير و انك عملت موضوع علشان تعرف
الناس بموضوع العمليه, و صدقني انا لما كنت بقولك انا زعلان منك
لانك مش بتسأل انا كنت بهزر معاك لاني فعلا عاذرك و عارف ان اكيد
عندك مشاغل كتييير و ربنا يكون في عونك و عون الجميع...
و شكرااا جزيلاً لكل الناس اللي اهتمت و اتصلت بيا بعد ما عرفوا موضوع
العمليه, و فعلاً انتم اخوه انا اعتز و اتشرف باخوتهم و صداقتهم...
ان شاء الله نرجع تاني نتواصل مع بعض زي الاول و اكتر كماااان...
.... ألف سلامه على والدتك يا ياسر و يا رب تكون بخير و خرجت بالسلامه ....
تحياتي للجميع و شكراا لشنوري و لكل الناس اللي اهتمت بالرد او الاتصال...
شكراااااا...
الف سلامه ياغازى ونعتب عليك بردو لأنك معرفتناش داحنا جيران ياراجل
عمتا حمد الله على السلامه وهى طلعه اسكندريه فيها حبه فسفور من بتوعنا دول وتطير مش تمشى على رجلك
الف سلامه عليه وان شاء الله نطمن عليه اكتر لما يدخل المنتدى
والف سلامه على والدتك يا ياسر وان شاء الله تكون افضل دلوقتى
طيب طالما انت مش زعلان مابتردش ليه عليا ؟
الف سلامة على حضرتك ياباشمهندس غازي..
والف سلامة لوالدتك ياياسر..
الف سلامه ياباشا الحمد الله انك قمت بالف سلامه
الف سلامة عليك يا بشمهندس وعقبال باقى المسامير
اهم شى تكون احتفظت بالمسامير اللى طلعتها ....يمكن تغلى ولا حاجه
حمد الله علي السلامه يا هندسه ربنا يتم شفائك
هنشوفك ولا ايه ؟
ألف ألف سلامة يا بشمهندس غازى
نشوفك على خير على صفحات المنتدى إن شاء الله
لحد دلوقتى ماجليش حاجة من شنورى !اقتباس:
المشاركة الأصلية كتبت بواسطة nabaster
يعني هو بقي شنوري السبب ماشي يا رجاله
ماهو ماسينجري مفتوح انتم متضافين فيه ومحدش فكر يسالني